ഫൊക്കാനയുടെ ലോഗോ യഥാർത്ഥ ഫൊക്കാനക്ക്

APRIL 5, 2025, 7:34 AM

ലോഗോയുടെ ഉടമസ്ഥാവകാശം ഫെഡറേഷൻ ഓഫ് കേരള അസോസിയേഷൻസ് ഇൻ നോർത്ത് അമേരിക്കയ്ക്ക് മാത്രം

ന്യൂയോർക്ക്, 1983 ൽ സ്ഥാപിതമായ വർഷം മുതൽ വടക്കേ അമേരിക്കൻ മലയാളികളുടെ കേന്ദ്ര സംഘടനയായ ഫൊക്കാന ഉപയോഗിച്ചു വരുന്ന ലോഗോ തട്ടി എടുക്കാനുള്ള അപര ഗ്രൂപ്പിന്റെ ശ്രമം പാഴായി. ലോഗോയുടെ ഉടമസ്ഥത തങ്ങൾക്കു അവകാശപ്പെട്ടതാണെന്ന് 2008 മെരിലാന്റിൽ രജിസ്റ്റർ ചെയ്ത ഔദ്യോഗിക ഭാരവാഹികളോ, ഭരണഘടനയോ ഇല്ലാത്ത ഫൊക്കാനയുടെ പേരിനോട് സമാനതയുള്ള ഒരു സംഘടന നൽകിയ ഹർജിയാണ് യുണൈറ്റഡ് സ്റ്റേറ്റ്‌സ് പേറ്റന്റ് ആൻഡ് ട്രേഡ് മാർക്ക് ഓഫീസ് തള്ളിക്കളഞ്ഞത്. എന്നാൽ യഥാർത്ഥ ഫൊക്കാന തങ്ങളുടേതാണ് എന്ന വിചിത്ര വാദവുമായി കേരളത്തിലെയും, വടക്കേ അമേരിക്കയിലെയും മലയാളികളെ ആശയക്കുഴപ്പത്തിലാക്കികൊണ്ട് പ്രവർത്തിക്കുന്ന വ്യാജ സംഘടനയുടെ ഭാരവാഹികൾ ജാള്യത മാറ്റുവാനായി പുതിയ ഒരു ലോഗോയുമായി രംഗത്തിറങ്ങിയിരിക്കുകയാണ്.

ഇന്ത്യൻ ദേശീയതയുടെ മുഖ മുദ്ര‌യായ അശോകചക്രത്തോട് സമാനത തോന്നിക്കുന്ന ചിഹ്നങ്ങളും, യഥാർത്ഥ ഫൊക്കാന ലോഗോയുടെ ഭൂരിഭാഗം മുദ്രകളും അടയാളങ്ങളും വ്യാജവും നിയമ വിരുദ്ധവുമായി ചേർത്ത് പ്രസിദ്ധപ്പെടുത്തിയ തട്ടിക്കൂട്ട് ലോഗോ കൂടുതൽ സങ്കീർണമായ നിയമ പ്രശ്‌നങ്ങൾക്ക് വഴി തെളിയിക്കും എന്ന് ഫെഡറേഷന്റെ നിയമ വിഭാഗം അഭിപ്രായപ്പെട്ടു. ട്രേഡ് മാർക്ക് നിയമപ്രകാരം 35 U.S.Codes 271 പേറ്റന്റ് ലംഘനം അനുസരിച്ചു, അമേരിക്കയിലെ പേറ്റന്റ് ഉടമയുടെ സമ്മതം ഇല്ലാതെ, പേറ്റന്റ് കിട്ടിയ കണ്ടുപിടിത്തം ഉപയോഗിക്കുക, നിർമ്മിക്കുക, വിൽപ്പനയ്ക്ക് വയ്ക്കുക, അല്ലെങ്കിൽ വിൽക്കുക തുടങ്ങിയ പ്രവർത്തനങ്ങൾ വിലക്കുന്നു,

15 U.S.Code 1114 ലാൻഹാം നിയമത്തിലെ സെക്ഷൻ 32): വ്യാപാരത്തിൽ രജിസ്റ്റർ ചെയ്ത ട്രേഡ്മാർക്ക് പകർന്നെടുക്കൽ, അനുകരണം, അല്ലെങ്കിൽ ഉപയോഗം ഇത് ഉപഭോക്താക്കളിൽ കുഴപ്പമോ ഭ്രമം സൃഷ്ടിക്കാൻ സാധ്യതയുള്ളതുകൊണ്ട് ഈ നിയമം അതിനെ വിലക്കുന്നു. ഇത് കോടതിയിൽ ചോദ്യം ചെയ്യപ്പെടാം. സണ്ണി മറ്റമന പ്രസിഡന്റ് ആയിട്ടുള്ള ഫോക്കാന ഇന്റർനാഷണൽ ആണ് യഥാർത്ഥ സംഘടനാ എന്ന ബോധ്യപ്പെടുത്തുന്നതാണ് കോടതിവിധി. ഫെഡറേഷന്റെ ലോഗോ നിയമവിരുദ്ധമായി പലരും ഉപയോഗിക്കുന്നതായി ഭാരവാഹികളുടെ ശ്രദ്ധയിൽപ്പെട്ടിട്ടുണ്ട്.

