ബെംഗളൂരു: ഐടി നഗരമായ ബെംഗളൂരുവിനെ വിനോദസഞ്ചാര കേന്ദ്രമായ ഗോവയുമായി ബന്ധിപ്പിച്ചുകൊണ്ട് പുതിയ വന്ദേ ഭാരത് എക്സ്പ്രസ് സർവ്വീസ് ആരംഭിക്കാൻ റെയിൽവേ മന്ത്രാലയം. ബെംഗളൂരുവിലെ യശ്വന്ത്പൂരിൽ നിന്ന് ഗോവയിലെ മഡ്ഗാവിലേക്ക് മംഗളൂരു തീരദേശ മേഖല വഴി വെറും 13 മണിക്കൂർ കൊണ്ട് ട്രെയിൻ എത്തിച്ചേരും. ഈ റൂട്ടിൽ നിലവിലുള്ള യാത്രാ സമയം ഗണ്യമായി കുറയ്ക്കാൻ ഇതിലൂടെ സാധിക്കും.

പുതിയ നിർദ്ദേശപ്രകാരം രാവിലെ 6:05-ന് യശ്വന്ത്പൂരിൽ നിന്ന് പുറപ്പെടുന്ന ട്രെയിൻ വൈകുന്നേരം 7:15-ന് മഡ്ഗാവിലെത്തും. തിരിച്ച് മഡ്ഗാവിലെ മർഗാവില് നിന്ന് പുലർച്ചെ 5:30-ന് പുറപ്പെട്ട് വൈകുന്നേരം 6:40-ന് യശ്വന്ത്പൂരിലെത്തും. സമയം ലാഭിക്കുന്നതിനായി മംഗളൂരു ജംഗ്ഷൻ, മംഗളൂരു സെൻട്രൽ സ്റ്റേഷനുകൾ ഒഴിവാക്കി പാടിൽ ബൈപാസ് വഴിയായിരിക്കും ട്രെയിൻ സർവ്വീസ് നടത്തുക.

ട്രെയിനിന്റെ വേഗത വർദ്ധിപ്പിക്കുന്നതിനായി ചിക്കബാനാവര മുതൽ ഹസൻ വരെയുള്ള വേഗത 110 കിലോമീറ്ററിൽ നിന്ന് 130 കിലോമീറ്ററായും, സക്ലേഷ്പൂർ-സുബ്രഹ്മണ്യ റോഡ് ഘട്ട് സെക്ഷനിലെ വേഗത 30-ൽ നിന്ന് 40 കിലോമീറ്ററായും ഉയർത്താൻ സൗത്ത് വെസ്റ്റേൺ റെയിൽവേ പദ്ധതിയിടുന്നുണ്ട്.

ഇതിനിടെ, ഗുജറാത്തിലെ അസർവയെയും (അഹമ്മദാബാദ്) രാജസ്ഥാനിലെ ഉദയ്പൂരിനെയും ബന്ധിപ്പിക്കുന്ന മറ്റൊരു വന്ദേ ഭാരത് എക്സ്പ്രസ് ഫെബ്രുവരി 16-ന് ഉദ്ഘാടനം ചെയ്യുകയും ഫെബ്രുവരി 18 മുതൽ വാണിജ്യ സർവ്വീസ് ആരംഭിക്കുകയും ചെയ്തിരുന്നു.

റീക്ലൈനിംഗ് സീറ്റുകൾ, ഓട്ടോമാറ്റിക് ഡോറുകൾ, സിസിടിവി ക്യാമറകൾ, ബയോ ടോയ്‌ലറ്റുകൾ തുടങ്ങി അത്യാധുനിക സൗകര്യങ്ങളുമായാണ് വന്ദേ ഭാരത് എക്സ്പ്രസ് എത്തുന്നത്. തീരദേശ കർണാടകയിലൂടെയുള്ള ഈ യാത്ര വിനോദസഞ്ചാര മേഖലയ്ക്കും വലിയ ഉണർവ് നൽകുമെന്നാണ് പ്രതീക്ഷിക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്