അമേരിക്കക്ക് ശക്തമായ മറുപടി നല്കാന് കാനഡ: പ്രത്യാക്രമണ താരിഫ് പട്ടികയില് കൂടുതല് യുഎസ് ഉല്പ്പന്നങ്ങള് ഉള്പ്പെടുത്തി പുതിയ നീക്കം

AUGUST 28, 2026, 11:24 AM

അമേരിക്കയുമായുള്ള വ്യാപാര തർക്കം രൂക്ഷമാകുന്നതിനിടെ കാനഡ തങ്ങളുടെ പ്രത്യാക്രമണ താരിഫ് പട്ടിക പുതുക്കി നിശ്ചയിച്ചു. അമേരിക്കയിൽ നിന്ന് ഇറക്കുമതി ചെയ്യുന്ന കൂടുതൽ ഉൽപ്പന്നങ്ങൾക്ക് അധിക നികുതി ചുമത്താനാണ് കാനഡയുടെ പുതിയ തീരുമാനം.

കഴിഞ്ഞ ദിവസങ്ങളിൽ യുഎസ് ഉൽപ്പന്നങ്ങൾക്ക് മേൽ കാനഡ തിരിച്ചടി താരിഫുകൾ പ്രഖ്യാപിച്ചിരുന്നു. ഇതിന് പിന്നാലെ വിവിധ മേഖലകളിൽ നിന്നുള്ള വ്യാപാരികളുടെയും പ്രവിശ്യാ സർക്കാരുകളുടെയും നിർദ്ദേശങ്ങൾ പരിഗണിച്ചാണ് പട്ടികയിൽ മാറ്റങ്ങൾ വരുത്തിയത്.

രാജ്യത്തെ പ്രാദേശിക വ്യവസായങ്ങളെയും തൊഴിലാളികളെയും സംരക്ഷിക്കുക എന്നതാണ് ഈ നീക്കത്തിലൂടെ കാനഡ ലക്ഷ്യമിടുന്നത്. അമേരിക്കൻ താരിഫുകൾക്ക് തുല്യമായ നിരക്കിൽ തന്നെ തിരിച്ചടി നൽകാനാണ് ധനകാര്യ മന്ത്രാലയം തീരുമാനിച്ചിരിക്കുന്നത്.

പുതിയ തീരുമാനപ്രകാരം തടി കരിരി, ചെമ്പ് കമ്പികൾ, അച്ചടിച്ച ചിത്രങ്ങളും ഫോട്ടോകളും ഉൾപ്പെടെയുള്ള പ്രിന്റിംഗ് വസ്തുക്കൾ എന്നിവയ്ക്ക് നികുതി വർദ്ധിപ്പിച്ചു. കൂടാതെ പ്ലാസ്റ്റർ ഉൽപന്നങ്ങൾക്കും വിവിധ തരം ഗ്ലാസ് ബോട്ടിലുകൾക്കും ഭരണകൂടം ഉയർന്ന താരിഫ് ഏർപ്പെടുത്തിയിട്ടുണ്ട്.

ഈ പുതിയ ഉൽപ്പന്നങ്ങൾക്ക് 50 ശതമാനം വരെ ഉയർന്ന താരിഫ് നിരക്കായിരിക്കും ഈടാക്കുക. എന്നാൽ കനേഡിയൻ വ്യവസായ മേഖലയുടെ താല്പര്യം മുൻനിർത്തി അമേരിക്കൻ സീഫുഡ്, മത്സ്യം എന്നിവയെ നേരത്തെ താരിഫ് പട്ടികയിൽ നിന്ന് ഒഴിവാക്കിയിരുന്നു.

അമേരിക്കയിൽ നിന്നുള്ള സീഫുഡിന് നികുതി ഒഴിവാക്കിയത് കനേഡിയൻ വിപണിക്ക് ഗുണകരമാണെന്ന് ധനകാര്യ മന്ത്രി വ്യക്താക്കിയിരുന്നു. ഈ പുതിയ പ്രത്യാക്രമണ താരിഫുകൾ സെപ്റ്റംബർ എട്ട് മുതലായിരിക്കും പ്രാബല്യത്തിൽ വരിക.

അതേസമയം രാജ്യത്തിനുള്ളിലെ ആഭ്യന്തര വ്യാപാര തടസ്സങ്ങൾ നീക്കാനും കനേഡിയൻ അധികൃതർ നടപടികൾ വേഗത്തിലാക്കുന്നുണ്ട്. വിവിധ പ്രവിശ്യകൾ തമ്മിലുള്ള വാണിജ്യ ബന്ധം ശക്തമാക്കാനും ആഭ്യന്തര ഉത്പാദനം കൂട്ടാനുമാണ് മുൻഗണന നൽകുന്നത്.

വ്യാപാര തർക്കം രൂക്ഷമാകുന്ന സാഹചര്യം നേരിടാൻ പ്രാദേശിക വിപണിയെ സജ്ജമാക്കാനാണ് ഭരണകൂടത്തിന്റെ നീക്കം. സെപ്റ്റംബറോടെ പുതിയ നികുതി നിരക്കുകൾ നിലവിൽ വരുന്നതോടെ ഇരുരാജ്യങ്ങളും തമ്മിലുള്ള വ്യാപാര തർക്കം കൂടുതൽ നിർണായക ഘട്ടത്തിലേക്ക് കടക്കും.

English Summary Canada has updated its list of U.S. goods subject to counter tariffs following high trade tensions. The Canadian government added items like copper wire, wood charcoal, and glass containers to match American tariffs dollar for dollar. While American seafood was removed from the list to protect Canadian business interests, the newly added products will face tariffs up to 50 percent starting early September.
Tags Malayalam News, News Malayalam, Latest Malayalam News, Vachakam News, Canada News Malayalam, Canada Trade Tariffs, US Canada Trade Dispute, Global Economy News