ഡാളസ് പെന്തക്കോസ്ത് കോൺഫറൻസിൽ സഭകളിലെ ആധുനിക പ്രവണതകൾക്കെതിരെ ആഞ്ഞടിച്ച പാസ്റ്റർ ജേക്കബ് മാത്യുവിന്റെ പ്രസംഗം വൈറലാകുന്നു

SEPTEMBER 3, 2026, 9:04 AM

ഡാളസ്: ആഗസ്റ്റ് 21,23 തീയതികളിൽ ഡാളസിൽ വച്ച് നടന്ന ഡാളസ് സിറ്റിവൈഡ് ഫെലോഷിപ്പിന്റെ പ്രഥമ കോൺഫറൻസിൽ പാസ്റ്റർ ജേക്കബ് മാത്യൂ നടത്തിയ പ്രസംഗം അനേകരിലേക്ക് എത്തുകയും അത് വ്യാപകമായി ചർച്ച ചെയ്യപ്പെടുകയും ചെയ്യുന്നു.

അമേരിക്കൻ മണ്ണിൽ പൈശാചികശക്തികൾ കൂട്ടത്തോടെ വിവിധമേഖലകളിൽ സ്വാധീനം ഉറപ്പിക്കുന്നതിന്റെ പല സംഭവങ്ങളെയും പരാമർശിച്ചുകൊണ്ട് അദ്ദേഹം നടത്തിയ ശക്തമായ സന്ദേശത്തിൽ പെന്തക്കോസ്ത് സഭകളിൽപ്പോലും പിശാച് അതിക്രമിച്ചുകടക്കുന്നതിനെക്കുറിച്ച് താൻ മുന്നറിയിപ്പ് നൽകുകയുണ്ടായി.

യേശുക്രിസ്തുവിന്റെ കാലത്തിന് മുമ്പ് ഈജിപ്തിലും റോമിലും ഗ്രീസിലും ബാബിലോണിലുമൊക്കെയുണ്ടായിരുന്ന ദേവിദേവതമാർ പുതിയ രൂപത്തിലും ഭാവത്തിലും ഈ ആധുനിക പാശ്ചാത്യരാജ്യങ്ങളിൽ ആധിപത്യം നടത്താൻ ശ്രമിയ്ക്കുന്നു.

ക്രിസ്തുവിന്റെ ആഗമനത്തോടെ പരിശുദ്ധാത്മാവിന്റെ ശക്തിയാൽ ലോകത്തിന്റെ പല ഭാഗത്തുനിന്നും പറിച്ചെറിയപ്പെട്ട ഇത്തരം ശക്തികൾ ക്രൈസ്തവ സഭകളെ മൊത്തത്തിലും പെന്തക്കോസ്തുസഭകളിൽ ഭാഗികമായെങ്കിലും കടന്നുകയറ്റം നടത്തിക്കഴിഞ്ഞു. ഇതിനെതിരെ സഭകൾ ഉണരേണ്ടിയിരിക്കുന്നു എന്ന് അദ്ദേഹം ആഹ്വാനം ചെയ്യുകയുണ്ടായി.