ഹോർമൂസ് കടലിടുക്കിൽ ഏകദേശം പന്ത്രണ്ടോളം മൈനുകൾ സ്ഥാപിച്ചതായി ഇറാൻ

MARCH 11, 2026, 8:27 PM

ഹോർമൂസ് കടലിടുക്കിൽ ഏകദേശം പന്ത്രണ്ടോളം സമുദ്ര മൈനുകൾ ഇറാൻ സ്ഥാപിച്ചതായി അടുത്ത വ്യർത്ഥങ്ങൾ അറിയിച്ചു. ഇതോടെ ലോകത്തിലെ ഏറ്റവും പ്രധാനപ്പെട്ട എണ്ണയും ദ്രവീകൃത പ്രകൃതി വാതകവും കടന്നുപോകുന്ന പ്രധാന സമുദ്രപാതയായ ഈ ഇടുങ്ങിയ കടൽമാർഗം വീണ്ടും തുറക്കുന്നതിനെ ഇത് കൂടുതൽ ബുദ്ധിമുട്ടാക്കാനിടയാക്കും എന്നാണ് വിലയിരുത്തൽ.

ഇറാന്റെ തീരത്തോട് ചേർന്നുള്ള ഈ തന്ത്രപ്രധാന കടൽപാതയിലൂടെ സാധാരണയായി വലിയ തോതിൽ എണ്ണയും ദ്രവീകൃത പ്രകൃതി വാതകവും കയറ്റുമതി ചെയ്യപ്പെടാറുണ്ട്. എന്നാൽ പന്ത്രണ്ട് ദിവസം മുമ്പ് അമേരിക്കയും ഇസ്രായേലും ആരംഭിച്ച യുദ്ധത്തിന്റെ പശ്ചാത്തലത്തിൽ ഈ കയറ്റുമതി ഇപ്പോൾ താൽക്കാലികമായി നിർത്തപ്പെട്ടിരിക്കുകയാണ്. ഇതോടെ ലോകത്തെ ഊർജ്ജവിലകളിൽ വലിയ വർധനവുണ്ടായിട്ടുണ്ട്.

ലോകത്തിലാകമാനം എണ്ണവില ഒരു ബാരലിന് 200 ഡോളർ വരെ ഉയരാൻ തയ്യാറാകണം എന്ന് ബുധനാഴ്ച ഇറാന്റെ സൈനിക നേതൃത്വവും മുന്നറിയിപ്പ് നൽകി.

കഴിഞ്ഞ കുറച്ച് ദിവസങ്ങളിലായി ഈ മൈനുകൾ കടലിടുക്കിൽ സ്ഥാപിക്കപ്പെട്ടതാണ് എന്നും അവയുടെ ഭൂരിഭാഗം സ്ഥലങ്ങളും അറിയാമെങ്കിലും, അവയെ എങ്ങനെ നീക്കം ചെയ്യാനാണ് അമേരിക്കയുടെ പദ്ധതി എന്നത് വ്യക്തമല്ലെന്നും ആണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം.

ഇറാൻ ഏറെ കാലമായി തന്നെ തന്റെ മേൽ സൈനിക ആക്രമണം ഉണ്ടായാൽ ഹോർമൂസ് കടലിടുക്കിൽ മൈനുകൾ സ്ഥാപിച്ച് പ്രതികാരം നടത്തുമെന്ന് മുന്നറിയിപ്പ് നൽകിയിട്ടുണ്ട്. ലോകത്ത് ഉത്പാദിപ്പിക്കുന്ന എണ്ണയും ദ്രവീകൃത പ്രകൃതി വാതകവും ഏകദേശം അഞ്ചിൽ ഒരു ഭാഗം ഈ കടൽപാതയിലൂടെയാണ് സാധാരണയായി കടന്നുപോകുന്നത്. അതിനാൽ ഈ കടൽപാതയിലെ ഗതാഗതം തടയാനുള്ള ഇറാന്റെ ശേഷി അമേരിക്കയ്ക്കും അതിന്റെ കൂട്ടാളികൾക്കും വലിയ സമ്മർദ്ദം സൃഷ്ടിക്കാൻ കഴിവുള്ളതാണ്.

അതേസമയം അമേരിക്കൻ സൈന്യം ചൊവ്വാഴ്ച ഇറാൻ മൈനുകൾ സ്ഥാപിക്കാൻ ഉപയോഗിച്ച കപ്പലുകളെയാണ് ലക്ഷ്യമിട്ടതെന്ന് അറിയിച്ചു. അത്തരത്തിലുള്ള പതിനാറ് കപ്പലുകൾ നശിപ്പിച്ചതായും അവർ പറഞ്ഞു. എന്നാൽ ഇതുവരെ ഈ കടൽപാതയിലൂടെ പോകുന്ന വാണിജ്യ കപ്പലുകൾക്ക് അമേരിക്കൻ നാവികസേന സുരക്ഷാ കാവൽ നൽകാൻ തയ്യാറായിട്ടില്ല.

അമേരിക്കൻ പ്രസിഡന്റ് ഡൊണാൾഡ് ട്രംപ് ചൊവ്വാഴ്ച ഇറാനോട് ഹോർമൂസ് കടലിടുക്കിൽ സ്ഥാപിച്ചിട്ടുള്ള മൈനുകൾ ഉടൻ നീക്കം ചെയ്യണമെന്ന് ആവശ്യപ്പെട്ടു. അതിന് ഇറാൻ തയ്യാറാകാത്ത പക്ഷം സൈനിക നടപടികൾ ഉൾപ്പെടെയുള്ള ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്നും അദ്ദേഹം മുന്നറിയിപ്പ് നൽകി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്