തിരുവനന്തപുരം: കിഴക്കമ്പലത്ത് വിവാദമായ ഭൂമി കുടിയൊഴിപ്പിക്കലുമായി ബന്ധപ്പെട്ട പൊലീസ് നടപടികളില് വ്യാപക പരാതി ഉയര്ന്ന പശ്ചാത്തലത്തില് ആഭ്യന്തരമന്ത്രി രമേശ് ചെന്നിത്തല അടിയന്തര അന്വേഷണത്തിന് ഉത്തരവിട്ടു. സംഭവത്തെക്കുറിച്ച് സമഗ്രമായി അന്വേഷിച്ച് മൂന്ന് ദിവസത്തിനകം റിപ്പോര്ട്ട് സമര്പ്പിക്കാന് ആഭ്യന്തര വകുപ്പ് അഡീഷണല് ചീഫ് സെക്രട്ടറി ബിശ്വനാഥ് സിന്ഹയ്ക്ക് മന്ത്രി കത്ത് നല്കി.
സംസ്ഥാന പൊലീസ് മേധാവി റവാഡാ ചന്ദ്രശേഖരന് നേരിട്ട് അന്വേഷണം നടത്തി നിശ്ചിത സമയത്തിനകം റിപ്പോര്ട്ട് നല്കണമെന്നാണ് നിര്ദേശം. കുടിയൊഴിപ്പിക്കല് സമയത്ത് പൊലീസിന്റെ ഭാഗത്ത് നിന്ന് എന്തെങ്കിലും തരത്തിലുള്ള വീഴ്ചകളോ അനാവശ്യ ബലപ്രയോഗങ്ങളോ ഉണ്ടായിട്ടുണ്ടോ എന്ന് പരിശോധിക്കും. ഇത്തരം സന്ദര്ഭങ്ങള് ഭാവിയില് ഉണ്ടാകുമ്പോള് ക്രമസമാധാനപാലനത്തില് വരുത്തേണ്ട മാറ്റങ്ങളും പോരായ്മകള് പരിഹരിക്കാനുള്ള നിര്ദേശങ്ങളും റിപ്പോര്ട്ടില് ഉള്പ്പെടുത്തണം.
കോടതി ഉത്തരവ് നടപ്പാക്കുന്നതിനിടെ പ്രദേശത്ത് വന് പ്രതിഷേധവും സംഘര്ഷാവസ്ഥയും ഉടലെടുത്തിരുന്നു. ഇതിനെത്തുടര്ന്ന് ആഭ്യന്തരമന്ത്രി നേരിട്ട് ഇടപെട്ടാണ് നിലവില് കുടിയൊഴിപ്പിക്കല് നടപടികള് നിര്ത്തിവെപ്പിച്ചത്. മനുഷ്യാവകാശ ലംഘനങ്ങള് നടന്നിട്ടുണ്ടോ എന്നതടക്കമുള്ള കാര്യങ്ങള് ഡിജിപിയുടെ നേതൃത്വത്തിലുള്ള അന്വേഷണ സംഘം വിലയിരുത്തും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260622010700.jpg)
-20201011115312.jpg)
