അലബാമ: കാമുകിയുടെ 5 കുടുംബാംഗങ്ങളെ കൊലപ്പെടുത്തിയ പ്രതിയുടെ വധ ശിക്ഷ അലബാമയിൽ നടപ്പാക്കി. അർദ്ധരാത്രിയിൽ തന്റെ കാമുകിയുടെ അഞ്ച് കുടുംബാംഗങ്ങളെ കോടാലിയും തോക്കും ഉപയോഗിച്ച് കൂട്ടക്കൊല ചെയ്ത എട്ട് വർഷത്തിന് ശേഷം വ്യാഴാഴ്ചയാണ് അലബാമ ഡെറിക്ക് ഡിയർമാന്റെ (36)  വധ ശിക്ഷ നടപ്പാക്കിയത്.

2016 ഓഗസ്റ്റ് 20ന് രാത്രി മൊബൈൽ പ്രാന്തപ്രദേശമായ സിട്രോനെല്ലിൽ നടന്ന ആക്രമണത്തിൽ കാമുകിയുടെ സഹോദരൻ ജോസഫ് ടർണറെ കൊലപ്പെടുത്തിയ കേസിൽ ഡിയർമാൻ (36) ശിക്ഷിക്കപ്പെട്ടു. ടർണറുടെ ഭാര്യ ഷാനൻ റാൻഡൽ, റാൻഡലിന്റെ സഹോദരൻ റോബർട്ട് ബ്രൗൺ, കൂടാതെ റാൻഡലിന്റെ അനന്തരവൾ ചെൽസിറീഡ്, റീഡിന്റെ ഭർത്താവ് ജസ്റ്റിൻ, ദമ്പതികളുടെ ഗർഭസ്ഥ ശിശു എന്നിവരാന് കൊല്ലപ്പെട്ടത്.

വൈകുന്നേരം 6 മണിക്ക് മുമ്പാണ് വധശിക്ഷ ആരംഭിച്ചത്. മാരകമായ കോക്ടെയ്ൽ രണ്ടു ഐവി ലൈനുകളിലൂടെ സിരകളിലേക്ക് പ്രവേശിപ്പിച്ചു. ഡിയർമാന്റെ മരണം വൈകുന്നേരം 6:14 സ്ഥിരീകരിച്ചു.

ഈ വർഷം അലബാമയിൽ വധിക്കപ്പെട്ട അഞ്ചാമത്തെയും രാജ്യത്ത് ഇരുപതാമത്തെയും തടവുകാരനായിരുന്നു ഡിയർമാൻ. റോബർട്ട് ലെസ്ലി റോബർസണെ തന്റെ പിഞ്ചുകുഞ്ഞിന്റെ മരണത്തിന് തെറ്റായി ശിക്ഷിച്ചതായി തെളിവുകൾ ഉണ്ടായിരുന്നിട്ടും അദ്ദേഹത്തെ വധിക്കാൻ ടെക്‌സാസ് പദ്ധതിയിട്ട അതേ ദിവസം തന്നെ അദ്ദേഹത്തെ വധിക്കുകയും ചെയ്തു.

പി.പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്