1995 ജനുവരി 13ന്, ഐ.എസ്.ആർ.ഒ ചാരക്കേസിൽ സി.ബി.ഐ അന്വേഷണത്തിൽ സമഗ്രത കാണിക്കാത്തതിനും അന്നത്തെ മുഖ്യമന്ത്രി കെ. കരുണാകരന്റെ വിശ്വസ്തനായിരുന്ന ഐ.ജി രമൺ ശ്രീവാസ്തവ ഐ.പി.എസിനെ കുറ്റവിമുക്തനാക്കിയതിനും കേരള ഹൈക്കോടതി സി.ബി.ഐയെ വലിച്ചിഴച്ചു. അന്വേഷണത്തിന്റെ ഒരു ഘട്ടത്തിലും കരുണാകരന്റെ പേര് ഉയർന്നുവന്നില്ലെങ്കിലും, സ്വന്തം പാർട്ടിക്കാർ വേട്ടയാടിയതിനെത്തുടർന്ന് അദ്ദേഹത്തിന് മുഖ്യമന്ത്രി പദം പോലും ഉപേക്ഷിക്കേണ്ടിവന്നു.

കോൺഗ്രസിന്റെ എല്ലാമെല്ലാമായി കെ. കരുണാകരൻ വാഴുന്നൊരു കാലമുണ്ടായിരുന്നു കേരളത്തിൽ. പാർട്ടിക്കകത്തും പുറത്തും കരുണാകരന്റെ ഗരിമ കേരള രാഷ്ട്രീയം അംഗീകരിച്ചിരുന്ന കാലത്താണ് പാർട്ടിക്കകത്ത് കലാപമുണ്ടാക്കി ഉമ്മൻചാണ്ടി നേതൃത്വത്തിന്റെ ഒന്നാം നിരയിലേക്ക് കാലെടുത്ത് വെക്കുന്നത്. 1991ലാണ് കരുണാകരൻ ഒരു വശത്തും എ.കെ. ആന്റണി-ഉമ്മൻചാണ്ടി വിഭാഗം മറുഭാഗത്തുമായ ഗ്രൂപ്പ് പോര് പാരമ്യത്തിലെത്തുന്നത്.
1991ൽ കെ. കരുണാകരൻ മന്ത്രിസഭയിൽ ധനകാര്യ മന്ത്രിയായിരുന്നു ഉമ്മൻചാണ്ടി. അക്കാലത്താണ് കരുണാകരനെ ഏറെക്കാലം സംശയത്തിന്റെ നിഴലിൽ നിർത്തിയ സംസ്ഥാനത്തിന് 2.32 കോടി രൂപയുടെ നഷ്ടം വരുത്തിയ വിവാദമായ പാമോയിൽ ഇറക്കുമതി കരാർ ഒപ്പു വെച്ചത്.

ഗ്രൂപ്പ് വഴക്കിനൊടുവിൽ എം.എ. കുട്ടപ്പന് ലീഡർ കെ. കരുണാകരൻ രാജ്യസഭ സീറ്റ് നിഷേധിച്ചതിൽ പ്രതിഷേധിച്ച് കരുണാകരനോട്  യുദ്ധം പ്രഖ്യാപിച്ചുകൊണ്ട് 1994 ജൂൺ 16ന് ധനകാര്യമന്ത്രി സ്ഥാനം രാജിവെച്ചു. 1994-95 കാലത്ത് കുപ്രസിദ്ധമായ ഐ.എസ്.ആർ.ഒ ചാരക്കേസിൽ കെ.കരുണാകരനെതിരെ പട നയിക്കുന്നതിൽ മുന്നിൽ നിന്നു. ഒടുവിൽ 1995 മാർച്ച് 16ന് കെ.കരുണാകരൻ മുഖ്യമന്ത്രി സ്ഥാനത്ത് നിന്ന് രാജി വെയ്ക്കാനൊരുങ്ങി കിഴക്കേകോട്ടയിലെ ഗാന്ധി പാർക്കിൽ എത്തി. വന്നപാടെ ആരേയും ശ്രദ്ധിക്കാതെ സ്റ്റേജിലേക്ക് കയറി. അദ്ദേഹത്തെ പ്രസംഗത്തിനായി ക്ഷണിച്ചു.

