വാഷിംഗ്ടണ്‍: സാങ്കേതിക ലോകത്ത് ഒന്നര പതിറ്റാണ്ട് കാലം ബജറ്റ് ടാബ്ലെറ്റ് വിപണി ഭരിച്ച ഫയര്‍ ടാബ്ലെറ്റ് ശ്രേണി അവസാനിപ്പിച്ച് പ്രമുഖ ഇ-കോമേഴ്‌സ് ഭീമന്മാരായ ആമസോണ്‍. തങ്ങളുടെ പ്രശസ്തമായ ഫയര്‍ ഫോണിന് ശേഷം ബ്രാന്‍ഡില്‍ നിന്ന് പിന്‍വലിക്കുന്ന ഏറ്റവും പ്രധാനപ്പെട്ട ജനപ്രിയ ഉല്‍പ്പന്നമാണിത്. എന്നാല്‍, സാങ്കേതികവിദ്യയിലെ മാറ്റങ്ങള്‍ക്ക് അനുസൃതമായി കൂടുതല്‍ മികവുറ്റ അലക്‌സാ പ്ലസ് വോയിസ് അസിസ്റ്റന്റോട് കൂടിയ ആമസോണ്‍ അലക്‌സ ടാബ്ലെറ്റുകള്‍ വിപണിയിലെത്തിച്ച് തങ്ങളുടെ സാന്നിധ്യം കൂടുതല്‍ ശക്തമാക്കാനാണ് കമ്പനിയുടെ തീരുമാനം.
പുതിയ അലക്‌സ ടാബ്ലെറ്റുകള്‍ ഗൂഗിളിന്റെ ആന്‍ഡ്രോയിഡ് ഓപ്പറേറ്റിംഗ് സിസ്റ്റത്തിലാണ് പ്രവര്‍ത്തിക്കുന്നത്. അതിനാല്‍ ഉപയോക്താക്കള്‍ക്ക് ഇനി മുതല്‍ ഗൂഗിള്‍ പ്ലേ സ്റ്റോറിലെ ആപ്പുകള്‍ നേരിട്ട് ഡൗണ്‍ലോഡ് ചെയ്ത് ഉപയോഗിക്കാനാകും. അലുമിനിയം ബോഡിയില്‍ പുറത്തിറങ്ങുന്ന അലക്‌സ ടാബ്ലെറ്റ് 12 പ്രോ, അലക്‌സ ടാബ്ലെറ്റ് 11, അലക്‌സ ടാബ്ലെറ്റ് 8 എന്നീ മോഡലുകള്‍ക്ക് 229.99 ഡോളര്‍ മുതല്‍ 499.99 ഡോളര്‍ വരെയാണ് വില വരുന്നത്. യു.എസ്, മെക്‌സിക്കോ, കാനഡ എന്നീ രാജ്യങ്ങളില്‍ ഒക്ടോബര്‍ 14 മുതല്‍ ഈ ടാബ്ലെറ്റുകള്‍ ഉപയോക്താക്കളുടെ കൈകളിലെത്തും.
നിലവില്‍ നിര്‍മ്മിച്ച ഫയര്‍ ടാബ്ലെറ്റുകളുടെ വില്‍പ്പന സ്റ്റോക്ക് തീരുന്നത് വരെ തുടരുമെങ്കിലും പുതിയ യൂണിറ്റുകളുടെ നിര്‍മ്മാണം പൂര്‍ണ്ണമായും നിര്‍ത്തിവെച്ചതായി ആമസോണ്‍ അറിയിച്ചു. എങ്കിലും നിലവിലുള്ള ഫയര്‍ ടാബ്ലെറ്റ് ഉപയോക്താക്കള്‍ക്ക് ആവശ്യമായ സെക്യൂരിറ്റി അപ്ഡേറ്റുകളും ഉപഭോക്തൃ പിന്തുണയും തടസ്സമില്ലാതെ തുടര്‍ന്നും ലഭ്യമാക്കുമെന്ന് കമ്പനി വക്താവ് വ്യക്തമാക്കി. 2015 ല്‍ വമ്പന്‍ സാമ്പത്തിക നഷ്ടമുണ്ടാക്കിയ ഫയര്‍ ഫോണിന് ശേഷം കമ്പനി നടത്തുന്ന ഏറ്റവും വലിയ ഉല്‍പ്പന്ന മാറ്റങ്ങളില്‍ ഒന്നായാണ് സാങ്കേതിക ലോകം ഇതിനെ വീക്ഷിക്കുന്നത്.
English summary
After a 15-year run, Amazon is discontinuing its budget-friendly Fire tablet line and replacing it with a new, higher-end series of Android-powered "Amazon Alexa Tablets" equipped with the Alexa+ voice assistant and direct access to the Google Play Store. Ranging in price from $229.99 to $499.99 for aluminum-cased 8-, 11-, and 12 Pro models, the new devices are available for purchase and set to ship on October 14 across North America. While Amazon will no longer manufacture new Fire units, it plans to sell through existing stock and will continue providing security updates and technical support to current Fire tablet owners.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201113035412.jpg)
-20260701122032.jpg)
-20260507090259.jpg)
-20260929024749.jpg)
