-20260113030001.webp)
വാൻകൂവർ: വടക്കേ അമേരിക്കൻ രാജ്യങ്ങൾ തമ്മിലുള്ള വ്യാപാര കരാറായ യുഎസ്എംസിഎ (USMCA) സംബന്ധിച്ച ചർച്ചകളിൽ അമേരിക്കയുടെ ഏകപക്ഷീയമായ നിബന്ധനകൾ അംഗീകരിക്കാനാവില്ലെന്ന് കാനഡ പ്രധാനമന്ത്രി മാർക്ക് കാർണി.
കരാർ പുതുക്കുന്നതുമായി ബന്ധപ്പെട്ട ചർച്ചകൾ ജൂലൈയിൽ നടക്കാനിരിക്കെയാണ് കാർണിയുടെ നിർണ്ണായക പ്രതികരണം. വാഷിംഗ്ടണിന് മാത്രം കരാറിലെ കാര്യങ്ങൾ നിശ്ചയിക്കാൻ അധികാരമില്ലെന്നും ഇരുരാജ്യങ്ങളും തമ്മിലുള്ള ചർച്ചകളിലൂടെ മാത്രമേ തീരുമാനങ്ങൾ എടുക്കാനാകൂ എന്നും അദ്ദേഹം വാൻകൂവറിൽ മാധ്യമങ്ങളോട് പറഞ്ഞു.
കാനഡയുടെ സാമ്പത്തിക താൽപ്പര്യങ്ങൾ സംരക്ഷിക്കുന്നതിൽ വിട്ടുവീഴ്ചയുണ്ടാകില്ലെന്ന് കാർണി വ്യക്തമാക്കി. രാജ്യത്തെ ക്ഷീരകർഷകർ, കോഴി വളർത്തൽ മേഖല എന്നിവയെ ബാധിക്കുന്ന തരത്തിലുള്ള മാറ്റങ്ങൾ അനുവദിക്കില്ല. നിലവിൽ അമേരിക്ക ഉന്നയിക്കുന്ന 'ട്രേഡ് ഇറിറ്റന്റ്സ്' (വ്യാപാര തടസ്സങ്ങൾ) സംബന്ധിച്ച് വ്യക്തമായ ബോധ്യമുണ്ടെന്നും എന്നാൽ കാനഡയ്ക്കും സമാനമായ പരാതികൾ അമേരിക്കക്കെതിരെ ഉണ്ടെന്നും അദ്ദേഹം ചൂണ്ടിക്കാട്ടി.
ചർച്ചകൾക്കായി അമേരിക്കൻ ഉദ്യോഗസ്ഥർ മുൻകൂർ ഇളവുകൾ ആവശ്യപ്പെടുന്നതായി റിപ്പോർട്ടുകളുണ്ടായിരുന്നു. എന്നാൽ തങ്ങൾക്കും മറ്റ് പകരമുള്ള വഴികളുണ്ടെന്നും വിപണി വൈവിധ്യവൽക്കരിക്കുകയാണെന്നും കാർണി മറുപടി നൽകി.
അമേരിക്കൻ കൊമേഴ്സ് സെക്രട്ടറി ഹോവാർഡ് ലുട്നിക് കഴിഞ്ഞ ദിവസം കാനഡയുടെ വ്യാപാര നയങ്ങളെ വിമർശിച്ചിരുന്നു. കാനഡ അമേരിക്കൻ സമ്പദ്വ്യവസ്ഥയെ അമിതമായി ആശ്രയിക്കുന്നുവെന്നും അമേരിക്കൻ മദ്യത്തിന് കാനഡയിൽ നിയന്ത്രണങ്ങൾ ഏർപ്പെടുത്തുന്നത് ശരിയല്ലെന്നുമായിരുന്നു ലുട്നിക്കിന്റെ ആരോപണം.
കൂടാതെ, ചൈനീസ് ഇലക്ട്രിക് വാഹനങ്ങളുടെ ഇറക്കുമതി തീരുവയുമായി ബന്ധപ്പെട്ട് കാനഡ എടുത്ത തീരുമാനങ്ങളെയും അദ്ദേഹം വിമർശിച്ചു. ഇതിനെതിരെ ശക്തമായ പ്രതികരണമാണ് മാർക്ക് കാർണി നടത്തിയത്. മുമ്പ് അമേരിക്കയുമായുള്ള അടുത്ത സാമ്പത്തിക ബന്ധം ഒരു കരുത്തായിരുന്നുവെങ്കിൽ, നിലവിലെ സാഹചര്യത്തിൽ അത് ഒരു ബലഹീനതയായി മാറുകയാണെന്നും അതിനാൽ പുതിയ നിക്ഷേപങ്ങൾ ആകർഷിക്കാനും മറ്റ് രാജ്യങ്ങളുമായി വ്യാപാര കരാറുകളിൽ ഏർപ്പെടാനുമാണ് കാനഡയുടെ ശ്രമമെന്നും അദ്ദേഹം കൂട്ടിച്ചേർത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260423020947.jpg)
യഹൂദരെ വധിക്കാൻ പദ്ധതിയിട്ടു; ഒട്ടാവയിലെ കൗമാരക്കാരൻ ഭീകരവാദ കുറ്റങ്ങളിൽ കുറ്റക്കാരനെന്ന് കോടതി
പാർലമെന്ററി കമ്മിറ്റികളുടെ നിയന്ത്രണം പിടിച്ചെടുക്കാൻ ലിബറൽ നീക്കം; 'ഏകാധിപത്യം' എന്ന് പ്രതിപക്ഷം
1-20260423020027.jpg)
'യു.എസ് മദ്യ ഉൽപ്പന്നങ്ങൾ തിരികെ ഷെൽഫുകളിൽ വയ്ക്കില്ല': വൈറ്റ് ഹൗസ് വഴങ്ങിയാൽ മാത്രം
-20260423015816.jpg)
വ്യാജ മേപ്പിൾ സിറപ്പ് വിൽപന തുടരുന്നു; വിവാദ നിർമ്മാതാവിനെതിരെ കടുത്ത നടപടിക്കൊരുങ്ങി ഫെഡറേഷൻ
-20260112042604.webp)
-20201004104033.jpg)
-20260418061755.jpg)
-20260423020947.jpg)
1-20260423020027.jpg)
-20260423015816.jpg)
-20260423015120.jpg)
-20260113030114.webp)
-20260423013634.jpg)
-20260421121942.jpg)
-20260113030114.webp)
-20260417025216.jpg)
-20260113030115.webp)
