പാകിസ്ഥാന് ആണവായുധം കൈകാര്യം ചെയ്യാനുള്ള കഴിവില്ലെന്ന് മുന്‍ യുഎസ് ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടണ്‍

MAY 21, 2025, 3:42 PM

വാഷിംഗ്ടണ്‍: പാകിസ്ഥാന് ആണവായുധങ്ങള്‍ സുരക്ഷിതമായി കൈകാര്യം ചെയ്യാനുള്ള കഴിവില്ലെന്ന് മുന്‍ അമേരിക്കന്‍ ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടണ്‍. പാകിസ്ഥാന്റെ ആണവായുധ ശേഖരത്തിന്റെ സുരക്ഷയെ ചോദ്യം ചെയ്ത പ്രതിരോധ മന്ത്രി രാജ്നാഥ് സിങ്ങിന്റെ സമീപകാല പരാമര്‍ശങ്ങളെ അദ്ദേഹം പിന്തുണച്ചു. ആണവായുധങ്ങളുടെ സുരക്ഷ എല്ലായ്‌പ്പോഴും യുഎസിന് ഒരു പ്രധാന ആശങ്കയാണെന്ന് ബോള്‍ട്ടണ്‍ പറഞ്ഞു.

'ലോകത്തെവിടെയും ആണവായുധങ്ങളുടെ സുരക്ഷ അമേരിക്കയ്ക്ക് വളരെ ഉയര്‍ന്ന മുന്‍ഗണനയാണ്. 9/11 സമയത്ത് ഞാന്‍ ജോര്‍ജ്ജ് ഡബ്ല്യു ബുഷ് ഭരണകൂടത്തില്‍ സേവനമനുഷ്ഠിക്കുകയും അന്നത്തെ സ്റ്റേറ്റ് സെക്രട്ടറി കോളിന്‍ പവലിനൊപ്പം പാകിസ്ഥാനിലേക്കും പിന്നീട് ഇന്ത്യയിലേക്കും പോകുകയും ചെയ്തിരുന്നു. അന്നത്തെ പാകിസ്ഥാന്‍ പ്രസിഡന്റ് പര്‍വേസ് മുഷറഫിനോട് കോളിന്‍ പവല്‍ പ്രത്യേകം ഉന്നയിച്ച വിഷയങ്ങളിലൊന്ന് പാകിസ്ഥാന്റെ ആണവ ശേഷികള്‍ എത്രത്തോളം സുരക്ഷിതമായിരുന്നു എന്നതാണ്. ഇത് എല്ലായ്‌പ്പോഴും ഒരു ആശങ്കയായി തുടരുന്നു, കൂടാതെ പാകിസ്ഥാനുമായുള്ള ഇന്ത്യയുടെ പൊതുവായ അതിര്‍ത്തി കണക്കിലെടുക്കുമ്പോള്‍, ഇത് വളരെ പ്രധാനപ്പെട്ട ഒരു ആശങ്കയാണ്.' അദ്ദേഹം പറഞ്ഞു.

ആണവായുധങ്ങള്‍ തെറ്റായ കൈകളില്‍ അകപ്പെട്ടാല്‍ ഉണ്ടാകാവുന്ന അപകടങ്ങളെക്കുറിച്ച് ബോള്‍ട്ടണ്‍ ഊന്നിപ്പറഞ്ഞു. ആണവായുധങ്ങള്‍ ഭീകരരുടെ കൈകളിലോ ഉത്തരവാദിത്തമില്ലാത്ത കമാന്‍ഡര്‍രുടെ കീഴിലോ എത്തിയാല്‍ അപകടസാധ്യത ഏറെയാണെന്നും അദ്ദേഹം ചൂണ്ടിക്കാട്ടി.