'ക്ഷമയ്ക്ക് ഒരു പരിധിയുണ്ട്'; ഇറാന് നേരെ ശക്തമായ സൈനിക നടപടി സ്വീകരിക്കുമെന്ന് മുന്നറിയിപ്പ് നൽകി സൗദി അറേബ്യ

MARCH 19, 2026, 2:28 AM

റിയാദ്: അയൽരാജ്യങ്ങളെ ലക്ഷ്യമിട്ട് ഇറാൻ നടത്തുന്ന മിസൈൽ, ഡ്രോൺ ആക്രമണങ്ങൾ തുടർന്നാൽ ശക്തമായ സൈനിക നടപടി സ്വീകരിക്കുമെന്ന് മുന്നറിയിപ്പ് നൽകി സൗദി അറേബ്യ. റിയാദിൽ നടന്ന അടിയന്തര യോഗത്തിന് ശേഷം മാധ്യമങ്ങളോട് പ്രതികരിക്കുകയായിരുന്നു വിദേശകാര്യ മന്ത്രി ഫൈസൽ ബിൻ ഫർഹാൻ.

സൗദിയുടെ ക്ഷമയ്ക്ക് ഒരു പരിധിയുണ്ടെന്നും, സുരക്ഷാ ഭീഷണി ഉയർന്നാൽ സൈനിക ഇടപെടലടക്കം എല്ലാ മാർഗങ്ങളും പരിഗണനയിലുണ്ടെന്നും മന്ത്രി വ്യക്തമാക്കി. നിലവിലെ സാഹചര്യത്തിൽ മേഖലയിലെ സമാധാനം ഗുരുതരമായി ബാധിക്കപ്പെടുന്നുവെന്നും അദ്ദേഹം കൂട്ടിച്ചേർത്തു.

2023-ൽ പുനഃസ്ഥാപിച്ച നയതന്ത്ര ബന്ധം ഇപ്പോഴത്തെ സംഭവവികാസങ്ങൾ മൂലം വീണ്ടും തകരാൻ സാധ്യതയുണ്ടെന്ന് സൗദി മുന്നറിയിപ്പ് നൽകി. ആക്രമണങ്ങൾ തുടരുകയാണെങ്കിൽ ബന്ധം പൂർണ്ണമായും തകർന്നേക്കാമെന്നും സൗദി വ്യക്തമാക്കി.