ടോക്കിയോ: ഗൾഫ് മേഖലയിൽ യുഎസ്-ഇറാൻ യുദ്ധം കടുക്കുന്നതോടെ ആഗോള വിപണിയിൽ അസംസ്‌കൃത എണ്ണവില കുതിച്ചുയരുന്നു. തന്ത്രപ്രധാനമായ ഹോർമുസ് കടലിടുക്ക് (Strait of Hormuz) തുടർച്ചയായി അടഞ്ഞു കിടക്കുന്നത് മിഡിൽ ഈസ്റ്റിൽ നിന്നുള്ള എണ്ണ, വാതക നീക്കത്തെ പൂർണ്ണമായും തടസ്സപ്പെടുത്തിയതാണ് വിലവർദ്ധനവിന് കാരണം.

വ്യാഴാഴ്ച രാവിലെ ബ്രെന്റ് ക്രൂഡ് വില ബാരലിന് 1.67 ഡോളർ (2.05%) വർദ്ധിച്ച് 83.07 ഡോളറിലെത്തി. യുഎസ് വെസ്റ്റ് ടെക്സസ് ഇന്റർമീഡിയറ്റ് (WTI) ക്രൂഡ് വില 1.94 ഡോളർ (2.60%) ഉയർന്ന് 76.60 ഡോളറിലുമെത്തി.

ശ്രീലങ്കൻ തീരത്ത് ഇറാനിയൻ യുദ്ധക്കപ്പലിന് നേരെ അമേരിക്ക നടത്തിയ ആക്രമണത്തോടെ യുദ്ധം കൂടുതൽ മേഖലകളിലേക്ക് വ്യാപിച്ചിരിക്കുകയാണ്. ഇറാനെതിരെയുള്ള സൈനിക നടപടികൾ തുടരാൻ യുഎസ് സെനറ്റിലെ റിപ്പബ്ലിക്കൻ അംഗങ്ങൾ പ്രസിഡന്റ് ട്രംപിന് പിന്തുണ പ്രഖ്യാപിച്ചു.

കയറ്റുമതി മാർഗ്ഗങ്ങൾ അടഞ്ഞതോടെ ഒപെക് (OPEC) രാജ്യമായ ഇറാഖ് പ്രതിദിനം 15 ലക്ഷം ബാരൽ എണ്ണ ഉൽപ്പാദനം വെട്ടിക്കുറച്ചു. ഖത്തറാകട്ടെ തങ്ങളുടെ ഗ്യാസ് കയറ്റുമതിയിൽ ഫോഴ്സ് മജ്യൂർ (Force Majeure) പ്രഖ്യാപിച്ചു. ഉൽപ്പാദനം സാധാരണ നിലയിലാകാൻ ഒരു മാസമെങ്കിലും എടുത്തേക്കും.

ലോകത്തെ ആകെ ഊർജ്ജ ഉപഭോഗത്തിന്റെ അഞ്ചിലൊന്ന് കടന്നുപോകുന്ന ഹോർമുസ് കടലിടുക്കിലൂടെയുള്ള ഗതാഗതം തുടർച്ചയായ അഞ്ചാം ദിവസവും തടസ്സപ്പെട്ടിരിക്കുകയാണ്. ഏകദേശം 329 എണ്ണക്കപ്പലുകൾ പേർഷ്യൻ ഗൾഫിൽ കുടുങ്ങിക്കിടക്കുന്നതായാണ് ജെ.പി. മോർഗന്റെ കണക്ക്.

കുവൈറ്റ് തീരത്തിന് സമീപം നങ്കൂരമിട്ടിരുന്ന ടാങ്കറിന് സമീപം വൻ സ്ഫോടനം നടന്നതായി ബ്രിട്ടീഷ് മാരിടൈം ഏജൻസി റിപ്പോർട്ട് ചെയ്തു. ഇത് സമുദ്രപാതയിലെ അപകടസാധ്യത ഇരട്ടിയാക്കിയിട്ടുണ്ട്. സൗദി അറേബ്യ, യുഎഇ, ഖത്തർ ഉൾപ്പെടെയുള്ള ഗൾഫ് സഹകരണ കൗൺസിൽ (GCC) രാജ്യങ്ങളിലെ എണ്ണ സംഭരണ ശേഷിയും വർദ്ധിച്ചുവരുന്ന വിലയും യുഎസ് സൈനിക നീക്കത്തിന്റെ ദൈർഘ്യത്തെ സ്വാധീനിച്ചേക്കാമെന്നും സാമ്പത്തിക വിദഗ്ധർ വിലയിരുത്തുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്