വാഷിംഗ്ടണ്: വൈറ്റ് ഹൗസില് യുഎസ് പ്രസിഡന്റ് ഡൊണാള്ഡ് ട്രംപുമായുള്ള കൂടിക്കാഴ്ചയ്ക്കിടെ ഉക്രേനിയന് പ്രസിഡന്റ് വോളോഡിമിര് സെലെന്സ്കി, മെലാനിയ ട്രംപിനെ അഭിസംബോധന ചെയ്ത് ഭാര്യ ഒലീന സെലെന്സ്ക എഴുതിയ കത്ത് അദ്ദേഹത്തിന് കൈമാറി.
''എന്റെ ഭാര്യ, ഉക്രെയ്നിന്റെ പ്രഥമ വനിത, അവര് നല്ിയ കത്താണിത്. ഇത് താങ്കള്ക്കുള്ളതല്ല - താങ്കളുടെ ഭാര്യക്കുള്ളതാണ്,'' സെലെന്സ്കി പറഞ്ഞു. പിരിമുറുക്കം നിറഞ്ഞ അന്തരീക്ഷത്തില് ഒരു ചിരി ഇത് സമ്മാനിച്ചു.
ഉക്രെയ്നില് നടന്നുകൊണ്ടിരിക്കുന്ന യുദ്ധം അവസാനിപ്പിക്കുന്നതിനെ കേന്ദ്രീകരിച്ചുള്ള ചര്ച്ചകള്ക്കായാണ് ട്രംപും സെലന്സ്കിയും വാഷിംഗ്ടണില് കൂടിക്കാഴ്ച നടത്തുന്നത്. അലാസ്കയില് റഷ്യന് പ്രസിഡന്റ് വ്ളാഡിമിര് പുടിനുമായി പ്രസിഡന്റ് ട്രംപ് അടുത്തിടെ നടത്തിയ ഉച്ചകോടിക്ക് പിന്തുടര്ച്ചയായാണ് കൂടിക്കാഴ്ച.
മെലാനിയ ട്രംപ് പുടിന് എഴുതിയ കത്ത് വെള്ളിയാഴ്ച അലാസ്കയില് വെച്ച് പ്രസിഡന്റ് ട്രംപ് കൈമാറിയിരുന്നു. ഉക്രെയ്നുമായി നടന്നുകൊണ്ടിരിക്കുന്ന യുദ്ധത്തിനിടയില് കുട്ടികളെ സംരക്ഷിക്കാനും അവരുടെ നിരപരാധിത്വം ഉയര്ത്തിപ്പിടിക്കാനും അവര് തന്റെ കത്തില് പുടിനോട് ആവശ്യപ്പെട്ടു.
'ടെലിവിഷനില് ഹൃദയവേദനയുളവാക്കുന്ന ദൃശ്യങ്ങള്, ശവസംസ്കാരങ്ങള് എന്നിവ അവള് കാണുന്നു. എപ്പോഴും ശവസംസ്കാര ചടങ്ങുകള്. ശവസംസ്കാര ചടങ്ങുകള് ഒഴികെ മറ്റെന്തെങ്കിലും കാണാന് ഞങ്ങള് ആഗ്രഹിക്കുന്നു. അത് അവസാനിക്കുന്നത് കാണാന് അവള് ആഗ്രഹിക്കുന്നു,' കത്തിലെ ഉള്ളടക്കത്തെപ്പറ്റി ട്രംപ് പറഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20201011060831.jpg)
-20260228043934.jpeg)
-20260302012446.jpeg)
-20260302012445.jpeg)
