പിതാവിന്റെയോ മുത്തച്ഛന്റെയോ പ്രായമുള്ളവരെ വിവാഹം കഴിക്കേണ്ടി വരുന്ന കൗമാരം പോലും എത്താത്ത പെണ്‍കുട്ടികള്‍. കേള്‍ക്കുമ്പോള്‍ ഞെട്ടലും അസ്വസ്തതയും തോന്നാം. ഇത്തരം വിവാഹങ്ങള്‍ പതിവായ ഒരു രാജ്യമുണ്ട്. ഇന്തോനേഷ്യയുടെ തലസ്ഥാനമായ ജക്കാര്‍ത്ത. മാത്രമല്ല ഇവിടെയെത്തുന്ന വിനോദ സഞ്ചാരികള്‍ക്കായി ടൂറിസം ഒരുക്കിയിരിക്കുന്ന ചില വിചിത്ര ആചാരങ്ങളും ഉണ്ട്. അതിലൊന്നാണ് താല്‍ക്കാലിക വിവാഹം. വിനോദ സഞ്ചാരികള്‍ക്ക് നാട്ടിലെത്തി താല്‍ക്കാലികമായി വിവാഹം ചെയ്യാം. ശേഷം തിരികെപ്പോകുമ്പോള്‍ മുത്തലാഖ് ചൊല്ലിയാല്‍ മാത്രം മതി.

ഇവിടെ വിവാഹം നടക്കുന്നത് ഏജന്റുകള്‍ വഴിയാണ്. 17 കാരിയെ വിവാഹം ചെയ്തത് സൗദി അറേബ്യയില്‍ നിന്നുള്ള ടൂറിസ്റ്റാണ്. ഈ താല്‍ക്കാലിക വിവാഹത്തിനായി 850 ഡോളര്‍ (71,387 രൂപ) സ്ത്രീധനമായി ടൂറിസ്റ്റ് നല്‍കി. ഏജന്റിന്റെയും മൗലവിയുടെയും വിഹിതം കഴിഞ്ഞ് സ്ത്രീധനത്തിന്റെ പകുതി മാത്രമാണ് പെണ്‍കുട്ടിയുടെ കുടുംബത്തിന് ലഭിക്കുന്നത്. വിവാഹശേഷം, അയാള്‍ അവളെ ജക്കാര്‍ത്തയില്‍ നിന്ന് രണ്ട് കിലോമീറ്റര്‍ അകലെയുള്ള കോട്ട ബംഗ നഗരത്തിലെ ഒരു റിസോര്‍ട്ടിലേക്ക് കൊണ്ടുപോയി. ഇവിടെ, ആ പെണ്‍കുട്ടിയുമായി ബന്ധം പുലര്‍ത്തുന്നതിന് പുറമേ, വീട്ടുജോലികളെല്ലാം അവളെക്കൊണ്ടു ചെയ്യിക്കുകയും ചെയ്തു.

തന്റെ പിതാവിന്റെ പ്രായത്തിലുള്ള ഒരാളുമായി കിടക്ക പങ്കിടുന്നതില്‍ അവള്‍ക്ക് അസ്വാസ്ഥ്യമുണ്ടായിരുന്നു. വിവാഹം കഴിഞ്ഞ് അഞ്ച് ദിവസത്തിന് ശേഷം മുത്തലാഖ് നല്‍കി. അഞ്ച് ദിവസം നീണ്ടുനിന്ന വിവാഹം കഴിഞ്ഞ് വിനോദസഞ്ചാരി സ്വന്തം രാജ്യമായ സൗദിയിലേക്ക് മടങ്ങി. അവിടെ നിന്ന് മുത്തലാഖ് ചൊല്ലി പതിനേഴുകാരിയുമായുള്ള വിവാഹവും അവസാനിപ്പിച്ചു.

