ടെക്‌സസ് : 2026 മാർച്ച് 3 ചൊവ്വാഴ്ച ടെക്‌സസിൽ സംയുക്ത പ്രൈമറി തിരഞ്ഞെടുപ്പ് നടക്കുന്നു. പൊതുതിരഞ്ഞെടുപ്പിന് മുന്നോടിയായി രാഷ്ട്രീയ പാർട്ടികളുടെ സ്ഥാനാർത്ഥികളെ നിശ്ചയിക്കുന്നതിനാണ് പ്രൈമറി വോട്ടെടുപ്പ് നടത്തുന്നത്.

വോട്ടെടുപ്പ് സമയം: തിരഞ്ഞെടുപ്പ് ദിനമായ മാർച്ച് 3ന് രാവിലെ 7 മണി മുതൽ വൈകിട്ട് 7 മണി വരെ വോട്ട് രേഖപ്പെടുത്താം.

ഓപ്പൺ പ്രൈമറി : ടെക്‌സസിൽ വോട്ടർമാർക്ക് ഏതെങ്കിലും പാർട്ടിയിൽ അംഗത്വം വേണമെന്ന് നിർബന്ധമില്ല. എന്നാൽ ഒരു വർഷം ഒരു പാർട്ടിയുടെ പ്രൈമറിയിൽ മാത്രമേ വോട്ട് ചെയ്യാവൂ എന്ന നിബന്ധനയുണ്ട്.

സ്ഥാനാർത്ഥിക്ക് 50 ശതമാനത്തിലധികം വോട്ട് ലഭിച്ചാൽ വിജയിയായി പ്രഖ്യാപിക്കും. ആർക്കും ഭൂരിപക്ഷം ലഭിക്കാത്ത പക്ഷം ഏറ്റവും കൂടുതൽ വോട്ട് ലഭിച്ച ആദ്യ രണ്ട് സ്ഥാനാർത്ഥികൾ തമ്മിൽ വീണ്ടും മത്സരം (Runoff Election) നടക്കും.

:ഡെമോക്രാറ്റിക്, റിപ്പബ്ലിക്കൻ പാർട്ടികൾക്കായി പ്രത്യേകം ബാലറ്റുകളാണ് ഉള്ളത്. നിങ്ങളുടെ പ്രിസിങ്ക്റ്റുകൾ (Precincts) അനുസരിച്ചുള്ള സാമ്പിൾ ബാലറ്റുകൾ പരിശോധിക്കാവുന്നതാണ്. ഭിന്നശേഷിക്കാർക്കും മുതിർന്ന പൗരന്മാർക്കും വോട്ട് ചെയ്യാൻ പ്രത്യേക സഹായങ്ങളും ക്രമീകരണങ്ങളും ഒരുക്കിയിട്ടുണ്ട്.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്