കൊച്ചി: ഈ വർഷത്തെ ലോക ഓട്ടിസം ബോധവൽക്കണ ദിനമായ ഏപ്രിൽ രണ്ടിന്റെ പ്രമേയമായ 'സെലബ്രേറ്റ് ഡിഫറൻസസ് ' എന്ന പശ്ചാത്തലത്തിലുള്ള മുഗ്ധ കൽറയുടെ പുസ്തകം ബെംഗളൂരുവിൽ നടത്തിയ ഇന്ത്യ ഇൻക്ലൂഷൻ, ഇന്ത്യൻ ന്യൂറോഡൈവേഴ്‌സിറ്റി ഉച്ചകോടിക്കിടെ പുറത്തിറക്കി. കുടുംബങ്ങൾക്കും വിദ്യാഭ്യാസ രംഗത്തുള്ളവർക്കും ജീവനക്കാർക്കും ഒരുപോലെ സഹായകമായ രീതിയിലാണ് ഐസീയു, ഐഗെറ്റ്‌യു: ദി സെൽഫ്‌കെയർ ഗൈഡ് ഫോർ സ്‌പെഷ്യൽ നീഡ്‌സ് പാരന്റ്‌സ് 'എന്ന പുസ്തകം മുഗ്ധ കൽറ അവതരിപ്പിച്ചിരിക്കുന്നത്. 

ഓട്ടിസം ബാധിച്ച വ്യക്തികൾക്കും അവരുടെ കുടുംബങ്ങൾക്കും ആവശ്യമായ രീതിയിൽ സാമൂഹിക ഇടപെടലുകൾ ആഴത്തിൽ നടത്തുന്നതിനെ കുറിച്ച് അവബോധം വളർത്തുന്ന രീതിയിലാണ് ഐക്യരാഷ്ട സഭയുടെ അംഗീകാരത്തോടെ ഏപ്രിൽ രണ്ടിന് ലോക ഓട്ടിസം ദിനം ആചരിക്കുന്നത്.  

ന്യൂറോഡൈവേർജന്റ് ആയ കുട്ടികളുടെ മാതാപിതാക്കൾ, പ്രത്യേകിച്ച് ഇന്ത്യയിലുള്ളവർ, നേരിടുന്ന വൈകാരികവും സാമ്പത്തികവും സാമൂഹികവുമായ വെല്ലുവിളികളെ കുറിച്ച് നേരിട്ടു പറയുന്നതാണ് ഈ പുസ്തകം. പ്രായോഗികമായ രീതികളും ഉൾക്കാഴ്ചകളും സംയോജിപ്പിച്ചുള്ള ഈ പുസ്തകം പരിചരണം കൊടുക്കുന്ന ആളുകളെ പ്രോൽസാഹിപ്പിക്കുകയും അവരുടെ ജീവിതവും കുട്ടികൾക്കുള്ള മെച്ചപ്പെട്ട പിന്തുണയും സംബന്ധിച്ച കാര്യങ്ങളിൽ പ്രോത്‌സാഹനം നൽകുകയും ചെയ്യുന്നു. 

ഈ മേഖലയിൽ മാറ്റങ്ങൾ വരുത്താനാവും വിധം കോർപറേറ്റ് നയങ്ങളിൽ ഉണ്ടാകേണ്ട മാറ്റങ്ങളും പുസ്തകം ചൂണ്ടിക്കാട്ടുന്നു. 2014ൽ മകന് ഓട്ടിസം നിർണയിക്കപ്പെട്ടതിനു ശേഷം മുഗ്ധ കൽറ ഈ രംഗത്ത് ഉൾപ്പെടുത്തൽ പ്രോത്‌സാഹിപ്പിക്കാനായുള്ള പരിശ്രമങ്ങൾ ആരംഭിക്കുകയായിരുന്നു.

അവാർഡ് നേടിയ ഒരു ബ്രോഡ്കാസ്റ്റ് ജേണലിസ്റ്റും, ബിബിസി 100 വുമൺ 2021 പുരസ്‌കാര ജേതാവും, നോട്ട് ദാറ്റ് ഡിഫറെന്റിന്റെ സഹസ്ഥാപകയുമാണ് മുഗ്ധ കൽറ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്