ബോട്സ്വാനയിൽ നിന്ന് ഇന്ത്യയിലേക്ക് ചീറ്റകളെ എത്തിക്കും

NOVEMBER 12, 2025, 7:45 AM

ഗാബറോൺ : ആഫ്രിക്കൻ രാജ്യമായ ബോട്സ്വാനയിൽ നിന്ന് എട്ട് ചീറ്റകളെ ഇന്ത്യയിലേക്ക് എത്തിക്കും. പ്രൊജക്ട് ചീറ്റയുടെ ഭാഗമായാണ് ബോട്സ്വാനയിൽ നിന്ന് രാജ്യത്തേക്ക് ചീറ്റകളെ എത്തിക്കുന്നത്.

പ്രസിഡന്റ് ദ്രൗപതി മുർമുവിന്റെ ഔദ്യോഗിക സന്ദർശന വേളയിലാണ് പ്രഖ്യാപനം. ബോട്സ്വാനയിലെ ജനങ്ങൾക്കും പ്രസിഡന്റ് ഡുമ ഗിഡിയൻ ബോക്കോയ്ക്കും നന്ദി പറഞ്ഞ പ്രസിഡന്റ്, ചീറ്റകളെ നന്നായി പരിപാലിക്കുമെന്നും ഉറപ്പുനൽകി.

മൂന്ന് ദിവസത്തെ ഔദ്യോഗിക സന്ദർശനത്തിനായി ചൊവ്വാഴ്ചയാണ് പ്രസിഡന്റ് ബോട്സ്വാനയിലെത്തിയത്. ദക്ഷിണാഫ്രിക്കൻ രാജ്യത്ത് ഒരു ഇന്ത്യൻ രാഷ്ട്രപതി നടത്തുന്ന ആദ്യ സന്ദർശനമാണിത്.