ആദ്യത്തെ വിവാഹത്തിന് ശേഷം അവള്‍ക്ക് കണക്ക് പോലും ഓര്‍ക്കാന്‍ കഴിയാത്തത്ര കരാര്‍ വിവാഹങ്ങള്‍ക്ക് നിന്നുകൊടുക്കേണ്ടി വന്നു. താന്‍ 15 തവണ വിവാഹിതയായിരിക്കാമെന്നും എല്ലാ പുരുഷന്മാരും മിഡില്‍ ഈസ്റ്റണ്‍ രാജ്യങ്ങളില്‍ നിന്നുള്ളവരാണെന്നും വിനോദസഞ്ചാരികളായി ഇന്തോനേഷ്യയിലെത്തിയവരാണെന്നും അവര്‍ പറയുന്നു.

പ്ലഷര്‍ മാര്യേജ്

ഇസ്ലാമിലെ വിവാദപരമായ ഒരു താല്‍ക്കാലിക വിവാഹമാണ് നിക്കാഹ് മുത്താഹ്. അല്ലെങ്കില്‍ പ്ലഷര്‍ മാര്യേജ്. ഇത് ഇപ്പോള്‍ ഇന്തോനേഷ്യയിലെ പര്‍വതപ്രദേശമായ പന്‍കാക്കില്‍  വളരെ പ്രചാരത്തിലുണ്ട്. ഈ സമ്പ്രദായം ഈ പ്രദേശത്ത് രൂഢമൂലമായിരിക്കുന്നു. ഇന്തോനേഷ്യയിലെ ആളുകള്‍ ഈ പ്രദേശത്തെ ഗ്രാമങ്ങളെ 'ഡിവോഴ്‌സി ഗ്രാമങ്ങള്‍' എന്നാണ് വിളിക്കുന്നത്. ആയിരത്തോളം ജനസംഖ്യയുള്ള തന്റെ ഗ്രാമത്തില്‍, ഉപജീവനത്തിനായി ഇത്തരം വിവാഹങ്ങളില്‍ പങ്കെടുക്കുന്ന ഏഴ് സ്ത്രീകളെ തനിക്ക് നേരിട്ട് അറിയാമെന്ന് അവള്‍ പറയുന്നു.

മുസ്ലീം ഭൂരിപക്ഷ രാജ്യമായ ഇന്തോനേഷ്യയിലെ നിയമങ്ങളില്‍ വേശ്യാവൃത്തി നിയമവിരുദ്ധമായതുപോലെ, നിക്കാഹ് മുത്താഹ് പോലുള്ള കരാര്‍ വിവാഹങ്ങളും നിരോധിച്ചിരിക്കുന്നു. എന്നാല്‍ ഈ നിയമങ്ങള്‍ തികച്ചും പ്രവര്‍ത്തന രഹിതമാണ്. പകരം നിക്കാഹ് മുത്താഹ് ഒരു ബിസിനസ് ആയി മാറിയിരിക്കുകയാണ്. ബ്രോക്കര്‍മാരുടെയും ഉദ്യോഗസ്ഥരുടെയും റിക്രൂട്ടര്‍മാരുടെയും വിശാലമായ ശൃംഖല മതത്തിനും ഭരണകൂടത്തിനും ഇടയിലുള്ള ഗ്രേ സോണില്‍ വളരുന്ന് പന്തലിക്കുകയാണ്.

ഇന്തോനേഷ്യയ്ക്ക് മുമ്പ് തായ്‌ലന്‍ഡില്‍ നിക്കാഹ് മുട്ടത്ത് തഴച്ചു വളര്‍ന്നിരുന്നു. വര്‍ഷങ്ങളോളം വിനോദസഞ്ചാരികള്‍ ഉള്‍പ്പെടെ, മിഡില്‍ ഈസ്റ്റില്‍ നിന്നുള്ള വിനോദ സഞ്ചാരികളുടെ പ്രധാന ആകര്‍ഷണം തായ്‌ലന്‍ഡായിരുന്നു. എന്നാല്‍ 1980 കളില്‍ സൗദിയും തായ്‌ലന്‍ഡും തമ്മിലുള്ള ബന്ധം വഷളായപ്പോള്‍ ഈ പ്രവണത മാറി. അതിനുശേഷം, ജനസംഖ്യയുടെ 87% മുസ്ലീങ്ങളുള്ള തായ്‌ലന്‍ഡിന് പകരം ഇന്തോനേഷ്യയിലേക്ക് സൗദി വിനോദസഞ്ചാരികള്‍ വരാന്‍ തുടങ്ങി. മുസ്ലീം ജനസംഖ്യയുള്ളതിനാല്‍ ഇന്തോനേഷ്യ സൗദി അറേബ്യയിലെ ജനങ്ങള്‍ക്ക് തായ്‌ലന്‍ഡിനേക്കാള്‍ കൂടുതല്‍ പരിചിതമായിരുന്നു.

