ന്യൂയോര്ക്ക്: പുതിയ സൂപ്പര്മാനെ അവതരിപ്പിച്ച് ജെയിംസ് ഗണ്. 2025 ല് ഇറങ്ങുന്ന ചിത്രത്തിലെ സൂപ്പര്മാനെയാണ് പുതിയ സ്യൂട്ട് അടക്കം സംവിധായകന് ജെയിംസ് ഗണ് ഇന്സ്റ്റഗ്രാം വഴി ആരാധകർക്കായി പരിചയപ്പെടുത്തിയത്.
ഡേവിഡ് കോറൻസ്വെറ്റാണ് അടുത്ത ഡിസി സൂപ്പര്മാനായി എത്തുന്നത്. 2025 ജൂലൈ 11നാണ് ജെയിംസ് ഗണ് സംവിധാനം ചെയ്യുന്ന പുതിയ സൂപ്പര്മാന് ചിത്രം എത്തുന്നത്. ഡിസി യൂണിവേഴ്സ് റീബൂട്ടിന്റെ ഭാഗമായാണ് ചിത്രം എത്തുന്നത്. ഡേവിഡ് കോറൻസ്വെറ്റാണ് സൂപ്പര്മാനായി എത്തുന്നത്. ക്ലാസിക് റെഡ് ബ്ലൂ സ്യൂട്ടിലാണ് ചിത്രത്തില് പുതിയ സൂപ്പര്മാനെ അണിയറ പ്രവർത്തകർ അവതരിപ്പിച്ചിരിക്കുന്നത്.
ഗാർഡിയൻ ഓഫ് ദി ഗാലക്സി സിനിമകൾ, ദി സൂയിസൈഡ് സ്ക്വാഡ് (2021), ഒറിജിനൽ മാക്സ് സീരീസ് പീസ്മേക്കർ (2022) എന്നിവ സംവിധാനം ചെയ്ത ജെയിംസ് ഗൺ ആണ് വരാനിരിക്കുന്ന സൂപ്പർഹീറോ സിനിമയുടെ തിരക്കഥയും ഒരുക്കുന്നത്. അതിന് പുറമേ അടുത്ത സൂപ്പര്മാന് ചിത്രം ഇദ്ദേഹമാണ് സംവിധാനം ചെയ്യുന്നത്. അക്വാമാൻ സിനിമകളും ദി കൺജറിംഗ് ഫ്രാഞ്ചൈസിയും നിർമ്മിച്ച ഡിസി സ്റ്റുഡിയോസ് കോ-സിഇഒ പീറ്റർ സഫ്രാനാണ് സൂപ്പർമാൻ സഹനിർമ്മാതാവ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്