കയ്പമംഗലത്ത് സിപിഐയ്ക്കായി കളത്തിലിറങ്ങുത് ആര്? ടി പി രഘുനാഥനോ ടൈസൺ മാസ്റ്ററോ

MARCH 6, 2026, 7:27 PM

തൃശ്ശൂർ: കയ്പമംഗലത്ത് സിപിഐ മണ്ഡലം സെക്രട്ടറിയും പെരിഞ്ഞനം പഞ്ചായത്ത് മുൻ പ്രസിഡന്റുമായ ടി പി രഘുനാഥനോ എംഎൽഎ ഇ ടി ടൈസൺ മാസ്റ്ററോ മത്സരിക്കും.

2011ൽ രൂപീകരിച്ചത് മുതൽ സിപിഐക്കൊപ്പമാണ് കയ്പമംഗലം മണ്ഡലം. 2011ൽ വി എസ് സുനിൽകുമാറായിരുന്നു എൽഡിഎഫ് സ്ഥാനാർത്ഥി. യുഡിഎഫിന്റെ ഉമേഷ് ചള്ളിയിലിനെതിരെ 13,570 വോട്ടിന്റെ ഭൂരിപക്ഷത്തിലായിരുന്നു സുനിൽ കുമാറിന്റെ വിജയം.

കയ്പമംഗലം മണ്ഡലം കമ്മിറ്റി യോഗത്തിലാണ് ഇവരിൽ ഒരാളെ കളത്തിലിറക്കണമെന്ന് ഭൂരിപക്ഷാഭിപ്രായം ഉയർന്നത്. സിപിഐ ജില്ലാ സെക്രട്ടറി കെ കെ വത്സരാജിനെ സ്ഥാനാർത്ഥിയാക്കാനാണ് ജില്ലാ കമ്മിറ്റിയുടെയും സംസ്ഥാന കമ്മിറ്റിയുടെ നീക്കം.