സൗദി അറേബ്യയില്‍ നിന്നുള്ള വിനോദ സഞ്ചാരികളെ കണ്ട് പുങ്കാക്ക് നിവാസികളും അവര്‍ക്കനുസരിച്ച് ഭക്ഷണശാലകള്‍ തുറക്കുകയും ബിസിനസ്സ് അഭിവൃദ്ധിപ്പെടുകയും ചെയ്തു. താല്‍ക്കാലിക വിവാഹ പ്രവണത അതിവേഗം വര്‍ധിച്ച സൗദി അറേബ്യയില്‍ നിന്നുള്ള വിനോദസഞ്ചാരികളുടെ ആദ്യ ചോയ്‌സായി പങ്കാക്കിലെ കോട്ട ബുംഗ പ്രദേശം മാറി. പ്രദേശത്തെ താത്കാലിക വിവാഹത്തിന്റെ ആദ്യ നാളുകളില്‍, പെണ്‍കുട്ടികളെ അവരുടെ കുടുംബാംഗങ്ങളോ അവരുടെ പരിചയക്കാരോ വിനോദസഞ്ചാരികളുടെ അടുത്തേക്ക് കൊണ്ടുപോയിരുന്നു. എന്നാല്‍ കാലക്രമേണ ഇടനിലക്കാര്‍ അവരുടെ സ്ഥാനം ഏറ്റെടുക്കുകയായിരുന്നു.

സാമ്പത്തിക സാധ്യതകള്‍ ലഭ്യമല്ലാത്ത ഇന്തോനേഷ്യയിലെ പല നഗരങ്ങളിലും ഈ രീതി വളരെ പ്രചാരത്തിലുണ്ടെന്ന് ജക്കാര്‍ത്തയിലെ ഷെരീഫ് ഹിദായത്തുള്ള ഇസ്ലാമിക് സ്റ്റേറ്റ് യൂണിവേഴ്സിറ്റിയിലെ ഇസ്ലാമിക് ഫാമിലി ലോ പ്രൊഫസര്‍ യാന്‍ സോപ്യാന്‍ ലോസ് ഏഞ്ചല്‍സ് ടൈംസിന് നല്‍കിയ അഭിമുഖത്തില്‍ പറയുന്നു. മാത്രമല്ല, കോവിഡ് പാന്‍ഡെമിക് സ്ഥിതി കൂടുതല്‍ വഷളാക്കി.

സൗദിയില്‍ പാചകക്കാരനായി ജോലി ചെയ്തിരുന്ന ഇന്തോനേഷ്യയില്‍ നിന്നുള്ള ചെറുകിട സംരംഭകയായ ബുഡി പ്രിയാന പറഞ്ഞു, കരാര്‍ വിവാഹത്തെക്കുറിച്ച് മൂന്ന് പതിറ്റാണ്ട് മുമ്പാണ് താന്‍ ആദ്യമായി കേള്‍ക്കുന്നത്. മിഡില്‍ ഈസ്റ്റില്‍ നിന്നുള്ള ഒരു വിനോദസഞ്ചാരിക്ക് അകമ്പടി പോകവേ, താല്‍ക്കാലിക ഭാര്യയെ കണ്ടെത്താന്‍ സഹായം അഭ്യര്‍ത്ഥിച്ചു. ഇതിന് പിന്നാലെയാണ് പ്രിയന പെണ്‍കുട്ടികളെ ഇടനിലക്കാരുടെ അടുത്തേക്ക് കൊണ്ടുപോകാന്‍ തുടങ്ങിയത്. തന്റെ ജോലിയുമായി ബന്ധപ്പെട്ട് പല ഏജന്റുമാരുമായും തനിക്ക് ബന്ധമുണ്ടെന്നും അവരില്‍ നിന്നാണ് ഈ ബിസിനസ് തഴച്ചുവളരുന്നതായി അറിയാന്‍ കഴിഞ്ഞതെന്നും അദ്ദേഹം പറയുന്നു. ഒരു മാസത്തിനിടെ 25-25 വിവാഹങ്ങള്‍ നടത്തുന്നുണ്ടെന്ന് ചില ഏജന്റുമാര്‍ പറയുന്നു.

