ഒട്ടാവ: കാനഡയും അമേരിക്കയും തമ്മിലുള്ള വ്യാപാര നികുതി തര്ക്കങ്ങള് പരിഹരിക്കാനുള്ള നിര്ണായക ശ്രമങ്ങളുടെ ഭാഗമായി, യു.എസ് ഉല്പ്പന്നങ്ങള്ക്കും മദ്യത്തിനും ഏര്പ്പെടുത്തിയിരുന്ന പ്രവിശ്യാതല വിലക്കുകള് പിന്വലിക്കാന് കനേഡിയന് പ്രധാനമന്ത്രി മാര്ക്ക് കാര്ണി രാജ്യത്തെ പ്രവിശ്യാ ഭരണാധികാരികളോട് ആവശ്യപ്പെട്ടു. കാനഡയില് നിന്നുള്ള ഉല്പ്പന്നങ്ങള്ക്ക് പ്രഖ്യാപിച്ച 50 ശതമാനം നികുതി താല്ക്കാലികമായി നിര്ത്തിവെക്കാന് യു.എസ് പ്രസിഡന്റ് ഡൊണാള്ഡ് ട്രംപ് തയാറായ പശ്ചാത്തലത്തിലാണ് ഈ നീക്കം.
തന്ത്രപ്രധാനമായ ചില വ്യാവസായിക മേഖലകളിലെ തീരുവ കുറയ്ക്കുന്നത് സംബന്ധിച്ച് ഇരുരാജ്യങ്ങളും തമ്മില് വാഷിംഗ്ടണില് ഇപ്പോഴും ചര്ച്ചകള് തുടരുകയാണ്. സ്റ്റീല്, അലുമിനിയം, വാഹനം, വനം അധിഷ്ഠിത ഉല്പ്പന്നങ്ങള് എന്നിവയ്ക്ക് ഏര്പ്പെടുത്തിയിരിക്കുന്ന നികുതികളില് കാര്യമായ ഇളവ് നല്കണമെന്നാണ് കാനഡ പ്രധാനമായും അമേരിക്കയോട് ആവശ്യപ്പെടുന്നത്. ഇതിനകം തന്നെ സ്റ്റീല് നികുതി 50 ശതമാനത്തില് നിന്ന് 25 ശതമാനമായി കുറയ്ക്കാന് ധാരണയായതായി ചില റിപ്പോര്ട്ടുകള് സൂചിപ്പിക്കുന്നു.
കൂടാതെ ഡെയറി മേഖല ഉള്പ്പെടെയുള്ള മറ്റ് മേഖലകളിലെ ഉഭയകക്ഷി തര്ക്കങ്ങള് പരിഹരിക്കാനും ഇരുരാജ്യങ്ങളും ശ്രമിക്കുന്നുണ്ട്. ഈ സാമ്പത്തിക ചര്ച്ചകളില് തങ്ങള്ക്ക് അനുകൂലമായ കുറവുകള് കണ്ടാല് മാത്രമേ അമേരിക്കന് മദ്യം വീണ്ടും കടകളില് ലഭ്യമാക്കൂ എന്ന നിലപാടിലാണ് ഒന്റാറിയോ, ബ്രിട്ടീഷ് കൊളംബിയ തുടങ്ങിയ പ്രധാന പ്രവിശ്യകള്. ചര്ച്ചകള് പുരോഗമിക്കുന്നത് സാമ്പത്തിക വിപണിയില് അനുകൂല തരംഗമാണ് ഉണ്ടാക്കിയിട്ടുള്ളത്. എങ്കിലും അന്തിമ കരാറിന്റെ കൂടുതല് വിശദാംശങ്ങള് പുറത്തുവന്നാല് മാത്രമേ കനേഡിയന് വ്യവസായ മേഖലയ്ക്ക് ഇതിന്റെ യഥാര്ത്ഥ പ്രയോജനം വ്യക്തമാകൂ എന്ന് പ്രമുഖ സാമ്പത്തിക വിദഗ്ദ്ധര് ചൂണ്ടിക്കാണിക്കുന്നു.
രാജ്യത്തിന്റെ പരമാധികാരവും വ്യാപാര താല്പര്യങ്ങളും സംരക്ഷിച്ചുകൊണ്ട് തന്നെ യു.എസ് നികുതി ഭീഷണി ഒഴിവാക്കാനുള്ള തീവ്ര ശ്രമത്തിലാണ് കനേഡിയന് സര്ക്കാര്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201011060830.jpg)
-20260820011618.jpg)
-20260819112352.jpg)
-20260813111217.jpg)
-20260818113543.jpg)
-20260408101117.jpg)
-20260814115341.jpg)
-20260814113736.jpg)
