ഡൽഹി: മിനിമം കൂലി ഉറപ്പാക്കണമെന്നും തൊഴിൽ ചൂഷണം അവസാനിപ്പിക്കണമെന്നും ആവശ്യപ്പെട്ട് ആപ്പ് അധിഷ്ഠിത ടാക്സി, ഓട്ടോ ഡ്രൈവർമാരും ഡെലിവറി തൊഴിലാളികളും രാജ്യവ്യാപക പണിമുടക്കിന് ഒരുങ്ങുന്നതായി റിപ്പോർട്ട്. “ഓൾ ഇന്ത്യ ബ്രേക്ക്‌ഡൗൺ” എന്ന പേരിലാണ് ശനിയാഴ്ച സമരം സംഘടിപ്പിക്കുന്നത്. ഓല, ഉബർ, റാപ്പിഡോ, പോർട്ടർ ഉൾപ്പെടെയുള്ള വിവിധ പ്ലാറ്റ്‌ഫോമുകളിലെ തൊഴിലാളികൾ സമരത്തിൽ പങ്കെടുക്കുമെന്ന് സംഘടനകൾ അറിയിച്ചു.

2025-ലെ മോട്ടോർ വെഹിക്കിൾ അഗ്രഗേറ്റർ മാർഗ്ഗനിർദ്ദേശങ്ങൾ കൃത്യമായി നടപ്പിലാക്കാത്തതിനാൽ കമ്പനികൾ ഏകപക്ഷീയമായി കുറഞ്ഞ നിരക്കുകൾ നിശ്ചയിക്കുന്നുവെന്നാണ് തൊഴിലാളികളുടെ പ്രധാന പരാതി. ഇതുമൂലം ഡ്രൈവർമാരുടെ വരുമാനം ഗണ്യമായി കുറഞ്ഞതായി അവർ ചൂണ്ടിക്കാട്ടുന്നു. സുരക്ഷാ സംവിധാനങ്ങളുടെ പേരിൽ അധിക സാമ്പത്തിക ബാധ്യതയും തൊഴിലാളികൾ നേരിടുന്നുവെന്നാണ് ആരോപണം.

നിയമപരമായ നിയന്ത്രണങ്ങളില്ലാതെ പ്രവർത്തിക്കുന്ന ചില സേവനങ്ങൾ ഡ്രൈവർമാരുടെ ഉപജീവനത്തെ ബാധിക്കുന്നുവെന്നും അപകടങ്ങൾ സംഭവിച്ചാൽ ആവശ്യമായ സംരക്ഷണം ലഭിക്കുന്നില്ലെന്നും സംഘടനകൾ പറയുന്നു. സമരത്തിന് മുന്നോടിയായി തൊഴിലാളി പ്രതിനിധികൾ വിവിധ നേതാക്കളുമായി കൂടിക്കാഴ്ച നടത്തി പ്രശ്നങ്ങൾ പരിഹരിക്കാൻ നിയമപരമായ ഇടപെടൽ വേണമെന്ന് ആവശ്യപ്പെട്ടു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്