തിരുവനന്തപുരം: മയക്കുമരുന്നിനെതിരേ എക്‌സൈസിന്റെ ഓപ്പറേഷന്‍ ക്ലീന്‍ സ്ലേറ്റിലൂടെ രണ്ടാഴ്ചയ്ക്കിടെ പിടിയിലായത് 873 പേര്‍. ആകെ 874 കേസുകളില്‍ 901 പേരാണ് പ്രതികള്‍. മാര്‍ച്ച് അഞ്ച് മുതല്‍ 19 വരെയുള്ള കണക്കാണ് പുറത്തുവിട്ടിരിക്കുന്നത്.

എക്‌സൈസ് മാത്രം നടത്തിയത് 6506 റെയ്ഡുകളാണ്. മറ്റ് സേനകളുമായി ചേര്‍ന്ന് 177 പരിശോധനകളും നടത്തി. 60,240 വാഹനങ്ങള്‍ പരിശോധിച്ചു. മയക്കുമരുന്ന് കടത്തുകയായിരുന്ന 46 വാഹനങ്ങള്‍ പിടിച്ചു. ഒളിവിലിരുന്ന 49 പ്രതികളെയും പിടികൂടിയിട്ടുണ്ട്. 2.37 കോടിയുടെ ലഹരിവസ്തുക്കളാണ് പിടിച്ചത്.

123.88 ഗ്രാം എംഡിഎംഎ, 40.5 ഗ്രാം മെത്താഫിറ്റമിന്‍, 12.82 ഗ്രാം നെട്രോസെഫാം ഗുളികകള്‍, 14.5 ഗ്രാം ബ്രൗണ്‍ ഷുഗര്‍, 60.8 ഗ്രാം ഹെറോയിന്‍, 31.7 ഗ്രാം ഹാഷിഷ് ഓയില്‍, 179.35 കിലോ കഞ്ചാവ്, 148 കിലോ കഞ്ചാവ് കലര്‍ത്തിയ ചോക്കലേറ്റ് എന്നിവ പിടികൂടിയെന്ന് മന്ത്രി എം.ബി. രാജേഷ് അറിയിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്