പ്രശസ്ത അമേരിക്കൻ നടൻ ജെയിംസ് ഹാൻഡി (81) കുത്തേറ്റ് മരിച്ച നിലയിൽ. ലോസ് ഏഞ്ചലസിലെ വീട്ടിൽ വെച്ചാണ് അദ്ദേഹത്തിന് കുത്തേറ്റത്. സംഭവത്തിൽ നടന്റെ കാമുകിയുടെ മകനെ പോലീസ് അറസ്റ്റ് ചെയ്തു.

കഴിഞ്ഞ ദിവസം കാലിഫോർണിയയിലെ ടാർസാനയിലുള്ള വീട്ടിലെ പൂന്തോട്ടത്തിൽ അബോധാവസ്ഥയിൽ കണ്ടെത്തുകയായിരുന്നു. നെഞ്ചിൽ നിരവധി കുത്തേറ്റ മുറിവുകൾ ഉണ്ടായിരുന്നതായി പോലീസ് അറിയിച്ചു. കൊലപാതക കുറ്റം ചുമത്തി മൈക്കിൾ ഗ്ലെഡ്ഹിൽ (44) എന്നയാളെയാണ് ലോസ് ഏഞ്ചൽസ് പോലീസ് അറസ്റ്റ് ചെയ്തത്.

മൈക്കിൾ ഗ്ലെഡ്ഹിൽ ജെയിംസ് ഹാൻഡിയുടെ കാമുകിയുടെ മകനാണ്. ഒരു സഹായം അഭ്യർത്ഥിച്ചുള്ള ഫോൺ വിളിയെ തുടർന്നാണ് പോലീസ് സംഭവസ്ഥലത്തെത്തിയത്. 911-ലേക്ക് വിളിച്ചയാൾ "ഞാൻ മനുഷ്യപുത്രനാണ്, പാപിയായ ആ മനുഷ്യനെ ഞാൻ കൊന്നു" എന്ന് പറഞ്ഞതായും പോലീസ് വെളിപ്പെടുത്തി.

ആറ് പതിറ്റാണ്ടിലേറെയായി ചലച്ചിത്ര ലോകത്ത് സജീവമായിരുന്ന നടനാണ് ജെയിംസ് ഹാൻഡി. പ്രധാന വേഷങ്ങളിൽ എത്തിയില്ലെങ്കിലും നിരവധി ചിത്രങ്ങളിലും ടെലിവിഷൻ പരമ്പരകളിലും അദ്ദേഹം ശ്രദ്ധേയമായ കഥാപാത്രങ്ങളെ അവതരിപ്പിച്ചു. "ജുമാൻജി", "ടോപ് ഗൺ: മാവെറിക്ക്" തുടങ്ങിയ പ്രശസ്ത ചിത്രങ്ങളിൽ അദ്ദേഹം അഭിനയിച്ചിട്ടുണ്ട്.

"എൻവൈപിഡി ബ്ലൂ", "കെ-9", "ലോ & ഓർഡർ", "സിഎസ്ഐ: എൻവൈ", "കാസിൽ", "എൻസിഐഎസ്", "ദി വെസ്റ്റ് വിംഗ്", "എക്സ് ഫയൽസ്" തുടങ്ങിയ ടിവി സീരീസുകളിലും ഹാൻഡി ഭാഗമായിരുന്നു. 2022-ൽ പുറത്തിറങ്ങിയ "ടോപ് ഗൺ: മാവെറിക്ക്" ആയിരുന്നു അദ്ദേഹത്തിന്റെ ഏറ്റവും പുതിയ ചിത്രം. ഇതിൽ ജിമ്മി എന്ന ബാർടെൻഡർ കഥാപാത്രത്തെയാണ് അദ്ദേഹം അവതരിപ്പിച്ചത്.

ടോം ക്രൂയിസിന്റെ നായികയായ ജെന്നിഫർ കോനെലിയുടെ കഥാപാത്രത്തിനൊപ്പം പ്രവർത്തിക്കുന്നയാളായിരുന്നു ജിമ്മി. മികച്ച സ്വഭാവ നടനെയാണ് നഷ്ടമായതെന്ന് വിനോദ എഴുത്തുകാരൻ ജെ ബോബിൻ അനുസ്മരിച്ചു. നടന്റെ വിയോഗത്തിൽ സിനിമാ ലോകം ഞെട്ടലിലാണ്. സംഭവത്തെക്കുറിച്ച് പോലീസ് വിശദമായ അന്വേഷണം നടത്തിവരികയാണ്.

English Summary: Renowned American actor James Handy aged 81 was tragically stabbed to death at his home in Los Angeles. Police have arrested Michael Gledhill, 44, the son of Handys girlfriend, on suspicion of murder. Handy was discovered unconscious in his front garden with multiple stab wounds to his chest. The arrest followed a chilling 911 call where the caller reportedly stated I am the son of man, I just killed the man of sin. Handy had a career spanning over six decades, known for his versatile supporting roles in films like Jumanji and Top Gun Maverick, and numerous TV series including NYPD Blue and The West Wing. Tributes have poured in from the entertainment industry following his shocking demise as police continue their investigation.

Tags: Malayalam News, News Malayalam, Latest Malayalam News, Vachakam News, James Handy, US actor, Hollywood actor, stabbing, murder, Los Angeles, Top Gun Maverick, Jumanji, celebrity death

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്