-20260320091950.jfif)
ദുബായ്: പശ്ചിമേഷ്യയിൽ യുദ്ധം ശക്തമായി തുടരുന്നതിനിടെ ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സ് (ഐആർജിസി) വക്താവ് ജനറൽ അലി മുഹമ്മദ് നൈനി കൊല്ലപ്പെട്ടതായി ഇറാൻ ഔദ്യോഗിക ടെലിവിഷൻ റിപ്പോർട്ട് ചെയ്തു. ഇന്ന് പുലർച്ചെ അമേരിക്കയും ഇസ്രായേൽയും സംയുക്തമായി നടത്തിയ വ്യോമാക്രമണത്തിലാണ് മരണമെന്നാണ് വിവരം.
ഇറാനിൽ പേർഷ്യൻ പുതുവർഷമായ നൗറൂസ് ആഘോഷിക്കുന്നതിനിടെയാണ് ആക്രമണം നടന്നത്. കൊല്ലപ്പെടുന്നതിന് തൊട്ടുമുമ്പ് ബെഞ്ചമിൻ നെതന്യാഹുയെ വെല്ലുവിളിച്ച് നൈനി പ്രസ്താവന നടത്തിയിരുന്നു. ഇറാന്റെ മിസൈൽ ശേഷി തകർന്നുവെന്ന ഇസ്രായേൽ അവകാശവാദം അദ്ദേഹം തള്ളിക്കളഞ്ഞിരുന്നു. രാജ്യത്തിന് ഇപ്പോഴും ശക്തമായ മിസൈൽ നിർമ്മാണ ശേഷിയുണ്ടെന്ന് നൈനി ആവർത്തിച്ചിരുന്നു.
അമേരിക്കൻ കപ്പലുകളെ പേർഷ്യൻ ഗൾഫിലേക്ക് അയക്കാൻ ധൈര്യമുണ്ടോ എന്ന് ഡൊണാൾഡ് ട്രംപ്നെ വെല്ലുവിളിച്ചതിന് പിന്നാലെയാണ് ആക്രമണം നടന്നത്.
അതേസമയം ഫെബ്രുവരി 28ന് ആരംഭിച്ച യുദ്ധത്തിന് ശേഷം ഇറാന്റെ സൈനിക-രാഷ്ട്രീയ നേതൃത്വത്തിൽ കൊല്ലപ്പെടുന്നവരുടെ നിരയിൽ ഒടുവിലത്തെയാളാണ് നൈനി. ഇതിനുമുമ്പ് ഇറാന്റെ രഹസ്യാന്വേഷണ മന്ത്രി ഇസ്മായിൽ ഖത്തീബ്, മുതിർന്ന സുരക്ഷാ ഉദ്യോഗസ്ഥൻ അലി ലാരിജാനി, ബാസിജ് സേനാ തലവൻ ജനറൽ ഗുലാം റെസ സുലൈമാനി എന്നിവരും ഇസ്രായേൽ ആക്രമണങ്ങളിൽ കൊല്ലപ്പെട്ടിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260319074632.jfif)
1-20260319072825.jpg)
-20250409094740.jpg)
