അരിസോണ: പ്രശസ്ത അമേരിക്കൻ റാപ്പർ നക്കി മിനാജ് അരിസോണയിൽ നടന്ന കൺസർവേറ്റീവ് പ്രവർത്തകരുടെ സമ്മേളനത്തിൽ  അപ്രതീക്ഷിതമായി പങ്കെടുത്ത് ഡൊണാൾഡ് ട്രംപിനും ജെ.ഡി വാൻസിനും പരസ്യ പിന്തുണ പ്രഖ്യാപിച്ചു. 2025 ഡിസംബർ 21 ഞായറാഴ്ച ഫീനിക്‌സിൽ ടേണിംഗ് പോയിന്റ് യുഎസ്എയുടെ അമേരിക്കഫെസ്റ്റ് 2025ൽ നിക്കി മിനാജ് സംസാരിക്കുകയായിരുന്നു നിക്കി മിനാജ്.

മുൻകാലങ്ങളിൽ ട്രംപിനെ വിമർശിച്ചിരുന്ന നക്കി മിനാജ്, ഇപ്പോൾ അദ്ദേഹത്തെയും വൈസ് പ്രസിഡന്റ് ജെ.ഡി വാൻസിനെയും യുവാക്കൾക്ക് മാതൃകയാക്കാവുന്ന വ്യക്തികളാണെന്ന് വിശേഷിപ്പിച്ചു. 'ഈ ഭരണകൂടം ഹൃദയവും ആത്മാവുമുള്ള ആളുകളാൽ നിറഞ്ഞതാണ്' എന്ന് അവർ പറഞ്ഞു.

ജെ.ഡി വാൻസിനെ പ്രശംസിക്കുന്നതിനിടയിൽ അബദ്ധത്തിൽ അദ്ദേഹത്തെ 'അസ്സാസിൻ'  എന്ന് വിശേഷിപ്പിച്ചത് സദസ്സിൽ ചെറിയ അമ്പരപ്പുണ്ടാക്കി. ഉടൻ തന്നെ തന്റെ വാക്കിന്റെ പിഴവ് തിരിച്ചറിഞ്ഞ താരം വായ പൊത്തി കുറച്ചുനേരം നിശബ്ദയായി നിന്നു.

കാലിഫോർണിയ ഗവർണർ ഗാവിൻ ന്യൂസമിനെ ട്രംപ് വിളിക്കാറുള്ള 'ന്യൂസ്‌കം'  എന്ന പരിഹാസപ്പേര് നക്കി മിനാജും പ്രസംഗത്തിൽ ഉപയോഗിച്ചു.

വിനോദസഞ്ചാര മേഖലയിൽ നിന്നും മറ്റും തനിക്കെതിരെ ഉയരുന്ന വിമർശനങ്ങളെ കാര്യമാക്കുന്നില്ലെന്നും, സ്വന്തം അഭിപ്രായം തുറന്നുപറയാൻ താൻ ഭയപ്പെടുന്നില്ലെന്നും അവർ വ്യക്തമാക്കി. 'മനസ്സ് മാറ്റുന്നതിൽ തെറ്റില്ല' എന്നാണ് തന്റെ രാഷ്ട്രീയ മാറ്റത്തെക്കുറിച്ച് അവർ പ്രതികരിച്ചത്.

ട്രംപ് അനുകൂല മൂവ്‌മെന്റായ 'MAGA' (Make America Great Again) ഗ്രൂപ്പുകൾക്കിടയിൽ നക്കി മിനാജിന്റെ ഈ പുതിയ നീക്കം വലിയ ചർച്ചയായിട്ടുണ്ട്.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്