ടെഹ്‌റാന്‍: യു.എസും ഇറാനും തമ്മിലുള്ള സൈനിക സംഘര്‍ഷം കൂടുതല്‍ രൂക്ഷമാകുന്നു. പേര്‍ഷ്യന്‍ ഉള്‍ക്കടലിലും ഒമാന്‍ ഉള്‍ക്കടലിലും യു.എസ് ഏര്‍പ്പെടുത്തിയ നാവിക ഉപരോധം ലംഘിക്കാന്‍ ശ്രമിച്ച എണ്ണക്കപ്പലിന് നേരെ യു.എസ് സൈന്യം വെടിയുതിര്‍ത്തു. എം/വി ഹുദ എന്ന ചരക്കുകപ്പലിന്റെ പിന്‍ഭാഗത്തേക്ക് യു.എസ് വിമാനം വെടിവെച്ച് കപ്പലിന്റെ പ്രവര്‍ത്തനം പൂര്‍ണ്ണമായും തടസ്സപ്പെടുത്തുകയായിരുന്നു. ഉപരോധം ആരംഭിച്ചതിന് ശേഷം യു.എസ് സെന്‍ട്രല്‍ കമാന്‍ഡ് തകരാറിലാക്കുന്ന പതിനൊന്നാമത്തെ കപ്പലാണിത്. കൂടാതെ, ഇറാന്‍ കരമാര്‍ഗ്ഗം ആധുനിക ആയുധങ്ങള്‍ കടത്തുന്നത് തടയാന്‍ ടാസ്‌ക് ഫോഴ്‌സ് അയണ്‍ ഗേറ്റ് എന്ന പേരില്‍ ഇരുപതംഗ പ്രത്യേക സംഘത്തെ യു.എസ് നിയോഗിച്ചിട്ടുമുണ്ട്.
ഇതിനിടെ ഹോര്‍മൂസ് കടലിടുക്കിന്റെ കിഴക്കന്‍ മേഖലയില്‍ മൈനുകളില്‍ തട്ടി രണ്ട് എണ്ണക്കപ്പലുകള്‍ പൊട്ടിത്തെറിച്ച് തീപിടിച്ചതായി ഇസ്ലാമിക് റെവല്യൂഷണറി ഗാര്‍ഡ് കോര്‍പ്‌സ് നാവികസേന പ്രസ്താവിച്ചു. നിര്‍ദ്ദേശിച്ച വഴിയിലൂടെയല്ലാതെ സഞ്ചരിച്ചതും നാവിഗേഷന്‍ സംവിധാനങ്ങള്‍ ഓഫ് ചെയ്തതുമാണ് അപകടത്തിന് കാരണമായതെന്ന് ഇറാന്‍ ആരോപിക്കുന്നു. തന്ത്രപ്രധാനമായ ഹോര്‍മൂസ് കടലിടുക്കിന്റെ പൂര്‍ണ്ണ നിയന്ത്രണം തങ്ങള്‍ക്കാണെന്ന് ഇറാന്‍ വാദിക്കുമ്പോള്‍, തങ്ങളുടെ നാവിക ഉപരോധം ശക്തമായി തുടരുമെന്നാണ് യു.എസ് വ്യക്തമാക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261108010307.jpg)
-20261108125436.jpg)
-20261108124214.jpg)
-20261108123647.jpg)
-20261108122755.jpg)
