കോഴിക്കോട്: വീര്യം കുറഞ്ഞ മദ്യത്തിന് നികുതി കുറയ്ക്കാനുള്ള നീക്കത്തില് അതൃപ്തി പരസ്യമാക്കി മുസ്ലിം ലീഗ്. ലഹരിയെ നാടുകടത്താനുള്ള ഓപ്പറേഷന് തൂഫാന് പദ്ധതിയെ നാടും നഗരവും ഏറ്റെടുക്കുമ്പോള് തന്നെയാണ് ബജറ്റിലെ ഈ പ്രഖ്യാപനം എന്ന് മുസ്ലിം ലീഗ് അധ്യക്ഷന് സാദിഖലി ശിഹാബ് തങ്ങള് വ്യക്തമാക്കി.
മദ്യനികുതി ഇളവുമായി ബന്ധപ്പെട്ട് ഉയര്ന്നിട്ടുള്ള ആശങ്കകള് ദൂരീകരിക്കാന് സര്ക്കാരിന് കഴിയണം എന്നും അദ്ദേഹം വ്യക്തമാക്കി.
'പിറക്കട്ടെ, ലഹരി മുക്ത ഗ്രാമങ്ങള്' എന്ന തലക്കെട്ടിലെഴുതിയ ലേഖനത്തിലാണ് പരാമര്ശം. കേരളത്തിലെ ഭാവിതലമുറയ്ക്ക് വേണ്ടി ആഭ്യന്തരമന്ത്രി രമേശ് ചെന്നിത്തലയും ലഹരി വിരുദ്ധ യാത്രയിലാണ് വാരിയര്ബേഡ്ജ് അണിഞ്ഞ് കുടുംബസമേതം നമുക്കും ലഹരി യുദ്ധമായ തൂഫാനില് ഒപ്പം ചേരാം എന്നും സാദിഖലി തങ്ങള് വിമര്ശിച്ചു.
വീര്യം കുറഞ്ഞമദ്യത്തിന് നികുതി ഇളവ് അനുവദിക്കാനുള്ള തീരുമാനത്തില് കോണ്ഗ്രസിനുള്ളില് തന്നെ അതൃപ്തി പുകയുന്നതിനിടെയാണ് മുന്നണിയിലെ മുഖ്യകക്ഷിയും രംഗത്തെത്തുന്നത്.
മുഖ്യമന്ത്രി വി ഡി സതീശന്റെ ഏകപക്ഷീയമായ തീരുമാനമാണിതെന്ന ആക്ഷേപം ഇതിനകം ഉയര്ന്നു. എക്സൈസ് മന്ത്രിപോലും അറിയാതെയായിരുന്നു ബജറ്റിലെ പ്രഖ്യാപനം. തുടര്ന്ന് എം ലിജു വി ഡി സതീശനുമായി കൂടിക്കാഴ്ച നടത്തിയിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260624064701.jpg)
-20260117051728.jpg)
-20260119112532.webp)
-20260624050014.jpg)
