യുണൈറ്റഡ് കിംഗ്ഡം സർക്കാർ ഷാഗൊസ് ദ്വീപുകൾ സംബന്ധിച്ച കരാർ താൽക്കാലികമായി നിർത്തിവെച്ചിട്ടില്ലെന്ന് വ്യക്തമാക്കി. ഇതിനു മുൻപ് ഒരു മിനിസ്റ്റർ എംപിമാരോട് നിയമനിർമ്മാണ നടപടികൾ “താൽക്കാലികമായി നിർത്തിവെക്കുന്നു” എന്ന് പറഞ്ഞിരുന്നതായി റിപ്പോർട്ടുകൾ പുറത്തു വന്നിരുന്നു.

എന്നാൽ “ഇടവേളയില്ല. നിശ്ചിത സമയപരിധി നാം ഒരിക്കലും പ്രഖ്യാപിച്ചിട്ടില്ല. സമയക്രമം സാധാരണ രീതിയിൽ അറിയിക്കും” എന്നാണ് സർക്കാർ വൃത്തങ്ങൾ വ്യക്തമാക്കുന്നത്. ഫോറിൻ ഓഫീസ് മിനിസ്റ്റർ  ഹാമിഷ് ഫാൽകോണർ എംപിമാരുടെ ചോദ്യങ്ങൾക്ക് മറുപടി നൽകുമ്പോഴാണ് അമേരിക്കയുമായി ചർച്ചകൾ നടക്കുന്നതിനാൽ പ്രക്രിയ താത്കാലികമായി നിർത്തിവച്ചിരിക്കുകയാണ് എന്ന് പറഞ്ഞത്.

ഇത് ഡൊണാൾഡ് ട്രംപ് കഴിഞ്ഞ ആഴ്ച പ്രധാനമന്ത്രി കെയർ സ്റ്റാർമെറിനോട് കരാർ റദ്ദാക്കണമെന്ന് ആവശ്യപ്പെട്ടതിനെത്തുടർന്നാണ് ഇത് എന്നാണ് ലഭിക്കുന്ന വിവരം. മുൻപ് അമേരിക്ക ഈ കരാറിന് പിന്തുണ നൽകിയിരുന്നുവെങ്കിലും, പിന്നീട് ട്രംപ് അഭിപ്രായം മാറ്റുകയായിരുന്നു എന്നാണ് ലഭിക്കുന്ന റിപ്പോർട്ട്.

ഷാഗൊസ് ദ്വീപുകൾ എന്താണ്?

ഷാഗൊസ് ദ്വീപുകൾ (അധികൃതമായി British Indian Ocean Territory) ഇന്ത്യൻ മഹാസമുദ്രത്തിലാണ് സ്ഥിതി ചെയ്യുന്നത്. 19-ാം നൂറ്റാണ്ട് മുതൽ ബ്രിട്ടൻ ഇവ നിയന്ത്രിച്ചു വരുന്നു.

കരാർ പ്രകാരം:

യുകെ ഈ ദ്വീപുകളുടെ പരമാധികാരം Mauritius ന് കൈമാറും.ഏറ്റവും വലിയ ദ്വീപായ Diego Garciaയിലെ യുകെ-അമേരിക്ക സംയുക്ത സൈനിക താവളം 99 വർഷത്തേക്ക് ലീസ് അടിസ്ഥാനത്തിൽ നിലനിർത്താൻ പ്രതിവർഷം ശരാശരി £101 മില്യൺ നൽകും.

പാർലമെന്റിലെ സ്ഥിതി

കരാറിനെ യുകെ നിയമമായി അംഗീകരിക്കാൻ നിയമം പാർലമെന്റിലൂടെ കടന്നുപോകുകയാണ്. ഇപ്പോൾ അത് House of Lords ൽ അവസാന ഘട്ടത്തിലാണ്.ജനുവരിയിൽ, കരാറിനെ എതിർക്കുന്ന കൺസർവേറ്റീവ് പാർട്ടി ഭേദഗതി അവതരിപ്പിച്ചതിനെ തുടർന്ന് ബിൽ ചര്‍ച്ച മാറ്റിവെച്ചിരുന്നു.Stephen Doughty കരാറിനെ പിന്തുണച്ച്, കൺസർവേറ്റീവ് അംഗങ്ങൾ “പാർലമെന്ററി സ്റ്റണ്ട്” ഉപയോഗിച്ച് നിയമം തടയാൻ ശ്രമിക്കുന്നുവെന്ന് ആരോപിച്ചു.

അമേരിക്കയുടെ നിലപാട്

ട്രംപ് തന്റെ സോഷ്യൽ മീഡിയ പ്ലാറ്റ്‌ഫോമായ Truth Social ൽ “Diego Garcia യുകെയിൽ നിന്ന് എടുത്തുകൊടുക്കരുത്” എന്ന് ആവശ്യപ്പെട്ടു.എന്നാൽ അതിനു മുൻപ് US Department of State യുകെയുടെ പദ്ധതിക്ക് ഔദ്യോഗിക പിന്തുണ നൽകിയിരുന്നു.

പ്രതിപക്ഷത്തിന്റെ എതിർപ്പ്

1960-കളിൽ Diego Garcia സൈനിക താവളം നിർമ്മിക്കാനായി ചാഗോസ് സ്വദേശികളെ പുറത്താക്കുകയായിരുന്നു.

കരാറിനെതിരെ കൺസർവേറ്റീവ് പാർട്ടി “ചരിത്രപരമായോ സാംസ്കാരികമായോ Mauritius ന് അവകാശമില്ല” എന്ന് പ്രതികരിച്ചു. “ഈ കരാർ ബ്രിട്ടനെ ദുർബലവും ദരിദ്രവും അസുരക്ഷിതവുമാക്കും. ഇത് നിയമപരമായ നിർബന്ധമല്ല; രാഷ്ട്രീയ തീരുമാനമാണ്” എന്ന് ഷാഡോ ഫോറിൻ മിനിസ്റ്റർ വെൻഡി മോർട്ടൺ അഭിപ്രായപ്പെട്ടു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്