രാഷ്ട്രീയ സദാചാരം മറന്നുള്ള കളികൾക്ക് മറുപടി നൽകണമെന്ന് കരുണാകരൻ നിശ്ചയിച്ചുറച്ചതുപോലെ ആയിരുന്നു പ്രസംഗം. ഫലത്തിൽ ആ യോഗം കരുണാകരന്റെ രാജി പ്രഖ്യാപനത്തിനുള്ള വേദിയാവുകയായിരുന്നു ചെയ്തത്. തന്റെ ജീവിതത്തിൽ തനിക്ക് ദൈവം ഒരു അനുഗ്രഹം നൽകിയിട്ടുണ്ട് എന്നും പ്രവർത്തകരോടുള്ള കടപ്പാടാണത് എന്നും അദ്ദേഹം പറഞ്ഞു. കരുണാകരനെന്നും ദൈവം കൂടുതൽ ശക്തി നൽകിയിട്ടുണ്ട് പ്രവർത്തകരിൽ ഒരാളായി ഇറങ്ങുമ്പോഴാണ് തനിക്ക് രാഷ്ട്രീയത്തിൽ കൂടുതൽ ആത്മസംതൃപ്തി കിട്ടിയിട്ടുള്ളതെന്ന് പറഞ്ഞുകൊണ്ടായിരുന്നു അദ്ദേഹത്തിന്റെ രാജി.

1967 മുതൽ താൻ വഹിച്ചിരുന്ന കോൺഗ്രസ് ലെജിസ്ലേച്ചർ പാർട്ടി (സി.എൽ.പി) നേതാവ് സ്ഥാനം ഉപേക്ഷിക്കാനും അദ്ദേഹം നിർബന്ധിതനായി. രാജ്യത്തെ ഏത് സംസ്ഥാനത്തും ആ പദവിയിൽ ഏറ്റവുമധികം കോൺഗ്രസ് നേതാക്കൾ. ഐ.എസ്.ആർ.ഒ കേസ് പിന്നീട് ഗൂഢാലോചന കേസായി ഉയർന്നുവന്നത് കരുണാകരനെ സംബന്ധിച്ചിടത്തോളം ദുരന്തമായിത്തീർന്നു.

2017ൽ എം.എം. ഹസൻ ഒരിക്കലൊരു പ്രസംഗത്തിൽ കുറ്റസമ്മതം നടത്തിയത് ഓർമ്മവരുന്നു.
1995ലെ ഐ.എസ്.ആർ.ഒ ചാരവൃത്തി അഴിമതിക്കേസിൽ അന്തരിച്ച കെ.കരുണാകരനെ മുഖ്യമന്ത്രി സ്ഥാനത്ത് നിന്ന് മാറ്റാനുള്ള മുൻ എ.കെ.ആന്റണി പക്ഷത്തിന്റെ കുതന്ത്രങ്ങൾക്ക് മാപ്പ് പറഞ്ഞ് കേരള പ്രദേശ് കോൺഗ്രസ് കമ്മിറ്റി പ്രസിഡന്റ് എം.എം. ഹസൻ ചെറിയ രാഷ്ട്രീയ കൊടുങ്കാറ്റുണ്ടാക്കിക്കളഞ്ഞു.

കരുണാകരനെ മുഖ്യമന്ത്രി സ്ഥാനത്ത് നിന്ന് നീക്കിയതിൽ ഖേദമുണ്ടെന്ന് അന്തരിച്ച മുഖ്യമന്ത്രിയുടെ ചരമവാർഷിക ദിനത്തിൽ ശനിയാഴ്ച തിരുവനന്തപുരത്തു നടത്തിയ യോഗത്തിൽ സംസാരിക്കവെയാണ് ഹസൻ ഇങ്ങനെ പറഞ്ഞത്.

