ഫോർട്ട് ലോഡർഡെയിൽ, ഫ്‌ളോറിഡ: 16-ാമത് കെ.സി.സി.എൻ.എ കൺവെൻഷന്റെ ഭാഗമായി കെ.സി.സി.എൻ.എയുടെ യുവജന ഉപസംഘടനയായ KCYLNA (Knanaya Catholic Youth League of North America) സംഘടിപ്പിച്ച Mr. KNA & Miss KNA മത്സരവും Battle of the Cities മത്സരവും കൺവെൻഷനിലെ ഏറ്റവും ആവേശകരമായ യുവജന പരിപാടികളായി മാറി.

യുവജനങ്ങളുടെ ആത്മവിശ്വാസവും പ്രതിഭയും നേതൃത്വപാടവവും സംഘബോധവും ദേശീയ വേദിയിൽ പ്രകടമാക്കുന്നതായിരുന്നു ഇരു പരിപാടികളും. KCYLNA 2025–2027 ദേശീയ പ്രസിഡന്റ് ആൽവിൻ പിണർക്കയിൽ (ഷിക്കാഗോ) നയിക്കുന്ന ദേശീയ നേതൃത്വമാണ് പരിപാടികൾക്ക് നേതൃത്വം നൽകിയത്.

വൈസ് പ്രസിഡന്റ് ഷെറിൽ ചെറുകര (ഹൂസ്റ്റൺ), സെക്രട്ടറി സ്‌നേഹ പാലപ്പുഴമറ്റം (വാഷിംഗ്ടൺ ഡി.സി.), ജോയിന്റ് സെക്രട്ടറി താര കണ്ടാരപ്പള്ളിൽ (ഷിക്കാഗോ), ട്രഷറർ മിഷേൽ പറമ്പേട്ട് (ഡാളസ്) എന്നിവരോടൊപ്പം വിവിധ റീജിയണൽ വൈസ് പ്രസിഡന്റുമാരും ദേശീയ ടീം അംഗങ്ങളും പരിപാടികളുടെ വിജയത്തിനായി പ്രവർത്തിച്ചു.

Mr. & Miss KNA കിരീടജേതാക്കൾ

ആവേശകരമായ മത്സരത്തിനൊടുവിൽ Mr. KNA കിരീടം അലൻ ഇഞ്ചനാട്ട് (ന്യൂയോർക്ക്) സ്വന്തമാക്കി. Miss KNA ആയി ഇവ മണലേൽ (ലോസ് ആഞ്ചലസ്) തിരഞ്ഞെടുക്കപ്പെട്ടു.

Mr. KNA വിഭാഗം:  ജേതാവ്: അലൻ എൻചനാട്ട് (ന്യൂയോർക്ക്), ഒന്നാം റണ്ണറപ്പ്: ജെയ്ഡൻ ഇല്ലിക്കാട്ടിൽ (സാക്രമെന്റോ), രണ്ടാം റണ്ണറപ്പ്: കാൽവിൻ പെരുംപാലത്ത് (ന്യൂയോർക്ക്).

Miss KNA വിഭാഗം: ജേതാവ്: ഇവ മണലേൽ (ലോസ്ആഞ്ചലസ്), ഒന്നാം റണ്ണറപ്പ്: ചാനാ ആലുംമൂട്ടിൽ (ന്യൂജേഴ്‌സി), രണ്ടാം റണ്ണറപ്പ്: മേഗൻ മംഗലത്ത് (ഡെട്രോയിറ്റ്).

യുവതലമുറയുടെ ആത്മവിശ്വാസം, വ്യക്തിത്വം, വേദിയിലെ അവതരണം, ആശയവിനിമയശേഷി, കഴിവുകൾ എന്നിവ പ്രകടിപ്പിക്കാൻ അവസരമൊരുക്കിയ മത്സരത്തിൽ വിവിധ യൂണിറ്റുകളിൽ നിന്നുള്ള യുവജനങ്ങൾ ആവേശത്തോടെ പങ്കെടുത്തു. മത്സരാർത്ഥികളുടെ മികച്ച പ്രകടനങ്ങൾ സദസ്സിന്റെ നിറഞ്ഞ കൈയടിക്ക് കാരണമായി.

യൂണിറ്റുകൾ തമ്മിലുള്ള സൗഹൃദപരമായ മത്സരവും കൂട്ടായ്മയും സർഗാത്മകതയും പരീക്ഷിച്ച ബാറ്റിൽ ഓഫ് ദ സിറ്റീസ് മത്സരത്തിൽ ഷിക്കാഗോ ഒന്നാം സ്ഥാനം കരസ്ഥമാക്കി.

ഒന്നാം സ്ഥാനം - ഷിക്കാഗോ, രണ്ടാം സ്ഥാനം - ന്യൂയോർക്ക്, മൂന്നാം സ്ഥാനം - ഹൂസ്റ്റൺ

വിവിധ നഗരങ്ങളിൽ നിന്നുള്ള യുവജന ടീമുകൾ ആവേശകരമായ അവതരണങ്ങളുമായി വേദിയിലെത്തിയപ്പോൾ, ഓരോ യൂണിറ്റും തങ്ങളുടെ മികവും കൂട്ടായ്മയും തെളിയിക്കാൻ മികച്ച പ്രകടനം കാഴ്ചവച്ചു. സൗഹൃദവും മത്സരവീര്യവും ഒരുപോലെ നിറഞ്ഞ ബാറ്റിൽ ഓഫ് ദ സിറ്റീസ് കൺവെൻഷനിലെ യുവജനങ്ങളുടെ പ്രധാന ആകർഷണമായി മാറി.

കെ.സി.സി.എൻ.എയുടെ ഏറ്റവും സജീവമായ ഉപസംഘടനകളിലൊന്നായ KCYLNA, പുതിയ തലമുറയെ സംഘടനാ പ്രവർത്തനങ്ങളിലേക്കും സാമൂഹികസാംസ്‌കാരിക രംഗങ്ങളിലേക്കും കൂടുതൽ സജീവമായി കൊണ്ടുവരുന്നതിന്റെ ഭാഗമായി ഒരുക്കിയ ഈ പരിപാടികൾ യുവജനങ്ങളുടെ കഴിവുകൾക്ക് ദേശീയ വേദി ഒരുക്കി.

Mr. & Miss KNAയും ബാറ്റിൽ ഓഫ് ദ സിറ്റീസും വിജയകരമായി സംഘടിപ്പിച്ചതിലൂടെ KCYLNAയുടെ 2025-2027 ദേശീയ നേതൃത്വം 16-ാമത് കെ.സി.സി.എൻ.എ കൺവെൻഷനിലെ യുവജന പരിപാടികൾക്ക് പുതിയ ആവേശവും മികവും പകർന്നു. വിജയികളെയും റണ്ണറപ്പുകളെയും പങ്കെടുത്ത എല്ലാ മത്സരാർത്ഥികളെയും കെ.സി.സി.എൻ.എ  നേതൃത്വം അഭിനന്ദിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്