തിരുവനന്തപുരം: കേരളം ആര്ക്കൊപ്പം എന്നറിയാന് ഇനി രണ്ട് നാള്ക്കൂടി. തിങ്കളാഴ്ച നടക്കുന്ന വോട്ടെണ്ണലിനുള്ള എല്ലാ ക്രമീകരണങ്ങളും പൂര്ത്തിയായതായി തിരഞ്ഞെടുപ്പ് കമ്മീഷന് അറിയിച്ചു. രാവിലെ എട്ട് മണിക്ക് വോട്ടെണ്ണല് ആരംഭിക്കും. അതിനായുള്ള എല്ലാ നടപടിക്രമങ്ങളും പൂര്ത്തിയായതായി മുഖ്യ തിരഞ്ഞെടുപ്പ് ഓഫീസര് രത്തന് യു.ഖേല്ക്കര് അറിയിച്ചു.
സംസ്ഥാനത്തുടനീളം 43 ഇടങ്ങളിലായി 140 കേന്ദ്രങ്ങളിലാണ് വോട്ടെണ്ണല് ക്രമീകരിച്ചിരിക്കുന്നത്. ആകെ 15,465 ഉദ്യോഗസ്ഥരെയാണ് വോട്ടെണ്ണല് ജോലിക്കായി സജ്ജീകരിച്ചിട്ടുള്ളത്. 140 ആര്ഒമാര്, 1,340 അഡീഷണല് എആര്ഒമാര്, 4,208 മൈക്രോ ഒബ്സര്വര്മാര്, 4,208 കൗണ്ടിംഗ് സൂപ്പര്വൈസര്മാര്, 5,563 കൗണ്ടിംഗ് അസിസ്റ്റന്റുമാര് എന്നിവര് വോട്ടെണ്ണല് ജോലിയുടെ ഭാഗമാകും. സ്ഥാനാര്ത്ഥികളുടെയോ ഏജന്റുമാരുടെയോ സാന്നിധ്യത്തില് ഒബ്സര്വറുടെ സാക്ഷ്യപത്രത്തോടെ വീഡിയോ റെക്കോര്ഡിംഗോട് കൂടിയാണ് സ്ട്രോങ്ങ് റൂമുകള് തുറക്കുക.
ആദ്യം തപാല് വോട്ടുകളാണ് എണ്ണിത്തുടങ്ങുക. ഒരു വോട്ടെണ്ണല് കേന്ദ്രത്തില് ഇവിഎമ്മിലെ വോട്ടുകള് എണ്ണാന് പരമാവധി 14 ടേബിളുകള് വീതമുണ്ടാകും. വോട്ടെണ്ണല് ഹാളില് കര്ശനമായ നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. സ്ഥാനാര്ത്ഥികളും ഏജന്റുമാരും ഔദ്യോഗിക തിരിച്ചറിയല് കാര്ഡ് പ്രദര്ശിപ്പിക്കണം. വോട്ടെണ്ണല് തുടങ്ങുന്നതിന് ഒരു മണിക്കൂര് മുമ്പെങ്കിലും ഹാജരാകണമെന്നും നിര്ദേശമുണ്ട്.
വോട്ടെണ്ണല് കഴിഞ്ഞ് 48 മണിക്കൂറിനുള്ളില് വോട്ടിങ്ങുമായും വോട്ടെണ്ണലുമായും ബന്ധപ്പെട്ട സമഗ്ര വിവരങ്ങളടങ്ങുന്ന കേന്ദ്ര തെരഞ്ഞടുപ്പ് കമ്മീഷന്റെ ഇന്ഡക്സകാര്ഡ് പ്രസിദ്ധീകരിക്കുമെന്നും മുഖ്യ തിരഞ്ഞടുപ്പ് ഓഫീസര് അറിയച്ചു. കേരളത്തിനൊപ്പം തമിഴ്നാട്, അസം, പശ്ചിമ ബംഗാള്, പുതുച്ചേരി എന്നി സംസ്ഥാനങ്ങളിലെ വോട്ടെണ്ണലും തിങ്കളാഴ്ച നടക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260622010700.jpg)
-20201011115312.jpg)
