ഷിക്കാഗോ: നായർ അസോസിയേഷൻ ഓഫ് ഗ്രേറ്റർ ഷിക്കാഗോയുടെ ആഭിമുഖ്യത്തിൽ വിഷു ആഘോഷം നൈൽസിലുള്ള ഗോൾഫ് മെയ്‌നി പാർക്ക് ഡിസ്ട്രിക്റ്റ് ഓഡിറ്റോറിയത്തിൽ വച്ച് നടന്നു.

ശ്രേയ മഹേഷിന്റെ ഈശ്വര പ്രാർത്ഥനയോടുകൂടി ആരംഭിച്ച ചടങ്ങിൽ അസോസിയേഷൻ പ്രസിഡന്റ് അരവിന്ദ്പിള്ള ഏവരേയും സ്വാഗതം ചെയ്യുകയും ഏവർക്കും വിഷു ആശംസകൾ നേരുകയും ചെയ്തു. കമ്മറ്റിയംഗം ചന്ദ്രൻപിള്ള ഏവർക്കും വിഷുകൈ നീട്ടം നൽകി. സതീശൻ നായർ വിഷുവിന്റെ പ്രത്യേകതകളെക്കുറിച്ച് സംസാരിക്കുകയും ഏവർക്ക് വിഷുദിനാശംസകൾ നേരുകയും ചെയ്തു.

സെറാഫിൻ ബിനോയിയുടെ നേതൃത്വത്തിൽ നടന്ന നൃത്തനൃത്യങ്ങൾ, ശ്രേയമഹേഷും ശ്രുതി മഹേഷും കൂടി ആലപിച്ച ഗാനങ്ങൾ, മജ്ജുപിള്ളയുടെ ഗാനാലാപനം, ദീപു നായരും ധന്യദീപുവും കൂടി ആലപിച്ച ഗാനങ്ങൾ തുടങ്ങി വിവിധ പരിപാടികൾ ചടങ്ങിനെ അവിസ്മരണീയമാക്കി.

വിവിധ പരിപാടികൾക്ക് രഘുനായർ, ദീപക് നായർ, രാജഗോപാലൻ നായർ, പ്രസാദ്പിള്ള, അജി പിള്ള, ജിതേന്ദ്ര കൈമൾ, ചന്ദ്രൻപിള്ള, സുരേഷ് ബാലചന്ദ്രൻ, ഗോപാൽ തുപ്പലിക്കാട്ട് തുടങ്ങിയവർ നേതൃത്വം നൽകി.

ദീപുനായർ ചടങ്ങിൽ എം.ഡിയായിരുന്നു. വിഭവസമൃദ്ധമായ കേരത്തനിമയാർന്ന ഭക്ഷണത്തോടു കൂടി സമാപിച്ച ചടങ്ങിൽ ജനറൽ സെക്രട്ടറി മഹേഷ് കൃഷ്ണൻ ഏവർക്കും നന്ദി രേഖപ്പെടുത്തി.

സതീശൻ നായർ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്