ന്യൂഡല്‍ഹി: പ്രധാനമന്ത്രി നരേന്ദ്ര മോദിയെ വീണ്ടും പരസ്യ സംവാദത്തിന് വെല്ലുവിളിച്ച് ലോക്സഭാ പ്രതിപക്ഷ നേതാവ് രാഹുല്‍ ഗാന്ധി രംഗത്തെത്തി. സംവാദത്തിനായി ഏത് വേദിയും സമയവും തനിക്ക് പൂര്‍ണ്ണ സമ്മതമാണെന്ന് വ്യക്തമാക്കിയ രാഹുല്‍ ഗാന്ധി, പ്രധാനമന്ത്രിയെ ആശയക്കുഴപ്പത്തിലാക്കാന്‍ കേന്ദ്ര ആഭ്യന്തരമന്ത്രി അമിത് ഷാ ശ്രമിക്കേണ്ടതില്ലെന്നും കൂട്ടിച്ചേര്‍ത്തു. അമിത് ഷാ വിഷയത്തില്‍ ഭയപ്പെടേണ്ടതില്ലെന്നും അദ്ദേഹം പരിഹസിച്ചു.
അതേസമയം, മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെ സമരം ശക്തമാക്കാനുള്ള ഒരുക്കങ്ങളിലാണ് ഇന്ത്യാ സഖ്യം. ദീപാവലി ഇടവേളയ്ക്ക് പിന്നാലെ രാജ്യത്തുടനീളം ശക്തമായ മിന്നല്‍ സമരങ്ങളിലേക്ക് കടക്കാനാണ് മുന്നണി നേതാക്കളുടെ നീക്കം. ഇതിന്റെ ഭാഗമായി വരും ദിവസങ്ങളില്‍ തിരഞ്ഞെടുപ്പ് കമ്മീഷന്‍ ഓഫീസുകള്‍ ഉപരോധിക്കുന്നത് ഉള്‍പ്പെടെയുള്ള ശക്തമായ പ്രതിഷേധ പരിപാടികള്‍ അരങ്ങേറും.
പ്രക്ഷോഭത്തിന്റെ തുടര്‍ നടപടികളും വരാനിരിക്കുന്ന തന്ത്രങ്ങളും ചര്‍ച്ച ചെയ്യുന്നതിനായി രാഹുല്‍ ഗാന്ധി മുതിര്‍ന്ന കോണ്‍ഗ്രസ് നേതാക്കളെ ചായ സല്‍ക്കാരത്തിനായി ക്ഷണിച്ചിട്ടുണ്ട്. ന്യൂഡല്‍ഹിയിലുള്ള കോണ്‍ഗ്രസ് പ്രവര്‍ത്തകസമിതി അംഗങ്ങള്‍, ജനറല്‍ സെക്രട്ടറിമാര്‍, വിവിധ സംസ്ഥാനങ്ങളുടെ ചുമതലയുള്ള നേതാക്കള്‍, എംപിമാര്‍ തുടങ്ങിയവര്‍ ഈ നിര്‍ണായക യോഗത്തില്‍ പങ്കെടുക്കും. വരാനിരിക്കുന്ന പാര്‍ലമെന്റ് സമ്മേളനം ആരംഭിക്കുന്നതിന് മുന്‍പ് തന്നെ വിഷയം ദേശീയതലത്തില്‍ സജീവ ചര്‍ച്ചയാക്കി മാറ്റാനാണ് കോണ്‍ഗ്രസിന്റെയും സഖ്യകക്ഷികളുടെയും നീക്കം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261107054731.jpg)
-20261107053820.jpg)
-20261106033711.jpg)
-20260817112328.jpg)
