മോസ്കോ: റഷ്യയിലെ ഉഫ നഗരത്തിൽ നടന്ന ആക്രമണത്തിൽ നാല് ഇന്ത്യൻ വിദ്യാർത്ഥികൾ ഉൾപ്പെടെ നിരവധി പേർക്ക് പരിക്കേറ്റതായി മോസ്കോയിലുള്ള ഇന്ത്യൻ എംബസി അറിയിച്ചു. എക്സിൽ (X) പങ്കുവച്ച കുറിപ്പിലൂടെയാണ് എംബസി വിവരം അറിയിച്ചത്.സംഭവത്തിൽ രണ്ട് പൊലീസ് ഉദ്യോഗസ്ഥർക്കും പരിക്കേറ്റതായി പ്രാദേശിക മാധ്യമങ്ങൾ അറിയിച്ചു.
“ഉഫയിൽ ദൗർഭാഗ്യകരമായ ആക്രമണ സംഭവം നടന്നിട്ടുണ്ട്. നാല് ഇന്ത്യൻ വിദ്യാർത്ഥികൾ ഉൾപ്പെടെ നിരവധി പേർക്ക് പരിക്കേറ്റിട്ടുണ്ട്. അധികൃതരുമായി എംബസി ബന്ധപ്പെട്ടിട്ടുണ്ട്. പരിക്കേറ്റ വിദ്യാർത്ഥികൾക്ക് സഹായം നൽകുന്നതിനായി കാസാനിലെ കോൺസുലേറ്റിലെ ഉദ്യോഗസ്ഥർ ഉഫയിലേക്കുള്ള യാത്രയിലാണ്,” എന്നുമാണ് ഇന്ത്യൻ എംബസി അറിയിച്ചത്.
പ്രാഥമിക റിപ്പോർട്ടുകൾ പ്രകാരം, കത്തി കൈവശം ഉണ്ടായിരുന്ന ഒരു കൗമാരക്കാരൻ ഉഫയിലെ സ്റ്റേറ്റ് മെഡിക്കൽ സർവകലാശാലയിൽ കടന്നുകയറി നിരവധി വിദ്യാർത്ഥികളെ കുത്തിയതായാണ് വാർത്താ ഏജൻസി പി.ടി.ഐ റിപ്പോർട്ട് ചെയ്യുന്നത്.
ആക്രമണത്തിന് ശേഷം പ്രതിയെ കസ്റ്റഡിയിലെടുത്തതായി അധികൃതർ അറിയിച്ചു. ഇരകൾക്കും അക്രമിക്കും എത്രത്തോളം പരിക്കേറ്റിട്ടുണ്ടെന്ന് വ്യക്തമല്ല. സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്, നിലവിൽ അന്വേഷണ സമിതി അന്വേഷണം നടത്തിവരികയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260322083142.jpg)
-20260322082015.jpg)
-20260322064835.jpg)
-20260322063548.jpg)
-20260321044559.jfif)
-20260317114153.jpg)
