നവംബർ 1 ഞായറാഴ്ച മുതൽ സമയ മാറ്റം;ക്ലോക്ക് ഒരു മണിക്കൂർ പിന്നോട്ട്

OCTOBER 31, 2026, 12:14 AM

ഡാളസ് : ഈ ഞായറാഴ്ച (നവംബർ 1) മുതൽ യു.എസിൽ സമയ മാറ്റം. ക്ലോക്ക് ഒരു മണിക്കൂർ പിന്നോട്ട് തിരിച്ചു വെക്കും.

നവംബർ 1 ഞായറാഴ്ച പുലർച്ചെ 2 മണിക്ക് പകൽ കൂടുതൽ ലഭിക്കുന്നത് അവസാനിച്ച്, സമയം പുലർച്ചെ ഒരു മണിയിലേക്ക് മടങ്ങുന്നു. കഴിഞ്ഞ വസന്തകാലത്ത് മാർച്ച് 8 നായിരുന്നു പകൽ കൂടുതൽ സമയം ആരംഭിച്ചത്.

വിന്റർ സീസന്റെ അവസാനം ഒരു മണിക്കൂർ മുന്നോട്ടും, ഫാൾ സീസണിൽ ഒരു മണിക്കൂർ പുറകോട്ടും തിരിച്ചുവെക്കുന്ന സമയ മാറ്റം ആദ്യമായി നിലവിൽ വന്നത് ഒന്നാംലോകമഹായുദ്ധ കാലഘട്ടത്തിലായിരുന്നു. സൂര്യപ്രകാശം ധാരാളമായി ലഭിക്കുന്ന സ്പ്രിങ്ങ്, വിന്റർ സീസണുകളിൽ പകലിന്റെ ദൈർഘ്യം വർദ്ധിച്ചു. വൈദ്യുതി ഉപയോഗം കുറക്കുന്നതിനും, ഇതിൽ നിന്നും ലഭിക്കുന്ന മിച്ച വൈദ്യുതി യുദ്ധമേഖലയിൽ പ്രയോജനപ്പെടുത്താനും ലക്ഷ്യമിട്ടാണ് അമേരിക്കയിൽ സമയ മാറ്റം അംഗീകരിച്ചു നടപ്പാക്കി തുടങ്ങിയത്.

ഞായറാഴ്ച ക്ലോക്കുകൾ പിന്നോട്ട് പോകുമ്പോൾ ആളുകൾക്ക് ഒരു മണിക്കൂർ വർദ്ധിക്കും. മിക്ക അമേരിക്കക്കാർക്കും, ഒരു അധിക മണിക്കൂർ ഉറക്കം ലഭിക്കും എന്നാണ്. പല ഡിജിറ്റൽ ക്ലോക്കുകളും ഒറ്റരാത്രി കൊണ്ട് യാന്ത്രികമായി പുനഃസജ്ജമാക്കും, പക്ഷേ സ്വമേധയാ ക്രമീകരിക്കേണ്ട ഏതെങ്കിലും വാച്ചുകളോ ക്ലോക്കുകളോ മാറ്റാൻ ഓർമ്മിക്കുക.

സമയമാറ്റത്തിനുശേഷം, വൈകുന്നേരത്തോടെ ഇരുട്ട് നേരത്തെ എത്തും, രാവിലെ സൂര്യോദയവും നേരത്തെ വരും. സ്പ്രിങ്ങ്, ഫോർവേർഡ്, ഫാൾ ബാക്ക്‌വേർഡ് എന്നാണ് ഇവിടെ സമയമാറ്റം അറിയപ്പെടുന്നത്. അരിസോണ, ഹവായ്, പുർട്ടൊറിക്കൊ, വെർജിൻ ഐലന്റ് തുടങ്ങിയ സംസ്ഥാനങ്ങളിൽ സമയമാറ്റം ബാധകമല്ല.

പി.പി. ചെറിയാൻ