ഹിപ്‌ഹോപ്പിന്റെ താളം മുതൽ എഫ് ക്വയറിന്റെ ഹാർമണികൾ വരെ, കെയ്‌ല മത്തായി ഫൈൻ ആർട്‌സ് സമൂഹത്തിൽ തന്റേതായ വ്യക്തിമുദ്ര പതിപ്പിച്ച് കഴിഞ്ഞു. ഡി ലാ ക്രൂ എന്ന നൃത്ത സംഘത്തിന്റെ സഹക്യാപ്ടനായും ഗായകസംഘ പരിപാടിയുടെ പ്രധാന അംഗമായും, കെയ്‌ല മത്തായി തന്റെ സ്‌കൂൾതലം മിന്നുന്ന പ്രകടനമാണ് കാഴ്ചവച്ചിരിക്കുന്നത്.  

കലകളോടുള്ള കെയ്‌ലയുടെ അഭിനിവേശം, പ്രതിബദ്ധത എന്നിവ എടുത്തുപറയേണ്ടതാണ്. ആദ്യസമയത്ത് സ്‌കൂൾതലത്തിൽ അവൾ മികവ് പുലർത്തിയിരുന്നത് ബാസ്‌കറ്റ്‌ബോൾ കളിയിലായിരുന്നു. പിന്നീട് ചെറുപ്പത്തിൽ ചെയ്തിരുന്ന പാട്ടിനോടും നൃത്തത്തോടുമുള്ള തന്റെ ഇഷ്ടം വീണ്ടും കണ്ടെത്തി ആ മേഖലയിലേയ്ക്ക് തിരിയുകയായിരുന്നു. സൗത്തിലെ ക്വയർ കമ്മ്യൂണിറ്റിയിൽ കെയ്‌ലയുടെ സ്വാധീനം വളരെ വലുതാണെന്ന് സീനിയറായ മാഡി ഉഹ്‌ലെമാൻ പറയുന്നു. തന്റെ സഹ ക്വയർ അംഗത്തെ, പ്രത്യേകിച്ച് ചെറിയ ക്ലാസുകാർക്ക്, ശക്തയും പ്രചോദനാത്മകവുമായ ഒരു റോൾ മോഡലായും, ഗ്രൂപ്പിൽ എപ്പോഴും ഊർജ്ജം പകർത്തുന്ന ഒരാളായും ഉഹ്‌ലെമാൻ വിശേഷിപ്പിക്കുന്നു.

കെയ്‌ല ശരിക്കും കഴിവുള്ള ഒരു ഗായികയാണ്. അതുപോലെ തന്നെ വളരെ പെട്ടെന്ന് പഠിക്കാൻ മിടുക്കുള്ള ആളുമാണ്. പാട്ടുകൾ പഠിക്കുമ്പോൾ തങ്ങളെ ഇത് സഹായിക്കുന്നു. അവൾ എല്ലായ്‌പ്പോഴും ഗായകസംഘത്തിലേക്ക് ഒരു പുഞ്ചിരിയോടെയാണ് വരുന്നത്. ഡി ലാ ക്രൂ ഡാൻസ് ടീമിന്റെ കോക്യാപ്ടൻ എന്ന നിലയിൽ, ഇപ്പോൾ അവരുടെ നൃത്തത്തിന്റെ കോറിയോഗ്രാഫിംഗും അവൾ ചെയ്യുന്നു എന്നത് അവളുടെ ഉത്തരവാദിത്തം ഒന്നുകൂടി വർധിപ്പിച്ചിരിക്കുകയാണ്.
കൂടാതെ അവരുടെ നൃത്തങ്ങൾക്കുള്ള സംഗീതം ചിട്ടപ്പെടുത്തൽ, അവരുടെ ടീമിന്റെ വസ്ത്രങ്ങൾ രൂപകൽപ്പന ചെയ്യൽ, പരിശീലനങ്ങൾക്ക് നേതൃത്വം നൽകൽ എന്നിവ ഇതിൽ ഉൾപ്പെടുന്നു. 

