ഷിക്കാഗോ: ഇല്ലിനോയിസ് ഗവർണർ സ്ഥാനത്തേക്ക് മൂന്നാം തവണയും ഡെമോക്രാറ്റിക് സ്ഥാനാർത്ഥിയായി ജെ.ബി. പ്രിറ്റ്സ്കർ മത്സരിക്കും. റിപ്പബ്ലിക്കൻ പ്രൈമറിയിൽ വിജയിച്ച ഡാരൻ ബെയ്ലിയാണ് നവംബറിൽ നടക്കുന്ന പൊതുതിരഞ്ഞെടുപ്പിൽ പ്രിറ്റ്സ്കറുടെ പ്രധാന എതിരാളി. 2022ലെ തിരഞ്ഞെടുപ്പിലും ഇരുവരും തമ്മിലായിരുന്നു പോരാട്ടം; അന്ന് പ്രിറ്റ്സ്കർ വൻ വിജയം നേടിയിരുന്നു.
ഹയാത്ത് ഹോട്ടൽ ശൃംഖലയുടെ അവകാശിയും ശതകോടീശ്വരനുമായ പ്രിറ്റ്സ്കർ, 2028ലെ അമേരിക്കൻ പ്രസിഡന്റ് തിരഞ്ഞെടുപ്പിൽ മത്സരിക്കാൻ ലക്ഷ്യമിടുന്നതായി രാഷ്ട്രീയ വൃത്തങ്ങൾ സൂചിപ്പിക്കുന്നു. ട്രംപ് ഭരണകൂടത്തിന്റെ കുടിയേറ്റ നയങ്ങൾക്കെതിരെ ശക്തമായ നിലപാട് സ്വീകരിച്ചതിലൂടെ അദ്ദേഹം ദേശീയതലത്തിൽ ശ്രദ്ധേയനായിരുന്നു.
സംസ്ഥാനത്തെ മിനിമം വേതനം മണിക്കൂറിന് 15 ഡോളറായി ഉയർത്താനുള്ള നിയമത്തിൽ ഒപ്പുവെച്ചു. അമേരിക്കയിൽ ആദ്യമായി 'ക്യാഷ് ബെയ്ൽ' (പണമിടപാടിലൂടെയുള്ള ജാമ്യം) നിർത്തലാക്കിയ സംസ്ഥാനമായി ഇല്ലിനോയിസിനെ മാറ്റി. ഇത് വലിയ രാഷ്ട്രീയ വിവാദങ്ങൾക്ക് വഴിവെച്ചിരുന്നു.
സ്വന്തം സമ്പാദ്യം ഉപയോഗിച്ച് തിരഞ്ഞെടുപ്പ് പ്രചാരണങ്ങളെ സഹായിക്കുന്ന പ്രിറ്റ്സ്കർ, തന്റെ ലഫ്റ്റനന്റ് ഗവർണർ ജൂലിയാന സ്ട്രാറ്റന്റെ സെനറ്റ് പോരാട്ടത്തിനായി 14.8 ദശലക്ഷം ഡോളറാണ് ചിലവഴിച്ചത്.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260219094258.jpg)
-20260109092215.jpg)
-20251211083427.jpg)
1-20260318102659.jpg)
-20201113035400.jpg)
