സീയാറ്റില്‍: കോമിക് പുസ്തകങ്ങളില്‍ നിന്നോ ഹൊറര്‍ സിനിമകളില്‍ നിന്നോ ഇറങ്ങിവന്നതുപോലെ തോന്നിക്കുന്ന മൂര്‍ച്ചയുള്ള വിചിത്ര ആയുധം സീയാറ്റില്‍-താക്കോമ അന്താരാഷ്ട്ര വിമാനത്താവളത്തില്‍ സുരക്ഷാ പരിശോധനയ്ക്കിടെ പിടികൂടി. രണ്ട് വര്‍ഷത്തെ സേവനത്തിനിടയില്‍ ഇത്തരമൊരു സാധനം കണ്ടിട്ടില്ലെന്ന് ടി.എസ്.എ ഉദ്യോഗസ്ഥന്‍ പ്രതികരിച്ചപ്പോള്‍, ഏജന്‍സി ഈ വസ്തുവിനെ മ്യൂട്ടന്റ് ബ്ലേഡുകള്‍ എന്നാണ് വിശേഷിപ്പിച്ചത്.
ഡഗ്ലസ് ലിന്‍, ഡെനീസ് ഒയിഷി എന്നീ ഉദ്യോഗസ്ഥരാണ് എക്‌സ്-റേ ചിത്രങ്ങള്‍ പരിശോധിക്കുമ്പോള്‍ ലഗേജിലെ ഈ ബ്ലേഡുകള്‍ ശ്രദ്ധിച്ചത്. തുടര്‍ന്ന് നടത്തിയ പരിശോധനയില്‍ മാര്‍വല്‍ യൂണിവേഴ്‌സിലെ 'എ നൈറ്റ്‌മേയര്‍ ഓണ്‍ എല്‍ം സ്ട്രീറ്റ്' സിനിമയിലെ ഫ്രെഡി ക്രൂഗറുടെ ബ്ലേഡുകളും കലര്‍ന്ന രൂപത്തിലുള്ള അപകടകരമായ വസ്തുവാണ് കണ്ടെത്തിയത്. ഇത്തരം വസ്തുക്കള്‍ വിമാന കാബിനുകളേക്കാള്‍ സിനിമ സ്‌ക്രീനുകള്‍ക്കാണ് അനുയോജ്യമെന്ന് ടി.എസ്.എ ഓര്‍മ്മിപ്പിച്ചു. ചൊവ്വാഴ്ച എക്‌സില്‍ പങ്കുവെച്ച കുറിപ്പില്‍, 'നിങ്ങളുടെ കാരി-ഓണ്‍ ബാഗില്‍ ഇത്തരം മാര്‍വല്‍ മോഡലുകള്‍ സൂക്ഷിക്കുന്നത് നല്ലൊരു ആശയമല്ല' എന്ന് പരിഹസിച്ച ഏജന്‍സി, എല്ലാ മ്യൂട്ടന്റ് ബ്ലേഡുകളും ചെക്ക്-ഇന്‍ ബാഗേജില്‍ മാത്രം പാക്ക് ചെയ്യാന്‍ യാത്രക്കാരോട് നിര്‍ദ്ദേശിച്ചു.
എക്‌സ്-റേ സ്‌ക്രീനില്‍ ചിത്രം കണ്ടപ്പോള്‍ തന്നെ താന്‍ അത്ഭുതപ്പെട്ടുപോയെന്നും രണ്ട് വര്‍ഷത്തെ സേവനത്തിനിടയില്‍ ഇത്തരമൊന്ന് കണ്ടിട്ടില്ലെന്നും ഡഗ്ലസ് ലിന്‍ വ്യക്തമാക്കി. ബാഗിലുണ്ടായിരുന്ന കാര്യം താന്‍ മറന്നുപോയതാണെന്ന് വ്യക്തമാക്കിയ യാത്രക്കാരന്‍, ഉദ്യോഗസ്ഥനായ ഒയിഷി അത് പുറത്തെടുത്തപ്പോള്‍ സെക്യൂരിറ്റി ചെക്ക് പോയിന്റില്‍ വസ്തു സ്വമേധയാ ഉപേക്ഷിക്കുകയാണുണ്ടായത്. ഏജന്‍സിയിലെ ഏഴ് വര്‍ഷത്തെ സേവനത്തിനിടയില്‍ താന്‍ കണ്ട ഏറ്റവും വിചിത്രമായ വസ്തുക്കളില്‍ ഒന്നാണിതെന്ന് സൂപ്പര്‍വൈസറി ഓഫീസര്‍ ആന്‍ റോഡ്‌സും പ്രതികരിച്ചു.
ബോക്‌സ് കട്ടറുകള്‍, കോര്‍ക്ക്‌സ്‌ക്രൂകള്‍, കത്തികള്‍ തുടങ്ങിയ മൂര്‍ച്ചയുള്ള വസ്തുക്കള്‍ സുരക്ഷിതമായി പൊതിഞ്ഞ് ചെക്ക്-ഇന്‍ ബാഗേജുകളില്‍ കൊണ്ടുപോകാന്‍ യാത്രക്കാര്‍ക്ക് അനുവാദമുണ്ടെങ്കിലും, കാരി-ഓണ്‍ ബാഗുകളില്‍ ഇത്തരം വസ്തുക്കള്‍ നിരോധിച്ചിട്ടുണ്ടെന്ന് ടി.എസ്.എ മാര്‍ഗ്ഗനിര്‍ദ്ദേശങ്ങള്‍ ഓര്‍മ്മിപ്പിക്കുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
