ഫ്ളോറിഡ: ഫ്ളോറിഡയിലെ മിയാമിയിൽ നടന്ന പത്താമത് 'ഫ്യൂച്ചർ ഇൻവെസ്റ്റ്മെന്റ് ഇനിഷ്യേറ്റീവ് ' ഉച്ചകോടിയിൽ, അമേരിക്കയെ ലോകത്തിന്റെ 'ക്രിപ്റ്റോ തലസ്ഥാനം' ആക്കി മാറ്റുമെന്ന് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. ഡിജിറ്റൽ കറൻസി രംഗത്തും ആർട്ടിഫിഷ്യൽ ഇന്റലിജൻസ് മേഖലയിലും രാജ്യം ആധിപത്യം ഉറപ്പിക്കുമെന്നും അദ്ദേഹം ഉറപ്പുനൽകി.
ബിറ്റ്കോയിൻ അതിശക്തമാണെന്നും ഇടപാടുകൾക്കായി കൂടുതൽ ആളുകൾ ഇത് ഉപയോഗിക്കുന്നുണ്ടെന്നും ട്രംപ് ചൂണ്ടിക്കാട്ടി. ലോകത്തിലെ തർക്കമില്ലാത്ത 'ബിറ്റ്കോയിൻ സൂപ്പർ പവർ' ആയി അമേരിക്കയെ മാറ്റുകയാണ് ലക്ഷ്യം.
ഡോളർ അധിഷ്ഠിത സ്റ്റേബിൾകോയിനുകൾക്കായി കഴിഞ്ഞ വർഷം ഒപ്പിട്ട 'ജീനിയസ് ആക്ട് 'ക്രിപ്റ്റോ മേഖലയിലെ നിക്ഷേപങ്ങൾക്കും പുതിയ ആശയങ്ങൾക്കും കരുത്തേകുമെന്ന് അദ്ദേഹം പറഞ്ഞു.
അനാവശ്യമായ നിയന്ത്രണങ്ങൾ ഒഴിവാക്കി 'ഫ്രീ എന്റർപ്രൈസ് ' രീതിയിൽ ക്രിപ്റ്റോ വിപണിയെ വളർത്താനാണ് സർക്കാർ ആഗ്രഹിക്കുന്നത്.
ചൈനയെ മറികടന്ന് ആർട്ടിഫിഷ്യൽ ഇന്റലിജൻസ് മേഖലയിൽ അമേരിക്ക ഒന്നാമതായി തുടരുമെന്ന് ട്രംപ് പറഞ്ഞു. സാമ്പത്തിക വളർച്ചയുടെ പ്രധാന ചാലകശക്തിയായി എഐ മാറുമെന്നും അദ്ദേഹം കൂട്ടിച്ചേർത്തു. ട്രംപിന്റെ പ്രഖ്യാപന സമയത്ത് ബിറ്റ്കോയിൻ വില ഏകദേശം $66,759 (ഏകദേശം 1% വർധനവ്) എന്ന നിലയിലായിരുന്നു.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260329085133.jpg)
-20251231080509.jpg)
-20260326060932.jpg)
