ദാവോസ്: യുദ്ധാനന്തര ഗാസയുടെ പുനർനിർമ്മാണത്തിനും ഭരണ മേൽനോട്ടത്തിനുമായി രൂപീകരിച്ച 'സമാധാന കൗൺസിലി'ൽ ഭാഗമാകാനുള്ള കരാറിൽ സൗദി അറേബ്യ ഔദ്യോഗികമായി ഒപ്പുവച്ചു. സ്വിറ്റ്സർലൻഡിലെ ദാവോസിൽ നടന്ന ലോക സാമ്പത്തിക ഫോറത്തിനിടെ നടന്ന ചടങ്ങിൽ സൗദി വിദേശകാര്യ മന്ത്രി പ്രിൻസ് ഫൈസൽ ബിൻ ഫർഹാൻ കരാറിൽ ഒപ്പുവച്ചു.

യുഎസ് പ്രസിഡന്റ് ഡൊണാൾഡ് ട്രംപിന്റെ അധ്യക്ഷതയിൽ നടന്ന ചടങ്ങിൽ വിവിധ രാജ്യങ്ങളിൽ നിന്നുള്ള രാഷ്ട്രത്തലവന്മാരും പ്രതിനിധികളും പങ്കെടുത്തു. ഗാസയുടെ പുനർനിർമ്മാണത്തിനായി രൂപീകരിച്ച കൗൺസിലിൽ ചേരാനുള്ള യുഎസ് പ്രസിഡന്റിന്റെ ക്ഷണം സ്വീകരിക്കുമെന്ന് സൗദി അറേബ്യ ബുധനാഴ്ച പ്രഖ്യാപിച്ചിരുന്നു.

അതോടൊപ്പം ഖത്തർ, തുർക്കി റിപ്പബ്ലിക്, ഈജിപ്ത് അറബ് റിപ്പബ്ലിക്, ജോർദാൻ ഹാഷെമൈറ്റ് രാജ്യം, ഇന്തോനേഷ്യ റിപ്പബ്ലിക്, പാകിസ്ഥാൻ ഇസ്ലാമിക് റിപ്പബ്ലിക്,  യുണൈറ്റഡ് അറബ് എമിറേറ്റ്സ് എന്നീ രാജ്യങ്ങളിലെ വിദേശകാര്യ മന്ത്രിമാർ പുറത്തിറക്കിയ സംയുക്ത പ്രസ്താവനയിൽ, സമാധാന ബോർഡിൽ ചേരാനുള്ള ക്ഷണം സ്വാഗതം ചെയ്തു.

നിലവിൽ 59 രാജ്യങ്ങൾ സമാധാന കൗൺസിലി​ന്റെ ഭാഗമായിട്ടുണ്ട്. 2025 ഒക്ടോബർ 10ന് പ്രാബല്യത്തിൽ വന്ന ഗസ്സ വെടിനിർത്തൽ കരാറിനെത്തുടർന്ന് ട്രംപ് മുന്നോട്ടുവെച്ച സമാധാന പദ്ധതിയിലെ ഏറ്റവും പ്രധാന ഘടകമാണ് ഈ സമാധാന കൗൺസിൽ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്