കൊല്ലം: കോണ്‍ഗ്രസ് വിട്ട് ബിജെപിയിലെത്തിയ ആര്‍. രശ്മിയെ കൊല്ലം കൊട്ടാരക്കരയില്‍ ഇറക്കാന്‍ ബിജെപി. രശ്മിയിലൂടെ കോണ്‍ഗ്രസ് വോട്ടുകളില്‍ വിള്ളല്‍ ഉണ്ടാക്കാമെന്നാണ് ബിജെപിയുടെ പ്രതീക്ഷ.

അപമാനിതയായാണ് കോണ്‍ഗ്രസില്‍ നിന്ന് പടിയിറങ്ങുന്നതെന്നാണ് ആര്‍. രശ്മി ബിജെപിയില്‍ ചേരുമ്പോള്‍ വ്യക്തമാക്കിയത്.

കോണ്‍ഗ്രസ് ഡിസിസി ജനറല്‍ സെക്രട്ടറി ഒ രാജന്‍ തന്നോട് മോശമായിട്ടാണ് സംസാരിച്ചതെന്നും പരാതി നല്‍കിയിട്ടും നേതാക്കള്‍ ഗൗനിച്ചില്ലെന്നും ആര്‍. രശ്മി ആരോപിച്ചിരുന്നു. ഇത് കോണ്‍ഗ്രസിനെതിരായ തുറുപ്പ് ചീട്ടാക്കാനാണ് ബിജെപിയുടെ നീക്കം.

രശ്മിയെ സ്ഥാനാര്‍ഥി ആക്കണമെന്ന് ജില്ലാ നേതൃത്വം സംസ്ഥാന നേതൃത്വത്തെ അറിയിച്ചു.