ആദ്യമായി ആകാശത്തേക്ക് പറന്ന് ചൈനയുടെ 'പറക്കുന്ന വിമാനവാഹിനിക്കപ്പല്‍'

DECEMBER 30, 2025, 9:53 PM

ബീജിങ്: ലോകത്തിലെ ആദ്യത്തെ ഡ്രോണ്‍ മാതൃ കപ്പലായ ജുയി ടിയാന്‍, 2025 ഡിസംബര്‍ 11 ന് ചൈനയിലെ ഷാന്‍സി പ്രവിശ്യയിലെ പുചെങ് മേഖലയില്‍ ആദ്യമായി പറന്നുയര്‍ന്നു. റിമോട്ട് പൈലറ്റഡ് ഭീമന്‍ ജെറ്റ് 100 ഡ്രോണുകള്‍ വരെ വഹിക്കും. അവയെ ആകാശത്ത് നിന്ന് വിക്ഷേപിച്ച് വിദൂര ലക്ഷ്യങ്ങളില്‍ എത്തിക്കാന്‍ കഴിയും.

13,200 പൗണ്ടില്‍ കൂടുതല്‍ ഭാരവും 82 അടിയോളം നീളമുള്ള ചിറകുകളുള്ളതുമായ ഇതിന് ആധുനിക യുദ്ധവിമാനങ്ങളേക്കാളും ബോംബറുകളേക്കാളും കൂടുതല്‍ ആയുധങ്ങളും ഉപകരണങ്ങളും വഹിക്കാന്‍ കഴിയുമെന്ന് ചൈനീസ് സൈനിക വ്യോമയാന വിശകലന വിദഗ്ദ്ധന്‍ ഫു ക്വിയാന്‍ഷാവോ അഭിപ്രായപ്പെട്ടു. 100 ഡ്രോണുകള്‍ക്ക് മുകളില്‍ ഗൈഡഡ് മിസൈലുകള്‍ക്കും ബോംബുകള്‍ക്കും ഹാര്‍ഡ് പോയിന്റുകള്‍ നിശ്ചയിച്ചിട്ടുണ്ട്.

2024 അവസാനത്തില്‍ സുഹായ് എയര്‍ഷോയില്‍ വെളിപ്പെടുത്തി ഒരു വര്‍ഷത്തിന് ശേഷം ആദ്യ പറക്കല്‍ ചൈനയുടെ നാവികസേനയ്ക്ക് ധാരാളം സാധ്യതകള്‍ നല്‍കുന്നു. ദീര്‍ഘദൂര ബാലിസ്റ്റിക് മിസൈലുകളിലും സമുദ്രത്തിന്റെ ആഴങ്ങളില്‍ പ്രവര്‍ത്തിക്കാന്‍ കഴിവുള്ള ഒരു യുദ്ധവിമാന കപ്പലിലും ശ്രദ്ധ കേന്ദ്രീകരിച്ചുകൊണ്ട്, ചൈന തങ്ങളുടെ വ്യോമസേനയുടെ പരിധി മെച്ചപ്പെടുത്താനുള്ള വഴികള്‍ തേടുകയാണ്. ഒന്നിലധികം ദിശകളില്‍ നിന്ന് വരുന്ന ഡ്രോണുകളുടെ സൈന്യത്തെ ശത്രു സൈന്യത്തിന് നേരിടാന്‍ ബുദ്ധിമുട്ടായിരിക്കും.