പ്രശസ്ത പോപ്പ് ഗായിക ടെയിലർ സ്വിഫ്റ്റും ഭർത്താവും അമേരിക്കൻ ഫുട്ബോൾ താരവുമായ ട്രാവിസ് കെൽസിയും തങ്ങളുടെ ജീവിതശൈലിയിലും ഭക്ഷണക്രമത്തിലും വരുത്തിയ പുതിയ മാറ്റങ്ങളാണ് ഇപ്പോൾ കായിക-വിനോദ ലോകത്ത് ചർച്ചയാകുന്നത്.
ചീഫ്സ് ടീമിലെ തൻ്റെ 14-ാം സീസണിൽ കളിക്കുന്ന 37-കാരനായ കെൽസിയുടെ ഫിറ്റ്നസ് നിലനിർത്താൻ സഹായിക്കുന്നതിനായി ടെയിലർ തൻ്റെ പ്രശസ്തമായ ബേക്കിംഗ് ശീലങ്ങളിൽ മാറ്റം വരുത്തിയതായാണ് ഡെയ്‌ലി മെയിൽ റിപ്പോർട്ട് ചെയ്യുന്നത്.തൻ്റെ കരിയറിലെ അവസാന ഘട്ടത്തിലാണെന്ന വിരമിക്കൽ അഭ്യൂഹങ്ങൾക്കിടെ മികച്ച കായികക്ഷമത നിലനിർത്തേണ്ടത് കെൽസിക്ക് അത്യന്താപേക്ഷിതമാണ്.
ഇതിനായി മുൻപ് തയ്യാറാക്കിയിരുന്ന കേക്കുകളും മധുരപലഹാരങ്ങളും കുറച്ച്, ഉയർന്ന പ്രോട്ടീൻ അടങ്ങിയ ഭക്ഷണക്രമത്തിലേക്ക് ടെയിലർ മാറിയിരിക്കുകയാണ്. കൂടാതെ, ജിമ്മിൽ കെൽസിക്കൊപ്പം വെയിറ്റ് ലിഫ്റ്റിംഗും മറ്റ് വ്യായാമങ്ങളും ചെയ്യാൻ ടെയിലർ സമയം കണ്ടെത്തുന്നതായും റിപ്പോർട്ടുകൾ സൂചിപ്പിക്കുന്നു. എന്നാൽ കെൽസിയുടെ പ്രിയപ്പെട്ട ഭക്ഷണമായ ഫ്രഞ്ച് ടോസ്റ്റ് അപൂർവ്വമായി ഇപ്പോഴും ഉണ്ടാക്കി നൽകാറുണ്ട്.
കഴിഞ്ഞ ജൂലൈ നാലാം തീയതിയായിരുന്നു ടെയിലർ സ്വിഫ്റ്റും ട്രാവിസ് കെൽസിയും വിവാഹിതരായത്. അമ്പയർ ഹൗസ് സ്റ്റേഡിയത്തിൽ നടക്കുന്ന കളികളിലെല്ലാം ഭർത്താവിന് പിന്തുണയുമായി വി.ഐ.പി ഗാലറിയിൽ ടെയിലർ സജീവമായി എത്താറുണ്ട്. തൻ്റെ അവസാന കളി സീസണുകളിൽ മികച്ച പ്രകടനം നടത്താൻ കഠിനാധ്വാനം ചെയ്യുന്ന ഭർത്താവിന് പൂർണ്ണ പിന്തുണ നൽകാനാണ് ടെയിലർ ശ്രമിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261111031512.jpg)
-20261109020555.jpg)