പുതുവർഷത്തിൽ ഫാൾ സ്‌പോർട്‌സ് അസംബ്ലിയിലും പെപ് റാലിയിലും താൻ ഡി ലാ ക്രൂ കണ്ടു, തനിക്ക് അവരെയും അവരുടെ ശൈലിയും ശരിക്കും ഇഷ്ടപ്പെട്ടുവെന്ന് കെയ്‌ല മത്തായി വ്യക്തമാക്കുന്നു. പുതുവർഷത്തിൽ, തന്റെ പിയർ ഗ്രൂപ്പ് ലീഡർ ടീമിലുണ്ടായിരുന്നു, അവർ തന്നോട് ഒന്ന് പരീക്ഷിച്ചുനോക്കാൻ പ്രോത്സാഹിപ്പിച്ചു. അങ്ങനെ താൻ ഇപ്പോൾ അതിൽ തുടരുന്നതിന്റെ കാരണം ഒരുതരത്തിൽ പറഞ്ഞാൽ അവളാണെന്നും കെയ്‌ല പറയുന്നു.

അവളുടെ കഴിവും സമർപ്പണവും മൂന്ന് വർഷത്തെ സ്‌പോൺസർ ജീവിതത്തിലെ അനുഭവത്തിൽ ഇതുവരെ കണ്ടിട്ടില്ലാത്തതാണെന്ന് നെസ്റ്റോസ് വ്യക്തമാക്കുന്നു. പോസിറ്റീവ് ആയിരിക്കുക, ഒരു നല്ല മാതൃക സൃഷ്ടിക്കുക എന്ന ഉദ്ദേശ്യത്തോടെയാണ് അവർ പരിശീലനങ്ങളിൽ പങ്കെടുക്കുന്നത്. ടീം അംഗങ്ങളെ അവർ ആയിരിക്കേണ്ട സ്ഥാനത്ത് എത്താൻ അക്ഷീണം സഹായിക്കുന്നു. ആത്മവിശ്വാസത്തോടെയും പൂർണ്ണമായ സമർപ്പണത്തോടെയും തന്റെ എല്ലാ ഉത്തരവാദിത്തങ്ങളും കാര്യക്ഷമമായി നിർവഹിക്കാനുള്ള അവളുടെ കഴിവ് ദീർഘകാലം മേഖലയിൽ നിലനിൽക്കുന്നതിനുള്ള ഒരു സ്വാധീനം ചെലുത്തിയിട്ടുണ്ട്. ഇത് അവരുടെ സ്വന്തം വളർച്ചയെ മാത്രമല്ല രൂപപ്പെടുത്തുന്നതെന്നും നെസ്റ്റോസ് പറയുന്നു.

ഡി ലാ ക്രൂവിന്റെ അടുത്ത നേതൃനിരയിൽ ആരായിരിക്കുമെന്ന് തനിക്ക് ഇതിനകം തന്നെ കാണാൻ കഴിയും. കാരണം ഈ വർഷം കെയ്‌ലയെ അതിന് തിരഞ്ഞെടുക്കാൻ മാത്രം അവർക്ക് ധാരാളം ഗുണങ്ങളുണ്ടെന്നും നെസ്റ്റോസ് വ്യക്തമാക്കുന്നു.

ഈ വർഷം ഗ്ലെൻവ്യൂ ഹൈസ്‌കൂളിൽ നിന്നും 12th ഗ്രേഡ് ഗ്രഡ്വേഷൻ ചെയ്യുന്ന കെയ്‌ലാ മത്തായി തുടർന്ന് പ്രീ മെഡിസിൻ പഠിക്കുന്നതിനായി പെൻസിൽവാനിയ സ്റ്റേറ്റ് യൂണിവേഴ്‌സിറ്റിയിൽ അഡ്മിഷൻ എടുത്തിരിക്കുകയാണ്.

ഷിക്കഗോ സബർബായ ഗ്ലെൻവ്യൂ സിറ്റിയിൽ താമസിക്കുന്ന എബി മത്തായി & ജെസീക്ക റോഷ്‌നി പിള്ളൈയുടെ മകളും മുൻ ഫൊക്കാന പ്രസിഡന്റ് മറിയാമ്മ പിള്ളയുടെയും ചന്ദ്രൻ പിള്ളയുടെയും കൊച്ചുമകളാണ് ഈ കൊച്ചുമിടുക്കി കെയ്‌ലാ മത്തായി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്