ചില സമയങ്ങളില്‍ ആകെ സ്ത്രീധനത്തിന്റെ 10% പോലും തനിക്ക് ലഭിക്കാറുണ്ടെന്ന് 55 കാരിയായ ബുഡി പ്രിയാന പറയുന്നു. എന്നിരുന്നാലും, ഈ ജോലിയിലൂടെ പെണ്‍കുട്ടികളെ ജോലി കണ്ടെത്താന്‍ സഹായിക്കുകയും അവരെ പരമാവധി സംരക്ഷിക്കാന്‍ ശ്രമിക്കുകയും ചെയ്യുന്നുവെന്നും ഇയാള്‍ അവകാശപ്പെടുന്നു.

കരാര്‍ വിവാഹത്തെക്കുറിച്ച് വിദഗ്ധരുടെ അഭിപ്രായം

മുസ്ലീം ഭൂരിപക്ഷ രാജ്യങ്ങളില്‍ കരാര്‍ വിവാഹങ്ങള്‍ വ്യാപകമാണ്. പ്രത്യേകിച്ച് പെണ്‍കുട്ടികളുടെ സുരക്ഷയുടെ കാര്യത്തില്‍ ഇത്തരം വിവാഹങ്ങള്‍ നിരോധിക്കാന്‍ സര്‍ക്കാരുകള്‍ക്ക് കഴിയുന്നില്ല. ഇന്തോനേഷ്യന്‍ നിയമപ്രകാരം വിവാഹത്തിനുള്ള നിയമപരമായ കുറഞ്ഞ പ്രായം 19 വയസാണ്. എന്നാല്‍ പല മതപരമായ വിവാഹങ്ങളും സര്‍ക്കാര്‍ പരിശോധനയില്‍ നിന്ന് രക്ഷപ്പെടുന്നു. അത്തരം വിവാഹങ്ങളിലെ പെണ്‍കുട്ടികളുടെ പ്രായം വളരെ ചെറുതാണ്.

ഇസ്ലാമിക കുടുംബ നിയമ വിദഗ്ദ്ധനായ യായാന്‍ പറയുന്നു, 'മതപരമായ കാര്യങ്ങളില്‍ സര്‍ക്കാര്‍ ഇടപെടേണ്ടതില്ലെന്നാണ് ആളുകള്‍ക്ക് തോന്നുന്നത്. മതമനുസരിച്ചാണ് തങ്ങള്‍ വിവാഹം കഴിക്കുന്നതെന്ന് ആളുകള്‍ കരുതുന്നു. അതിനാല്‍ രാജ്യത്തെ നിയമത്തിന് ഇത് നിയമവിരുദ്ധമായി പ്രഖ്യാപിക്കാന്‍ കഴിയില്ല. ഇതാണ് വലിയ പ്രശ്നം. ഇന്തോനേഷ്യയിലെ ഇസ്ലാമിക നേതാക്കളുടെ പ്രധാന സംഘടനയായ ഇന്തോനേഷ്യന്‍ ഉലമ കൗണ്‍സിലും താല്‍ക്കാലിക കരാര്‍ വിവാഹം നിയമവിരുദ്ധമാണെന്ന് പ്രഖ്യാപിച്ചിരിക്കുകയാണ്.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1