തെറ്റ് പറ്റിയെന്ന് എഡിഎം നവീൻ ബാബു പറഞ്ഞിട്ടുണ്ട്: തൻറെ മൊഴി പൂർണ്ണമായി പുറത്തുവന്നിട്ടില്ലെന്ന് കളക്ടർ അരുൺ കെ വിജയൻ

OCTOBER 30, 2024, 11:12 AM

കണ്ണൂർ: തെറ്റ് പറ്റിയെന്ന് എഡിഎം നവീൻ ബാബു പറഞ്ഞിട്ടുണ്ടെന്ന് കണ്ണൂർ കളക്ടർ അരുൺ കെ വിജയൻ. തൻറെ മൊഴി പൂർണ്ണമായി പുറത്തുവന്നിട്ടില്ലെന്നും അരുൺ കെ വിജയൻ മാധ്യമങ്ങളോട് പറഞ്ഞു.

നവീൻ ബാബുവിന്റെ യാത്രയയപ്പ് ചടങ്ങിലേക്ക് ദിവ്യയെ ക്ഷണിച്ചിട്ടില്ലെന്നും അരുൺ കെ വിജയൻ ആവർത്തിച്ചു.

ജാമ്യ ഹർജിയിൽ പുതിയ വാദങ്ങളുമായി പിപി ദിവ്യ

കോടതിവിധിയിൽ വന്ന മൊഴി നിഷേധിക്കുന്നില്ല. ലാൻഡ് റവന്യൂ ജോയിൻ കമ്മീഷണർക്ക് നൽകിയ മൊഴിയും സമാനമാണ്. എട്ട് മാസം എൻ്റെ കൂടെയുണ്ടായിരുന്ന ഉദ്യോഗസ്ഥനാണ് നവീൻ ബാബു.

കുടുംബത്തിന് കൊടുത്ത കത്തിലുള്ള കാര്യത്തിൽ തന്നെ ഉറച്ചുനിൽക്കുന്നുവെന്നും അരുൺ കെ വിജയൻ പറഞ്ഞു. കുടുംബത്തിൻറെ ആരോപണങ്ങളും അന്വേഷിക്കട്ടെയെന്നും അവധി അപേക്ഷ നീട്ടി എന്ന ആരോപണങ്ങളെല്ലാം അന്വേഷിക്കാമെന്നും ജില്ലാ കളക്ടർ കൂട്ടിച്ചേർത്തു.