ഓണ്‍ലൈൻ മദ്യവിൽപ്പന: ഇനി പ്രതികരിക്കേണ്ടെന്ന് ബെവ്കോ എംഡിക്ക് സർക്കാർ നിർദ്ദേശം

AUGUST 12, 2025, 7:02 AM

തിരുവനന്തപുരം: ഓണ്‍ലൈൻ മദ്യവിൽപ്പനയിൽ ചിലയിടങ്ങളിൽ നിന്ന് രൂക്ഷമായ വിമർശനമാണ് സർക്കാർ നേരിടേണ്ടി വന്നത്.

ഈ സാഹചര്യത്തിലും തദ്ദേശ തെരഞ്ഞെടുപ്പ് നടക്കേണ്ട വർഷമായതിനാൽ കൂടുതൽ വിവാദങ്ങളിലേക്ക് കടക്കേണ്ട എന്ന നിലപാടാനാലും ഈ വിഷയത്തിൽ ഇനി പ്രതികരിക്കേണ്ടെന്ന് ബെവ്കോ എംഡിക്ക് സർക്കാർ നിർദ്ദേശം നൽകി.

ബെവ്കോയുടെ ശുപാർശയിൽ തല്‍ക്കാലം ചർച്ച പോലും വേണ്ടെന്നാണ് സര്‍ക്കാര്‍ തീരുമാനിച്ചിരിക്കുന്നത്.

വരുമാന വർദ്ധനക്കായുള്ള ബെവ്കോയുടെ ഓണ്‍ലൈൻ മദ്യവിൽപ്പനയ്ക്കുള്ള ശുപാർശകളോട് സർക്കാരിന് എതിർപ്പില്ല.

പക്ഷെ, പുതിയ തീരുമാനം ഇപ്പോള്‍ നടപ്പാക്കി വിവാദങ്ങളിലേക്ക് കടക്കേണ്ടെന്നാണ് സര്‍ക്കാര്‍ നിലപാട്. ശുപാർശ പുറത്ത് വന്നപ്പോള്‍ തന്നെ എക്സൈസ് മന്ത്രി എം ബി രാജേഷ് ഇത് ഇടത് സർക്കാർ നയമല്ലെന്ന് പറഞ്ഞ് തലയൂരി. അതിന് ശേഷവും ശുപാർശയെ കുറിച്ച് ബെവ്കോ എംഡി വിശദീകരിച്ചതിനാലാണ് സർക്കാരിന് അതൃപ്തി.