സെലിബ്രിറ്റിയുടെ കാര്യത്തിൽ ശരവേഗത്തിൽ നടപടി! കൂത്താട്ടുകുളം വിഷയത്തിൽ അടിയന്തര പ്രമേയത്തിന് അനുമതിയില്ല; പ്രതിപക്ഷം ഇറങ്ങിപ്പോയി

JANUARY 21, 2025, 1:52 AM

തിരുവനന്തപുരം: കൂത്താട്ടുകുളം നഗരസഭ കൗൺസിലറെ തട്ടികൊണ്ടുപോയ വിഷയത്തിൽ പ്രതിപക്ഷം നൽകിയ അടിയന്തര പ്രമേയത്തിന് അവതരണാനുമതി നിഷേധിച്ചു.

അടിയന്തര പ്രമേയത്തിന് അവതരണാനുമതി നിഷേധിച്ചതിനെ തുടർന്ന് പ്രതിപക്ഷ നേതാവ് വി ഡി സതീശൻ്റെ നേത്യത്വത്തിൽ പ്രതിപക്ഷ അംഗങ്ങൾ സഭയിൽ നിന്ന് ഇറങ്ങിപോയി. പിറവം എംഎൽഎ അനൂപ് ജേക്കബാണ് അടിയന്തര പ്രമേയത്തിന് നോട്ടീസ് നൽകിയത്.

കൂത്താട്ടകുളത്തെ സംഭവത്തിൽ പ്രതികൾക്ക് പൊലീസിൻ്റെ പിന്തുണ ലഭിച്ചുവെന്നും കലാരാജുവിനെ വസത്രാക്ഷേപം നടത്തിയതിൽ പ്രതികൾക്കൊപ്പം സിപിഐഎമ്മും പൊലീസും നിൽക്കുന്നുവെന്നും അനൂപ് ജേക്കബ് വിമർശിച്ചു. എന്ത് സ്ത്രീ സുരക്ഷയാണ് കേരളത്തിൽ ഉള്ളത്.

കാല് വെട്ടി എടുക്കും എന്ന് പറയുന്നതാണോ സ്ത്രീ സുരക്ഷ. കേരളത്തിൽ പട്ടാപകൽ സ്ത്രീയെ തട്ടികൊണ്ട് പോകുന്ന സ്ഥിതിയാണുള്ളത്.

കലാ രാജു പൊതു മദ്ധ്യത്തിൽ വസ്ത്രാക്ഷേത്തിന് വിധേയയായി. സെലിബ്രിറ്റിയുടെ കാര്യത്തിൽ ശരവേഗത്തിൽ നടപടി ഉണ്ടായി. ശരവേഗത്തിലുള്ള നടപടി എല്ലാ സ്ത്രീകളുടെ കാര്യത്തിലും ആവശ്യമാണ്. കല രാജുവിന് ഉണ്ടായ അനുഭവം ഒരാൾക്കും ആവർത്തിക്കാൻ പാടില്ലായെന്നും യഥാർത്ഥ പ്രതികളെ അറസ്റ്റ് ചെയ്യണമെന്നും അനൂപ് ജേക്കബ് ആവശ്യപ്പെട്ടു.