ചാര്‍ലി കിര്‍ക്ക് വെടിയേറ്റ് മരിച്ച സംഭവം; പ്രതിയെക്കുറിച്ച് വ്യത്യസ്ത വാദങ്ങളുമായി അധികാരികൾ

SEPTEMBER 10, 2025, 8:18 PM

അമേരിക്കൻ വലതുപക്ഷ രാഷ്ട്രീയ പ്രവർത്തകനായ ചാര്‍ലി കിര്‍ക്ക് വെടിയേറ്റ് കൊല്ലപ്പെട്ട വാർത്ത ഏവരും ഞെട്ടലോടെ ആണ് കേട്ടത്. എന്നാൽ ആക്രമണ വിഷയത്തിൽ ഇപ്പോഴും ഒരു നിഗമനത്തിൽ എത്തിച്ചേരാൻ അധികാരികൾക്ക് സാധിച്ചിട്ടില്ല എന്നാണ് പുറത്തു വരുന്ന റിപ്പോർട്ടുകൾ വ്യക്തമാക്കുന്നത്.

സംഭവത്തെ കുറിച്ച് അന്വേഷണം നടത്തുന്ന പ്രധാന അധികാരികൾ ഓരോരുത്തരും വ്യത്യസ്തമായ പ്രതികരണങ്ങൾ ആണ് നടത്തുന്നത്. ഇതിൽ ആർക്കും പ്രത്യേകിച്ച് ഒരു കൃത്യമായ ധാരണ ഇല്ല എന്ന് തന്നെയാണ് ഈ പ്രതികരണങ്ങളിലൂടെ വ്യക്തമാകുന്നത്.

“പ്രതി പിടിയിലായി” എന്നാണ് FBI ഡയറക്ടർ കാഷ് പടേൽ പ്രതികരിച്ചത്. എന്നാൽ “പ്രതിയെ ഇപ്പോഴും പിടികൂടാനായിട്ടില്ല. പ്രതി കൃത്യമായി ലക്ഷ്യമിട്ട് നടത്തിയ ആക്രമണമാണെന്നാണ് നിഗമനം” എന്നാണ് യൂട്ടാ പബ്ലിക് സേഫ്റ്റി ഡയറക്ടർ ബോ മെസൺ പറയുന്നത്. എന്നാൽ കുറ്റകൃത്യവുമായി സംബന്ധമുള്ള ഒരു വ്യക്തി പിടിയിലുള്ളതായി യൂട്ടാ ഗവർണർ സ്‌പെൻസർ കോക്സ് പറയുന്നു.