ന്യൂഡൽഹി: കാനഡയിലെ ബ്രിട്ടീഷ് കൊളംബിയയിലുള്ള ടംബ്ലർ റിഡ്ജ് (Tumbler Ridge) പ്രദേശത്തുണ്ടായ കൂട്ടക്കൊലപാതകത്തിൽ പ്രധാനമന്ത്രി നരേന്ദ്ര മോദി ഞെട്ടലും ദുഃഖവും രേഖപ്പെടുത്തി. അക്രമിയെ ഉൾപ്പെടെ 10 പേർ മരിച്ച സംഭവത്തിൽ കനേഡിയൻ പ്രധാനമന്ത്രി മാർക്ക് കാർനിയോട് പ്രധാനമന്ത്രി അനുശോചനം അറിയിച്ചു.

കാനഡയിലെ ജനങ്ങൾക്കൊപ്പം ഭാരതം നിലകൊള്ളുന്നുവെന്നും, പ്രിയപ്പെട്ടവരെ നഷ്ടപ്പെട്ട കുടുംബങ്ങളുടെ ദുഃഖത്തിൽ പങ്കുചേരുന്നുവെന്നും പ്രധാനമന്ത്രി എക്സിൽ (X) കുറിച്ചു. പരിക്കേറ്റവർ വേഗത്തിൽ സുഖം പ്രാപിക്കട്ടെ എന്നും അദ്ദേഹം ആശംസിച്ചു.

ചൊവ്വാഴ്ച ഉച്ചയോടെ ടംബ്ലർ റിഡ്ജ് സെക്കൻഡറി സ്കൂളിലാണ് ദാരുണമായ വെടിവെയ്പ്പ് നടന്നതെന്ന് റോയൽ കനേഡിയൻ മൗണ്ടഡ് പോലീസ് (RCMP) അറിയിച്ചു. സ്കൂളിനുള്ളിൽ ആറുപേരും, ആശുപത്രിയിലേക്ക് മാറ്റുന്നതിനിടെ ഒരാളും മരിച്ചു. അന്വേഷണത്തിൽ സംഭവവുമായി ബന്ധമുണ്ടെന്ന് സംശയിക്കുന്ന മറ്റൊരു സ്ഥലത്ത് നിന്ന് രണ്ടുപേരെ കൂടി മരിച്ച നിലയിൽ കണ്ടെത്തി. അക്രമിയെയും മരിച്ച നിലയിൽ കണ്ടെത്തി.

ഗുരുതരമായി പരിക്കേറ്റ രണ്ടുപേരെ ഹെലികോപ്റ്ററിൽ ആശുപത്രിയിലേക്ക് മാറ്റി. കൂടാതെ 25 പേർ ചികിത്സയിലാണ്. കാനഡയുടെ സമീപകാല ചരിത്രത്തിലെ ഏറ്റവും ദാരുണമായ സംഭവമാണിതെന്ന് കനേഡിയൻ പ്രധാനമന്ത്രി മാർക്ക് കാർനി പ്രതികരിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്