''പഴയ തെറ്റുകൾ തിരിഞ്ഞു നോക്കുന്നതിൽ തെറ്റില്ല. കരുണാകരനെ മാറ്റണമെന്ന് ആവശ്യപ്പെട്ട് സജീവമായി പ്രചാരണം നടത്തിയവരിൽ ഞാനും ഉൾപ്പെടുന്നു. ഞാൻ തിരിഞ്ഞു നോക്കുമ്പോൾ, ഞങ്ങൾ അദ്ദേഹത്തോട് ചെയ്തത് ന്യായീകരിക്കാനാവില്ലെന്ന് ഞാൻ കരുതുന്നു'' ഹസൻ പറഞ്ഞു. കരുണാകരന് തന്റെ കാലാവധി പൂർത്തിയാക്കാൻ അവസരം നൽകണമായിരുന്നു. കരുണാകരന്റെ പുറത്താകൽ പാർട്ടിയെ പ്രതികൂലമായി ബാധിച്ചുവെന്ന് കൂടിപ്പറയാൻ ഹസൻ മടിച്ചില്ല.

മാധ്യമങ്ങൾ റിപ്പോർട്ട് ചെയ്തതുപോലെ കരുണാകരനെ രാജിവെക്കാൻ നിർബന്ധിച്ചത് ആന്റണിയല്ലെന്ന് കെ.പി.സി.സി പ്രസിഡന്റ് വെളിപ്പെടുത്തി. കരുണാകരന്റെ രാജി ആവശ്യപ്പെടരുതെന്ന് തന്നോടും ഉമ്മൻചാണ്ടിയോടും ആന്റണി പറഞ്ഞിരുന്നു. 'ലീഡറെ' പോകാൻ ആവശ്യപ്പെട്ടാൽ പാർട്ടിക്ക് നേരിടേണ്ടിവരുന്ന നാശത്തെക്കുറിച്ച് മുന്നറിയിപ്പ് നൽകിയ ആന്റണിയുടെ വാക്കുകൾ കേൾക്കാത്തതിൽ അദ്ദേഹം ഇപ്പോൾ ഖേദിക്കുന്നു.
പ്രധാനമന്ത്രിയായിരുന്ന പി.വി. നരസിംഹറാവുവിന്റെ നിർബന്ധം കൊണ്ടാണ് ആന്റണി മുഖ്യമന്ത്രിയായി അധികാരമേറ്റതെന്നും അദ്ദേഹം പറഞ്ഞു.

''ശ്രീ. കരുണാകരനെ ഒഴിവാക്കിയത് തെറ്റാണെന്നായിരുന്നു ആന്റണിയുടെ നിലപാട്. അതുകൊണ്ടാണ് 'ലീഡറെ' ഓർക്കുകയും അദ്ദേഹത്തിന്റെ സംഭാവനകളെ വാഴ്ത്തുകയും ചെയ്യുന്ന ഒരു സമയത്ത് എനിക്ക് ഇത് പറയണമെന്ന് തോന്നിയത്. ആന്റണി ഇക്കാര്യം ഞങ്ങളോട് തുറന്നു പറഞ്ഞിരുന്നു. നരസിംഹറാവു പ്രധാനമന്ത്രിയായിരുന്ന കാലത്ത് കരുണാകരനെ പുറത്താക്കണമെന്ന് ആവശ്യപ്പെട്ടത് കോൺഗ്രസ് ഹൈക്കമാൻഡ് 'ലീഡറോട്' രാജിവെക്കാൻ ആവശ്യപ്പെടുമെന്ന വിശ്വാസത്തിലാണ്,'' എന്ന് ഹസൻ പറയുകയും ചെയ്തു. ഈ വെളിപ്പെടുത്തൽ ആന്റണി ഗ്രൂപ്പ് ഒരിക്കലും പ്രതീക്ഷിച്ചിരുന്നതല്ല. അല്പസ്വല്പം ഒച്ചപ്പാടൊക്കെ ഉണ്ടായെങ്കിലും അതെല്ലാം സാവധാനം ആറിത്തണുക്കുകയായിരുന്നു.

(തുടരും)

ജോഷി ജോർജ്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്