എബ്രഹാം ഈപ്പൻ ജനറൽ സെക്രട്ടറി, എബ്രഹാം കളത്തിൽ ഖജാൻജി, ഡോ. ജേക്കബ് ഈപ്പൻ എക്‌സിക്യൂട്ടീവ് വൈസ് പ്രസിഡന്റ്, ഷാജി ആലപ്പാട്ട് വൈസ് പ്രസിഡന്റ്, റോബർട്ട് അരിച്ചിറ അസോസിയേറ്റ് സെക്രട്ടറി, തോമസ് എം. ജോർജ് അഡീഷണൽ അസോസിയേറ്റ് സെക്രട്ടറി, ഷാജി ജോൺ അസോസിയേറ്റ് ഖജാൻജി, സജീവ് എബ്രഹാം അഡീഷണൽ അസോസിയേറ്റ് ഖജാൻജി, കുരിയാപ്പുറം ട്രസ്റ്റി ബോർഡ് ചെയർമാൻ, ഡോ. നീന ഈപ്പൻ വനിതാ ഫോറം ചെയർ, ഇന്റർനാഷണൽ കോർഡിനെറ്റ്‌സ് ആയ ഡോ. കല ഷഹി, റെജി കുര്യൻ എന്നിവർ സജിമോൻ ആന്റണി ഗ്രൂപ്പിന്റെ ഈ കുൽസിത പ്രവർത്തിയെ അപലപിച്ചു. യഥാർത്ഥ ഫൊക്കാനയുടെ അപര സംഘടനകൾ പല സ്റ്റേറ്റിലും രജിസ്റ്റർ ചെയ്തിട്ടുണ്ട് എന്ന് ഫൊക്കാന നേതാക്കളുടെ ശ്രദ്ധയിൽപെട്ടിട്ടുണ്ട്,

1983 രജിസ്റ്റർ ചെയ്ത ഫൊക്കാന കാലങ്ങൾ കൊണ്ട് പല നേതൃത്വങ്ങൾ കൈ മാറി ഇപ്പോൾ സണ്ണി മറ്റമനയുടെ നേതൃത്വത്തിൽ വളരെ ഭംഗിയോടുകൂടി വിവിധയിന പദ്ധതികളുമായി മുന്നോട്ടു പോകുന്നു. ഫൊക്കാന എന്ന പ്രസ്ഥാനം അമേരിക്കൻ ഐക്യനാടുകളിൽ മാത്രം ഒതുങ്ങാതെ, ഇതിന്റെ പ്രവൃത്തികൾ അന്തർദേശിയമായി വ്യാപിപ്പിക്കാൻ ഇപ്പോഴത്തെ നേതൃത്വം തീരുമാനിച്ചു, എന്നാൽ ചില വ്യക്തി താൽപ്പര്യങ്ങൾ മുതൽ എടുത്തു 2024 ഇലക്ഷൻ വളച്ചൊടിച്ചു, 2008 ൽ രജിസ്റ്റർ ചെയ്ത ഫൊക്കാന ഇങ്ക് എന്ന് പറയുന്ന പ്രസ്ഥാനത്തിന്റെ നേതൃത്വം കൊടുക്കുന്ന സജിമോൻ ആന്റണിയും കൂട്ടരും യഥാർത്ഥ ഫൊക്കാനയുടെ ഫണ്ടും, അതിന്റെ വിലപ്പെട്ട രേഖകളും അപഹരിച്ചു, അവസാനം ജോസഫ് കുരിയാപുറം ട്രസ്റ്റി ബോർഡ് ചെയർമാനായുള്ള ഫെഡറേഷൻ ഓഫ് കേരള അസോസിയേഷൻ ഇൻ നോർത്ത് അമേരിക്കയുടെ ട്രസ്റ്റി ബോർഡിന്റെ ഉടമസ്ഥയിലുള്ള ലോഗോ വരെ കൈക്കലാക്കാൻ നോക്കി. എന്നാൽ കോടതി വിധി ഫൊക്കാന ഇങ്കിന്, പ്രതികൂലമായി ബാധിച്ചു.

2008 തുടങ്ങിയ ഫൊക്കാന ഇങ്കിന്റെ പുതിയ തട്ടിക്കൂട്ട് ലോഗോയിൽ, ESTD 1983 എന്ന് ചേർത്ത് ജനങ്ങളെ കബളിപ്പിക്കാൻ നോക്കുന്ന സ്വന്തമായി ഭരണഘടനയോ, ഭാരവാഹികളോ ഇല്ലാത്ത സത്യാവസ്ഥ ഇനിയെങ്കിലും ജനങ്ങൾ തിരിച്ചറിയേണ്ട സമയം അതിക്രമിച്ചിരിക്കുന്നു. യഥാർത്ഥ ഫൊക്കാനയെ അപകീർത്തിപെടുത്തുകയും, ലോഗോ പലസ്ഥലങ്ങളിൽ ഉപയോഗിക്കുകയും ചെയ്തതിനാൽ, ഫൊക്കാന ഇന്റർനാഷണൽ നിയമപരമായി നടപടികൾ സ്വീകരിക്കും എന്ന് ഫൊക്കാന ഇന്റർനാഷണലിന്റെ ഭാരവാഹികൾ അറിയിക്കുന്നു. വടക്കേ അമേരിക്കയിലെ പ്രബുദ്ധരായ സംഘടനാ പ്രവൃത്തകർ ഈ തട്ടിപ്പു മനസിലാക്കുകയും യഥാർത്ഥ ഫൊക്കാനയുടെ കൂടെ ചേർന്ന് പ്രവർത്തിക്കയും, സാമൂഹ്യ വിപത്തുക്കളായ അപരന്മാരെ തള്ളിപ്പറയുകയും വേണമെന്ന് ഫൊക്കാന ഭാരവാഹികൾ ഒരു പത്രക്കുറിപ്പിലൂടെ ആവശ്യപ്പെട്ടു.

എബ്രഹാം ഈപ്പൻ, സെക്രട്ടറി, ഫെഡറേഷൻ ഓഫ് കേരള അസോസിയേഷൻ ഇൻ നോർത്ത് അമേരിക്ക, ഇന്റർനാഷണൽ