ആഗ്രയിലെ എയർഫോഴ്സ് സ്റ്റേഷന്റെ സാങ്കേതിക മേഖലയിൽ "പാകിസ്ഥാൻ ഇന്റർനാഷണൽ എയർലൈൻസ്" (PIA) എന്ന് എഴുതിയ ബലൂൺ കണ്ടെത്തി. തുടർന്ന് വിവിധ ഏജൻസികൾ സംഭവത്തിൽ അന്വേഷണം ആരംഭിച്ചു. 

രാവിലെ 9 മണിയോടെയാണ് വിമാനത്തിന്റെ ആകൃതിയിലുള്ള പച്ചയും വെള്ളയും നിറത്തിലുള്ള ബലൂൺ അതീവ സുരക്ഷാ മേഖലയിൽ കണ്ടെത്തിയത്. ഇതിൽ ഉറുദു ഭാഷയിലും ചില കാര്യങ്ങൾ എഴുതിയിരുന്നു.

പ്രാഥമിക പരിശോധനയ്ക്ക് ശേഷം ബലൂൺ പിടിച്ചെടുക്കുകയും വ്യോമസേനയുടെ പരാതിയുടെ അടിസ്ഥാനത്തിൽ ഷാഹ്‍ഗഞ്ച് പോലീസ് സ്റ്റേഷനിൽ എഫ്ഐആർ (FIR) രജിസ്റ്റർ ചെയ്യുകയും ചെയ്തു. 

പോലീസ്, ഇന്റലിജൻസ് ഏജൻസികൾ, ഇന്ത്യൻ വ്യോമസേന എന്നിവർ സംഭവത്തിൽ എല്ലാ വശങ്ങളും പരിശോധിച്ച് വരികയാണ്. ഉയർന്ന സുരക്ഷാ മേഖലയിലേക്ക് ബലൂൺ എങ്ങനെ എത്തി എന്നത് കണ്ടെത്താൻ ചുറ്റുമുള്ള സിസിടിവി ദൃശ്യങ്ങൾ പരിശോധിക്കുന്നുണ്ട്.

ഏകദേശം 10 മീറ്റർ നീളമുള്ള നൂലിൽ കെട്ടിയ നിലയിലാണ് വലിയ ബലൂൺ കണ്ടെത്തിയത്. പാകിസ്ഥാൻ ഇന്റർനാഷണൽ എയർലൈൻസിന്റെ പേരും ലോഗോയും ഉള്ളത്. ബലൂണിനുള്ളിൽ സാങ്കേതിക ഉപകരണങ്ങളോ വിഷവാതകമോ ഇല്ലെന്ന് പ്രാഥമിക പരിശോധനയിൽ കണ്ടെത്തിയതായി മുതിർന്ന പോലീസ് ഓഫീസർ ഗൗരവ് സിംഗ് അറിയിച്ചു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്