അബുദാബി: പശ്ചിമേഷ്യയിലെ യുദ്ധസാഹചര്യം വൻതോതിൽ വഷളാക്കിക്കൊണ്ട് ഇറാനെതിരെ യുഎഇ (United Arab Emirates) ആദ്യമായി തിരിച്ചടി തുടങ്ങിയതായി റിപ്പോർട്ട്. ഇറാന്റെ തീരത്തുള്ള പ്രധാന സമുദ്രജല ശുദ്ധീകരണ പ്ലാന്റിന് (Desalination plant) നേരെയാണ് യുഎഇ വ്യോമാക്രമണം നടത്തിയത്.
ഫെബ്രുവരി 28-ന് അമേരിക്കയും ഇസ്രായേലും സംയുക്തമായി നടത്തിയ ആക്രമണത്തിന് പിന്നാലെ, യുഎഇ ഉൾപ്പെടെയുള്ള ഗൾഫ് രാജ്യങ്ങൾക്ക് നേരെ ഇറാൻ നിരന്തരം മിസൈൽ-ഡ്രോൺ ആക്രമണങ്ങൾ നടത്തിവരികയായിരുന്നു. ഇതിനുള്ള ആദ്യ ഔദ്യോഗിക പ്രതികരണമായാണ് ഈ നീക്കത്തെ അന്താരാഷ്ട്ര മാധ്യമങ്ങൾ വിലയിരുത്തുന്നത്.
ശുദ്ധജലം ഉൽപ്പാദിപ്പിക്കുന്ന പ്ലാന്റിന് നേരെയാണ് യുഎഇ ആക്രമണം നടത്തിയതെന്ന് ജെറുസലേം പോസ്റ്റ് റിപ്പോർട്ട് ചെയ്തു. ഇറാൻ നടത്തിയ ആക്രമണങ്ങളിൽ യുഎഇയിൽ കൊല്ലപ്പെട്ടവരുടെ എണ്ണം നാലായി ഉയർന്നതായി പ്രതിരോധ മന്ത്രാലയം ഞായറാഴ്ച സ്ഥിരീകരിച്ചു.
ഇറാന്റെ 16 മിസൈലുകളും 110-ലധികം ഡ്രോണുകളും യുഎഇ വിജയകരമായി തകർത്തെങ്കിലും, ചില ഡ്രോണുകൾ ഫുജൈറയിലെ എണ്ണ വ്യവസായ മേഖലയിൽ ഉൾപ്പെടെ പതിച്ചിരുന്നു. ഇതാണ് പ്രത്യാക്രമണത്തിന് യുഎഇയെ പ്രേരിപ്പിച്ചത്.
സൈനിക നീക്കത്തിന് പുറമെ ഇറാനെതിരെ കടുത്ത സാമ്പത്തിക നടപടികൾക്കും യുഎഇ ഒരുങ്ങുന്നതായി സൂചനയുണ്ട്. യുഎഇയിലുള്ള ഇറാന്റെ കോടിക്കണക്കിന് ഡോളർ മൂല്യമുള്ള ആസ്തികൾ മരവിപ്പിക്കാൻ ഭരണകൂടം ആലോചിക്കുന്നതായി വാൾസ്ട്രീറ്റ് ജേണൽ റിപ്പോർട്ട് ചെയ്തു. ഇത് ഇറാന്റെ ആഗോള സാമ്പത്തിക ബന്ധങ്ങളെ തകർക്കാൻ ലക്ഷ്യമിട്ടുള്ള നീക്കമാണ്.
ഇറാൻ-ഇസ്രായേൽ പോരാട്ടത്തിലേക്ക് മറ്റൊരു ഗൾഫ് രാജ്യം കൂടി നേരിട്ട് പ്രവേശിച്ചത് പശ്ചിമേഷ്യയെ വൻ യുദ്ധഭീതിയിലേക്കാണ് നയിക്കുന്നത്. യുഎഇയുടെ ഈ നീക്കത്തോട് ഇറാൻ എങ്ങനെ പ്രതികരിക്കുമെന്നാണ് ഇപ്പോൾ ലോകം ഉറ്റുനോക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260130064601.jpg)
-20260119112314.webp)
-20260326060932.jpg)
